Íþróttablaðið - 01.04.1991, Blaðsíða 60
Craig Johnston fyrrum leikmaður Liverpool er farinn að vinna í þágu barna.
ÚR FÓTBOLTA
í BARNAHJÁLP
Þegar þú ert búinn að skora mark
fyrir sigurliðið í bikarúrslitaleik á
Wembley og aðstoða lið þitt í því að
sigra í deildinni og Evrópukeppninni
— hvað áttu þá eftir að upplifa í
enskri knattspyrnu?
Þetta er ef til vill óvenjuleg staða
en var engu að síður staðreynd í lífi
Ástralans Craigs Johnston. „Það er
einfaldlega of mikið að gerast í heim-
inum til þess að það sé hægt að ein-
skorða sig við fótbolta," segir John-
ston í nýútkominni ævisögu sinni
„Walk Alone". Johnston var topp-
leikmaðurmeð Liverpool þegarhann
ákvað að víkka sjóndeildarhringinn
og snúa sér að öðrum málum. Þetta
var fyrir 2 árum en þá hafði hann
búið í Englandi í 11 ár.
Fyrir þremur árum sat Johnston á
varamannabekk Liverpool og þá
gerði hann sér allt í einu grein fyrir
því að áhuginn fyrir fótbolta var ekki
sá sami og áður. Lífið sjálft var farið
að skipta hann meira máli.
Ári eftir að Johnston varð bikar-
meistari með Liverpool hlaut systir
hans heilaskemmdir í umferðarslysi.
Johnston brást þannig við að hann
yfirgaf þann heim, sem flesta dreymir
um að vera þátttakendur í, og aðstoð-
aði systur sína sem mest hann mátti.
„Ég var búinn að öðlast frægð og
frama á heiðarlegan hátt en það var
mér einskis virði til samanburðar við
heilsu systur minnar," segir Johnston.
„Slysið opnaði augu mín fyrir því
hversu auðvelt er að gleyma tilgangi
lífsins og gleyma sér í eigin frama."
Núna hefur Johnston helgað líf sitt
bágstöddum börnum og er farinn að
vinna fyrir Barnahjálp Sameinuðu
þjóðanna (UNICEF). „Ég gaf mína
æsku að sumu leyti upp á bátinn
vegna fótboltans en núna er ég að
upplifa hana fyrir önnur börn."
Starfsheiti Johnstons er íþróttasendi-
herra Sameinuðu þjóðanna en auk
hans starfar austur-þýska skauta-
drottningin, Katarina Witt, að sömu
málum og hann.
Eitt af málum sem Johnston hefur
unnið að í þágu Barnahjálpar S.Þ. er
að koma á leik milli heimsmeistara
Vestur-Þjóðverja og heimsliðsins í
október á þessu ári. Ágóðinn rennur
síðan óskiptur til aðstoðar bágstödd-
um börnum. Störf Johnstons eru
margvísleg. Hann stjórnar sjónvarps-
þáttum í Ástralíu, semur lög annað
slagið og vinnur einnig fyrir ástralska
knattspyrnusambandið.
Johnston heilsar Díönu prinsessu
fyrir úrslitaleik á Wembley.
Craig Johnston segist vera ham-
ingjusamari en nokkru sinni fyrr. „Ég
er að starfa við það sem ég uni mér
best við." Hann er gott dæmi um það
hvernig þekktur knattspyrnumaður
getur notfært sér frægð sína til þess að
aðstoða aðra af fremsta megni.
BOOKER í
KÖRFUKJÚKLINGUM
Franc Booker, körfuknattsleiks-
maðurinn fljúgandi í liði ÍR, hefur
þótt algjör hvalreki á fjörur áhuga-
manna um körfubolta. Hann skorar
að meðaltali 51 stig í leik, flest með
3ja stiga skotum og þykir engum lík-
ur. Franc þykir hið mesta gæðablóð,
innan vallar sem utan, og skapast
engin vandamál í kringum hann.
Hann er meira að segja kominn í
vinnu á daginn — hjá Hard Rock
Café í Kringlunni og ferst honum
þjónustustarfið vel úr hendi. Sérstak-
lega finnst gestum staðarins honum
takast vel upp þegar hann færir þeim
körfukjúkling — „chicken in a bask-
et". Á því sviði er Booker á heima-
velli og skyldi engan undra.
60