Íþróttablaðið - 01.06.1986, Blaðsíða 34

Bjarni og Sævar
Bergen sé „Mekka“ knattspyrnumanna
í Noregi. Áhugi fyrir knattspyrnunni í
þessari 240.000 manna borg er hreint
ótrúlegur og segir áhorfendafjöldi á
heimaleikjum Brann alla söguna. Með-
al áhorfendafjöldi er í kringum 10.000
manns á leik yfir keppnistímabilið og
getur sú tala tvöfaldast ef um stórleik
er að ræða. Heimamenn heimta árang-
ur en hann hefur látið á sér standa og
er það ekki til að gleðja þá sem eru
hvað dyggastir. Liðið hefur rokkað á
milli l.og 2.deildar síðan 1979 en aldrei
dvalið nema eitt ár í senn í hvorri deild.
Forráðamenn liðsins voru því orðnir
þreyttir á þessu jo jo ástandi og var
ákveðið í lok síðasta keppnistímabils
að nú skyldi blaðinu snúið við. Tony
Knapp var ráðinn sem þjálfari enda var
það hans heitasta ósk. Sævar Jónsson
var keyptur frá íslandi og norski lands-
liðsmaðurinn Erik Soler hjá Ham-
burger SV. Auk þess var höndlað með
fleiri Norsara. Liðið þykir með sterkara
móti í dag enda eru gerðar gífurlegar
kröfur til leikmannanna. Standi þeir
sig vel eru þeir álitnir dýrðlingar - en
mega fara fjandans til ef liðið tapar
leik. Fólkið er kröfuhart í Bergen og
sem betur fer átti ég leið um bæinn
með þeim félögum þegar vel hafði
gengið. Strákarnir eru sannarlega vel
þekktir í bænum því penninn var dreg-
inn á loft í tíma og ótíma til að verða
við beiðni um eiginhandaráritun. Fólk
pískraði og benti og sumir heilsuðu
stoltir.
BESTIR í HEIMI!
„Áhugi fólks fyrir knattspyrnu er
mikill og hefur ætíð verið mikill rígur
milli Austur- og Vestur Noregs," sagði
Bjarni. „Bergenar hafa alltaf getað
klínt því á andstæðingana að hér sé
gott knattspyrnulið og er metnaðurinn
því stundum öfgakenndur. Það að
leika með Brann þykir nokkuð sérstakt
því hér er algjör „fótboltakúltúr". Ann-
ars eru Norsarar engum líkir. Eftir sig-
ur þeirra gegn heimsmeisturum ítala í
fyrra sögðu blöðin: Við erum bestir í
heiminum. Skömmu síðar voru þeir
rassskelltir af Dönum 4:1. Annars er
norska landsliðið gott - hefur sigrað
bæði Argentínu og Dani nýlega. Það
verður því spennandi að mæta þeim
heima í ágúst“.
Vel á minnst! Þegar ég kíkti á æf-
Bjarni Sigurðsson.
ingu hjá Brann voru heitar umræður í
gangi um komandi landsleik íslands og
Noregs í sumar. Sævar Jónsson og
norski landsliðsmaðurinn hjá Brann
Erik Soler þrættu um styrkleika lið-
anna og væntanleg úrslit og sýndist
sitt hverjum. Sævar sagðist ekki fara til
Noregs aftur ef íslenska Iandsliðið
tapaði og Soler sagðist hætta að leika
knattspyrnu þann dag sem hann tap-
aði fyrir íslandi. Fróðlegt verður því að
fylgjast með framvindu mála. Að öllum
líkindum munu þeir félagar passa
hvorn annan í leiknum því Soler er
framlínumaður og Sævar varnarmaður.
Bjarni Sigurðsson landsliðsmark-
vörður íslands í knattspyrnu leikur
sem kunnugt er með Brann annað árið
í röð. Hann hélt frá íslandi eftir að hafa
unnið íslandsmeistaratitilinn með ÍA
tvisvar í röð og var hann að auki valinn
besti leikmaður mótsins.
SKRÝTIÐ AÐ VERA
ÞARNA„NIÐRI“
„Ég ákvað að fara til Noregs því mig
langaði að breyta til og læra eitthvað af
viti. Við hjónin kunnum mjög vel við
okkur hér þó svo rignt hafl töluvert
eftir komuna hingað. Ég er í tölvunámi
samhliða knattspyrnunni og gengur
bara vel. Brannliðið í fyrra olli mér
töluverðum vonbrigðum þó svo ein-
staklingarnir hafi verið góðir hver út af
fyrir sig. Alla liðsheild og skipulagn-
ingu vantaði. Enginn agi var á liðinu
og þar af leiðandi vantaði stöðugleikæ
Mér urðu það mikil vonbrigði að falla í
2.deild og var skrýtið að vera þarna
„niðri“ því ég kom frá liði sem var
alltaf á toppnum. Þótt undarlegt megi
virðast áttum við möguleika á Evrópu-
sæti þegar tvær umferðir voru eftir —
sýnir það hve baráttan var mikil og öll
liðin í einum hnapp. Við enduðum í
næst neðsta sæti af 12 liðum og fórum
niður á óhagstæðari markatölu. Aðeins
þremur mörkum munaði". Þrátt fýrir
fall fékk Bjarni frábæra dóma og var
valinn besti markvörður l.deildar að
keppnistímabilinu loknu. Ekki dóna-
legur heiðurþað!
Eins og áður sagði hafa orðið miklar
breytingar á liðinu sem féll og voru
nýir menn keyptir. „Ég held að við höf-
um losað okkur við skemmdu eplin
sem voru ekki í knattspyrnunni fyrir al-
vöru. Við fengum góða spilara í stað-
inn“.
ÆVINTÝRASÆVAR
Sævar Jónsson þarf vart að kynna
fyrir lesendum því hann er ein styrk-
asta stoð íslenska landsiiðsins. Hann
lék í nokkur ár sem atvinnumaður með
Cercle Brugge í Belgíu en brá sér til ís-
lands í fýrra og vann eitt stykki ís-
landsmeistaratitil með Val. Einhver
ævintýraþrá blundar enn í pilti því
hann var rokinn út að nýju fyrr en
varði. Áður en Brann gerði Sævari til-
boð Ieitaði hann fyrir sér í Sviss en þar
sem stóð á svari frá liðum þar ákvað
hann að skella sér í norskuna. Sævar er
á samningi til loka nóvember og eru
honum þá allir vegir færir ef honum
sýnist svo. Nokkur möguleiki er þó á
því að hann ílengist í Bergen og hyggi
á nám. Sem stendur starfar hann sem
sölumaður hjá fjölritunarfyrirtæki og
gerir stormandi lukku — eins og hans
er von og vísa.
— Finnst þér það ekki skref niður á
við knattspyrnulega séð að fara úr
einu besta liði íslands í 2.deildarlið í
Noregi?
34