Morgunblaðið - 08.04.2020, Qupperneq 60

60 MENNING
MORGUNBLAÐIÐ MIÐVIKUDAGUR 8. APRÍL 2020
Skeifunni 8 | Sími 588 0640 | casa.is
ARCO gólflampi
Achille & Pier Giacomo Castiglioni 1962
Verð 319.000,-
Þegar byrjað er á spennu-sögu eftir Ann Cleevesmeð Jimmy Perez í aðal-hlutverki hefur hingað til
frekar mátt búast við „mjúkri“
sögu en harðsvíraðri glæpasögu,
en höfundurinn er ekki fyrirsjáan-
legur og Bláleiftur flokkast frekar
sem „hörð“ saga um lífið á Hjalt-
landseyjum.
Bláleiftur er
fjórða bókin í
svonefndri
Hjaltlandseyja-
ritröð sem kem-
ur út á íslensku.
Hinar bækurnar
hafa verið í ró-
legri kanti
spennusagna.
Jimmy Perez
hefur oft verið
líkari manni, sem sér ekkert nema
gott í fari annarra, en ákveðnum
rannsóknarlögreglumanni á eftir
grimmum glæpamönnum, en hann
sýnir á sér aðra og harðari hlið í
þessari bók. Þó að mjúka hlið lög-
reglumannsins sé aldrei langt
undan kemst nánast ekkert annað
að en að standa sig í vinnunni, að
leysa málið, þótt hann sé í fríi.
Það er svo sem ekkert nýtt en að-
stæður eru öðruvísi en í fyrri bók-
um, uppgjörin fleiri og nú duga
engin vettlingatök.
Sagan gerist á Friðarey, þar
sem Jimmy Perez ólst upp. Hann
er mættur til þess að kynna Fran,
unnustu sína, fyrir foreldrum sín-
um og sýna henni staðinn. Veisla
þeim til heiðurs er haldin í fugla-
skoðunarstöðinni Norðurvitanum,
þar sem svonefndir fuglarar halda
til, og þá fara hjólin að snúast
fyrir alvöru í haustóveðrinu, sem
heldur öðrum frá eyjunni.
Atburðarásin er hröð og
hringurinn þrengist að hætti
Agöthu Christie. Ljóst er að
morðingi er í fámennum hópi í vit-
anum en erfitt reynist að finna
sökudólginn og tíminn er naumur.
Bláleiftur er spennandi glæpa-
saga og hugljúf ástarsaga í senn.
Hún er vel upp byggð og persón-
urnar falla vel að þræðinum hver
með sínu lagi. Sem fyrr getur ver-
ið hættulegt að stíga á tær ann-
arra og það getur reynst dýr-
keypt.
Höfundur Spennusagan Bláleiftur
eftir rithöfundinn Ann Cleeves, sem
hér sést, er vel upp byggð og per-
sónurnar falla vel að þræðinum
hver með sínu lagi, að mati gagn-
rýnanda sem gefur fjórar og hálfa
stjörnu í einkunn, nær fullt hús.
Uppgjör í
hættulegum leik
Spennusaga
Bláleiftur  Eftir Ann Cleeves.
Snjólaug Bragadóttir þýddi.
Ugla 2020. Kilja, 316 bls.
STEINÞÓR
GUÐBJARTSSON
BÆKUR
Aðdáendur íslenskra glæpa-sagna ættu flestir að verafarnir að kannast viðEddu á Birkimelnum, en
um hana fjallar
auðvitað fimmta
bókin í Eddu-
málaflokknum,
Andlitslausa kon-
an. Undirrituð
hefur verið aðdá-
andi Eddu í þrjú
ár og raunar leyfi
ég mér að full-
yrða að bæk-
urnar um Eddu
verði betri með hverju árinu. Svo
virðist sem Edda sé alltaf á réttum
tíma á réttum stað – eða kannski á
röngum tíma á röngum stað – eftir
því hvernig á það er litið. Í þetta sinn
er Eddu, henni til nokkurrar undr-
unar, boðið í brúðkaup hjá syni fyrr-
verandi samstarfskonu sinnar úr
bókabúðinni. Þótt henni þyki það
furðulegt er forvitnin aldrei langt
undan, auk þess sem Edda er
prinsippkona og afþakkar ekki boð í
brúðkaup í þjóðgarðinum á gamlárs-
dag, og leggur Edda auðvitað sitt af
mörkum við brúðkaupið og fær
dótturdóttur sína og vinkonu hennar
til þess að mynda herlegheitin.
Allra augu beinast svo að voða-
verkinu sem framið er að brúðkaupi
loknu, en það fangar þó aðeins at-
hygli Dagnýjar Eddu og Unu í
stutta stund, en þær eiga mikilvægt
verkefni fyrir höndum á nýársnótt.
Hefndaraðgerðir þeirra eru spenn-
andi hliðarsöguþráður hjá Jónínu og
sýnir að hún hefur ekki aðeins inn-
sýn í heim eftirlaunaþega heldur
einnig í heim unglinga.
Glæpurinn sem framinn var á
Þingvöllum á gamlársdag virðist
vera hatursglæpur sem erfitt er að
ímynda sér að geti gerst á Íslandi,
en ólíkt fyrri bókunum um Eddu
virðist hún ekki fá eða leita eftir að
fá að vera í hringiðu lögreglurann-
sóknarinnar. Það gerir söguþráðinn
þó alls ekki síðri, en Edda heldur sér
upptekinni að venju og fá lesendur
til að mynda innsýn í líf fjölskyldu og
vina brúðhjónanna á meðan og fylgj-
ast með skandal innan ríkisstjórn-
arinnar. Hliðarsöguþráðurinn er
ekki síður spennandi og fljótlega
kemur í ljós að aðalskipuleggjandinn
var ekki með öll spilin uppi á
borðum.
Jónína gæðir persónur bók-
arinnar lífi með ítarlegum lýsingum
á því sem fram fer í hugarheimi
þeirra, en einnig með því að lýsa
gjörðum þeirra og aðstæðum með
lifandi hætti og geta lesendur oftar
en ekki ímyndað sér að þeir séu á
staðnum. Söguþráðurinn í Andlits-
lausu konunni er þéttur og upp-
ljóstrunin um ástæðu og gerendur
voðaverksins í brúðkaupinu kemur
nánast eins og þruma úr heiðskíru
lofti. Ég vil endilega lesa meira um
Eddu.
Morgunblaðið/Eggert
Lýsandi „Jónína gæðir persónur bókarinnar lífi með ítarlegum lýsingum á því sem fram fer í hugarheimi þeirra,“
segir gagnrýnandi meðal annars um skáldsögu Jónínu Leósdóttur, Andlitslausu konuna.
Voðaverk á Þingvöllum
Reyfari
Andlitslausa konan bbbbn
Eftir Jónínu Leósdóttur.
Mál og menning, 2020. Kilja, 329 bls.
ÞORGERÐUR ANNA
GUNNARSDÓTTIR
BÆKUR
Teiknimyndasagnaútgáfan DP-in
Hetjumyndasögur hefur nú gefið
út fjórðu bók sína um hetjur Mar-
vel og fjallar sú um Þór þrumuguð
og nefnist Þór: Sonur Ásgarðs.
Segir í henni af Þór sem táningi í
Ásgarði, löngu áður en hann gekk
til liðs við ofurhetjuhópinn
Avengers. Hér er ekki kominn sá
Þór sem við þekkjum úr norrænni
goðafræði heldur Marvel-útgáfa
hans en Þór er þar ein af aðalhetj-
unum og hefur birst í mörgum
kvikmyndum, leikinn af Chris
Hemsworth.
Í Þór: Sonur Ásgarðs býr Þór í
foreldrahúsum og nýtur lífsins með
ungum Ásum og þá sérstaklega
bestu vinum sínum, Baldri og Sif.
„Þetta er bráðskemmtileg saga full
af ævintýrum sem gerast í heimi
galdra og yfirnáttúrulegra krafta.
Við fylgjumst með Þór og félögum
fara í sína fyrstu svaðilför til að
safna efni fyrir Óðin sem hann ætl-
ar að nota í nýtt kynngimagnað
vopn. Margir reyna að hefta för
þeirra og þau þurfa að berjast við
alls kyns verur og hindranir. Ferð-
in endar í mögnuðum lokabardaga
um sjálfa Valhöll,“ segir í tilkynn-
ingu.
Aðalþýðandi bókarinnar og graf-
ískur hönnuður er Kristján Ingólfs-
son. Segir í tilkynningu að mark-
miðið með útgáfunni sé að skapa
börnum og ungmennum tækifæri
til að lesa bækur á íslensku en
bækurnar höfði til aðdáenda Mar-
vel teiknimyndasagna á öllum aldri.
DP-in teiknimyndasögur hafa áð-
ur gefið út bækur um Kóngulóar-
manninn, X-mennina og græna bel-
jakann Hulk. Önnur bók um
X-mennina stökkbreyttu er
væntanleg.
Guð Kápa bókarinnar um Þór
þrumuguð á táningsaldri.
Ný bók komin út
um Þór þrumuguð