Morgunblaðið - 02.01.2020, Qupperneq 10

Helgi Bjarnason
helgi@mbl.is
Gert er ráð fyrir því að einangrunar-
tími innfluttra dýra verði styttur um
helming, úr fjórum vikum í tvær, í
drögum að nýrri reglugerð um inn-
flutning hunda og katta. Á móti
kemur að gerðar eru stífari kröfur
um bólusetningar, sýnatökur og
meðhöndlun dýranna áður en þau
eru flutt til landsins og að einungis
verður heimilt að flytja dýrin frá
viðurkenndum útflutningslöndum.
Helstu breytingar á innflutnings-
kröfum eru stytting á einangrun úr
fjórum vikum í 14 sólarhringa. Þá er
gert ráð fyrir að einangrun hjálp-
arhunda geti farið fram í heima-
sóttkví. Jafnframt eru auknar kröf-
ur um bólusetningar, sýnatökur og
meðhöndlun fyrir innflutning.
Ekki dregið úr smitvörnum
Núgildandi skilyrði um innflutn-
ing og einangrun hunda og katta
voru sett árið 2003. Danskur sér-
fræðingur, Preben Willeberg, sem
atvinnuvegaráðuneytið kallaði til,
skilaði nýju áhættumati fyrr á árinu.
Matvælastofnun skilaði í kjölfarið
greinargerð um endurmat á skil-
yrðum fyrir innflutningi. Þar er
fjallað um þá sjúkdóma sem Wille-
berg telur miklar eða miðlungs
miklar líkur á að berist með inn-
fluttum hundum og köttum, auk
nokkurra annarra sjúkdóma, alls um
40 sjúkdóma. Núverandi innflutn-
ingsskilyrði eru borin saman við
skilyrði til innflutnings til Ástralíu,
Nýja-Sjálands og Evrópusambands-
ins. Þá eru gerðar tillögur að
mótvægisaðgerðum.
Matvælastofnun telur mögulegt
að stytta einangrun án þess að dreg-
ið sé úr smitvörnum, að því gefnu að
öðrum aðferðum sé beitt til að halda
uppi sömu eða jafnvel meiri vörnum
gegn smitsjúkdómum en nú er gert.
Ráðuneytið gerði tillögur að nýrri
reglugerð um innflutning á grund-
velli áhættumats Willeberg og
greinargerðar Mast og hefur birt í
samráðsgátt stjórnvalda.
Töluverð reynsla er komin á nú-
verandi skilyrði fyrir innflutningi,
enda hafa 3.500 dýr verið flutt til
landsins frá árinu 2003. Dýrin koma
í hópum í einangrun og svo verður
áfram þótt vistin verði styttri.
Hrund Hólm, sérgreinadýralæknir
inn- og útflutnings, segir að tekin
séu sýni af dýrunum og nánast
undantekningarlaust finnist sníkju-
dýr í hverjum hópi, yfirleitt innvort-
is en einnig stundum útvortis.
Reglulega finnist tegundir sníkju-
dýra sem ekki eru til á Íslandi. Eru
dýrin þá meðhöndluð í samræmi við
það. Hún segir að gerð hafi verið
krafa um eina lyfjameðhöndlun fyrir
innflutning til landsins. Reynslan
sýni að það dugi ekki. Því sé lagt til
að dýrin verði meðhöndluð tvisvar,
fyrst þremur vikum og síðan einni
viku fyrir útflutning til Íslands.
Hrund segir að hér hafi menn
sérstaklega verið á varðbergi gagn-
vart hundainflúensu, veirusjúkdómi
sem upp kom í nokkrum löndum
upp úr aldamótum. Hætta hafi verið
talin á að hún gæti stökkbreyst og
smitast í íslenska hestastofninn,
sem er óvarinn. Því sé lagt til að
bætt verði við bólusetningu gegn
hundainflúensu vegna innflutnings
frá Bandaríkjunum, Kanada og
Asíuríkjum.
Einangrun nauðsynleg
Ýmis skilyrði eru óbreytt, svo sem
bólusetning gegn hundaæði. Áfram
verður einangrun þótt hún verði
styttri. Því gefst áfram kostur á að
fylgjast með heilsufari dýranna og
sjúkdómastöðu í útflutningslöndum.
Spurð hvort hægt sé að sleppa
einangrun, eins og gert hefur verið í
Noregi og Bretlandi, segir Hrund að
Matvælastofnun geti ekki mælt með
því. „Það yrði að okkar mati of langt
gengið, ekki síst vegna sníkjudýr-
anna sem við munum sjá meira af á
næstu árum og áratugum vegna
breytinga á loftslagi.“
Einangrunartími innfluttra
dýra styttur um helming
 Auknar kröfur
um meðhöndlun dýra
fyrir innflutning
Morgunblaðið/Hari
Kisa Tíminn sem hundar og kettir þurfa að vera í einangrunarstöð styttist
með nýjum reglum. Jafnframt þarf að meðhöndla dýrin meira erlendis.
Á meðal síðustu verka Landhelgis-
gæslunnar (LHG) á síðasta ári var
æfing áhafnar þyrlunnar TF-LIF
þann 21. desember. Þá var haldið
til Surtseyjar til að athuga með
ástand á Pálsbæ, í kjölfar óveðurs-
ins sem gekk yfir landið um miðjan
desember. Þar reyndist allt vera í
lagi, sagði Ásgeir Erlendsson, upp-
lýsingafulltrúi LHG.
Útköllin 219 árið 2019
Eins og mörg fyrri ár stóð
Landhelgisgæslan í ströngu á
liðnu ári og voru útköll flugvél-
arinnar TF-SIF og þyrlna LHG
orðin alls 219 þegar Morgunblaðið
hafði samband í árslok. Er það
nokkuð minna en fyrra ár, en þá
var sett met í fjölda útkalla. Voru
þau alls 278 árið 2018.
Af 219 útköllum ársins 2019 hafa
104 verið í hæsta forgangi, en til
samanburðar voru 115 í hæsta for-
gangi. Voru því hlutfallslega fleiri
útköll í hæsta forgangi árið 2019
en fyrra ár. teitur@mbl.is
Allt í
lagi með
Pálsbæ
Ljósmynd/Landhelgisgæslan
Kot Pálsbær í Surtsey var í góðu
lagi 21. desember, eins og sjá má.
Opið virka daga kl. 11-18, laugardag og sunnudag kl. 13-17Listhúsinu við Engjateig, 105 Reykjavík, sími 551 2050
S
Versluninni lokað
30-70% afsláttur af öllum vörum
10
FRÉTTIR
Innlent
MORGUNBLAÐIÐ FIMMTUDAGUR 2. JANÚAR 2020