Morgunblaðið - 30.03.2020, Qupperneq 29

MENNING 29
MORGUNBLAÐIÐ MÁNUDAGUR 30. MARS 2020
ICQC 2020-2022
AF TÆKIFÆRUM
Helgi Snær Sigurðsson
helgisnaer@mbl.is
Það er ekkert grín að vera innilok-
aður, eins og fangar vita manna
best. Þeir komast þó af og til undir
bert loft, út í port eða garð en slíkt
geta geimfarar ekki leyft sér en
fara þó sjálfviljugir út í geim og
dvelja þar oft til lengri tíma. Þó að
útsýnið sé gott er slíkt starf mar-
tröð í mínum huga og þarf sannar-
lega sterkar taugar í að þola álag
slíkrar einangrunar. Það þekkir
Scott nokkur Kelly af eigin raun,
fyrrverandi geimfari Bandarísku
geimferðastofnunarinnar NASA.
Að hafa það skemmtilegt
Í grein eftir Kelly sem birtist í
New York Times 21. mars síðast-
liðinn fjallar hann um nær árslanga
dvöl sína í alþjóðlegri geimstöð.
Hvort sem hann var vakandi eða
sofandi var hann alltaf í vinnunni,
bendir hann á og engin undan-
komuleið. Kelly segir vissulega erf-
itt að vera fastur heima fyrir, líkt
og margir eru nú á tímum sam-
komubanna og sóttkvía, og á góð
ráð handa þeim sem þurfa nú að
sætta sig við slíka einangrun. Eitt
það mikilvægasta er skipulag og að
nýta tímann vel, segir hann. Ekki
er síður mikilvægt að hafa það
skemmtilegt, horfa til dæmis á
skemmtilegar kvikmyndir með fjöl-
skyldunni, spila, hlusta á góða tón-
list, lesa bækur og þá líka bæk-
urnar sem þú hefur alltaf ætlað að
lesa en hefur aldrei komið þér að
því. Nú er tími til kominn og líka til
að horfa á sígildar kvikmyndir og
kynna þær um leið börnunum.
Vonandi ná þau að halda sér vak-
andi yfir 2001: A Space Odyssey!
Málað með Bob Ross
Kelly segist hafa saknað mest af
öllu útiverunnar á meðan hann
dvaldi í geimstöðinni, að komast út
í náttúruna. Að finna lyktina af
gróðri eða hafi, að finna sólskin á
andliti eða láta snjóa upp í sig, ekk-
ert jafnast á við það. Maður sem
liggur veikur í rúminu getur
ferðast í huganum með lestri,
hljóðbók eða hlaðvarpi. Á tímum
netsins er úrvalið endalaust, mögu-
leikarnir óteljandi og þeir sem
segjast ekki hafa neitt að gera hafa
líklega ekkert hugmyndaflug.
Hvernig getur það gerst á vorum
dögum að fólk finni sér ekkert að
gera?
Nú er rétti tíminn til að læra að
spila á hljóðfæri, prófa sig áfram í
listsköpun eða handavinnu. Panta
liti og striga með heimsendingu og
herma eftir Bob Ross á YouTube.
Ross lést fyrir aldarfjórðungi og
má finna mörg gömul myndbönd
með honum þar sem hann talar sef-
andi röddu á meðan hann málar
(frekar ljót) málverk. Miklar vin-
sældir hans hljóta að þýða að eitt-
hvað hafi verið í hann spunnið og
einkum þá hæfileika hans til að róa
áhorfendur sína niður. Listsköpun
er hin fullkomna leið til að slaka á
og hverfa inn á við.
Bókin sem þú hafðir
ekki tíma til að skrifa
Nú er líka rétti tíminn til að
endurraða öllum bókunum í bóka-
skápunum, t.d. í stafrófsröð eða
litaröð. Einnig má setja gamlan
vínil á fóninn og gráta yfir glataðri
æsku. Hlusta á Zeppelin og ferðast
aftur í tímann, svo vitnað sé í kóng-
inn. Nú er rétti tíminn til að læra
samkvæmisdans á netinu. Af
hverju ekki? Það er enginn að
horfa á þig!
Svo er það skáldsagan sem þú
hefur ætlað að skrifa í tuttugu ár
en hefur aldrei komið þér að því,
aldrei fundið tíma til þess. Nú hef-
ur þú enga afsökun. Hvað varð um
barnabókina sem þú ætlaðir bæði
að skrifa og myndskreyta og er
ekki hægt að læra kínversku á net-
inu? Að maður tali nú ekki um allar
Tími til kominn?
Sjónarspil Úr kvikmynd Stanley Kubrick, 2001: A Space Odyssey, einni af þeim áhrifameiri í kvikmyndasögunni.
jógaæfingarnar, armbeygjuáskor-
anirnar og núvitundaræfingarnar
sem þar má finna. Þú gætir meira
að segja samið einleik og frumsýnt
hann í beinni á Facebook. Fundið
upp nýja tegund af sætabrauði.
Lokað þig af inni í kassa og sýnt frá
því í beinni á netinu. Nei, bíddu við,
Almar er víst búinn að því.
Fuglafit?
Þú getur fyllt baðkarið og farið í
sjóorrustu, eins og einn vinur minn
stakk upp á. Rennt þér niður stiga
og endað í bjórvaskafati. Gert eftir-
líkingar af öllum byggingum Guð-
jóns Samúelssonar úr eldspýtum.
Sett heimsmet. Hvað varð um
fuglafit, er ekki tími til kominn að
rifja það upp? Nú eða æfa norð-
lenskan hreim eða einhvern annan
hreim. Þú getur líka klætt þig í öll
fötin þín og deilt myndbandi af
þeim gjörningi á Instagram.
Að öllu gamni slepptu er þó
mikilvægast af öllu að þvo á sér
hendurnar, eins og Scott Kelly,
fyrrverandi geimfari, bendir á. Öll
él birtir upp um síðir og aðalmálið
nú er að þrauka. Möguleikarnir
þegar kemur að dægradvöl innan
veggja heimilisins og sköpun eru
fjölmargir. Það eina sem þarf til er
hugmyndaflug.
»Nú er rétti tíminn tilað læra að spila á
hljóðfæri, prófa sig
áfram í listsköpun eða
handavinnu. Panta liti
og striga með heim-
sendingu og herma eftir
Bob Ross á YouTube.
Lærimeistari Bob Ross á einum af
mörgum mynddiskum sínum þar
sem hann kennir fólki listmálun.
Tímaflakk Robert Plant á sviði í
Laugardalshöll fyrir hartnær 50 ár-
um. Að hlusta á Zeppelin er góð leið
til að ferðast aftur í tímann.
Í kassa Almar Atlason, þá listnemi,
dvaldi í kassa í heila viku árið 2015
sem hlýtur að teljast afar óþægilegt.
Morgunblaðið/Eggert
Jóga Fólk getur stundað jóga hvar og hvenær sem er og hér má sjá jóga-
kennarann Eygló Egilsdóttur sýna eina góða stöðu heima í stofu.
Morgunblaðið/Golli
Morgunblaðið/Kristinn Benediktsson