Íþróttablaðið - 01.06.1986, Blaðsíða 55

Félagi minn Óskar Þór Gunnarsson
knattspyrnumaður úr Þór frá Akur-
eyri er látinn. Útförin fór fram þann 9.
maí. Óskar var fæddur 2. ágúst 1957
og var því á 29. aldursári er hann lést.
Hann var sonur hjónanna Ellýjar
Guðnadóttur og Gunnars Óskarsson-
ar múrarameistara frá Akureyri.
Óskar lærði ungur múraraiðn af
föður sínum og vann við þá iðn til
hinsta dags. Hann þótti bæði röskur
og vandvirkur í starfi sínu.
Óskar fékk ungur að árum mikinn
áhuga á íþróttum og þá aðallega
knattspyrnu. Hann hóf að leika með 6.
flokki Þórs í knattspyrnu 9 ára gamall,
fyrsta árið sem leikið var í þeim flokki
hjá félaginu. Óskar lék lengst af sem
framherji á þeim árum og skoraði
mikið af mörkum. Eftir að í meistara-
flokk kom hélt hann áfram að hrella
markverði andstæðinganna og var t.d.
markahæstur Þórsara í 2. deild árið
1980 — árið sem liðið vann sér sæti í
1. deild. Síðustu tvö keppnistímabil
lék Óskar sem miðvörður í liði Þórs
og þótti standa sig afburðavel í þeirri
stöðu. Óskar var bæði hörku góður
skalla- og skotmaður.
Skarðið sem Óskar skildi eftir sig í
okkar hópi verður vandfyllt en hans
mun alltaf vera minnst sem góðs og
hægláts drengs sem vildi öllum vel. Ég
votta foreldrum, systkinum og öðrum
ættingjum og vinum Óskars innilega
samúð mína.
Kristján Kristjánsson.
Bæjarstjórn
Keflavíkur
óskar íþróttafólki
góðs árangursá
komandi sumri.
Bæjarstjóri
55