Íþróttablaðið - 01.06.1986, Blaðsíða 38

,4€»S@8Ó
Þá er baráttan byrjuð í einum mesta íþróttaviðburði í
heimi íþróttanna — úrslitakeppni heimsmeistara-
mótsins í knattspyrnu. Rúmlega 400 leikir voru spil-
aðir í undankeppninni en 52 leikir eru framundan í Mexíkó.
Handhafar heimsmeistaratitilsins. ítalir leika gegn Búlgörum í
opnunarleik keppninnar á Azteca leikvanginum en mánuði
seinna verður sami leikvangur vettvangur sigurs og ósigurs. Þá
munu nýir heimsmeistarar verða krýndir að viðstöddum 114.000
áhorfendum. Ógjörningur er að segja til um hverjir standa uppi
sem sigurvegarar. Mörg lið eru tilkölluð en aðeins eitt heldur
heim með titilinn í pokahorninu. Leikið verður á 12 leikvöngum
í 8 borgum víðsvegar um Mexíkó en augu heimsins munu ein-
blina á Azteca leikvanginn 29. júní 1986. Hversu sterkir eru
heimsmeistarar ítala? Hvað gerir Platini? Tekst V-Þýskalandi
undir stjórn Franz Beckenbauer að ná upp fýrri styrkleika?
Hverjir koma á óvart? Margar spurningar brenna á vörum
manna — við þeim fást svör innan tíðar.
38