Morgunblaðið - 20.04.2020, Blaðsíða 8

8 FRÉTTIRInnlent
MORGUNBLAÐIÐ MÁNUDAGUR 20. APRÍL 2020
Smiðshöfða 9, 110 Rvk. logoflex@logoflex.is 577 7701 www.logoflex.is
Ljósaskilti
fyrir þitt fyrirtæki
LogoFlex sérhæfir sig í framleiðslu skilta, prentunum og
smíði úr plasti ásamt efnissölu á plexigleri og álprófílum
Styrmir Gunnarsson bendir á þaðað fyrirtæki og heimili muni á
næstunni þurfa að „skera niður
óþarfa kostnað í sínum ranni, ein-
faldlega vegna þess að það er óhjá-
kvæmilegt“. Og hann spyr hvernig
þetta sé hjá opinberum aðilum.
  
Hann veltir þvíupp hvort
aldrei verði til
óþarfa kostnaður
hjá ríki eða sveit-
arfélögum og spyr:
„Eða getur verið að
ástæðan fyrir því,
að það er nánast
óþekkt að hafinn sé
skipulagður niður-
skurður á slíkum
kostnaði, sé sú, að
það er alltaf hægt
að sækja aukið fé í
vasa fólksins í land-
inu og fyrirtækjanna?“
  
Styrmir bendir á að það sé sjálf-sögð skylda þessara aðila að
hreinsa nú til.
  
Jón Magnússon víkur líka að hinuopinbera í ljósi núverandi að-
stæðna og bendir á hina hlið pen-
ingsins, tekjuöflunina, skattana.
  
Jón bendir á að tryggingagjaldiðhafi alltaf verið ósanngjarn
skattur: „Það er fráleitt að skatt-
leggja einstaklinga sérstaklega fyr-
ir að vinna hjá sjálfum sér, hvað þá
fyrir að ráða fólk til starfa.“
  
Jón telur nær að horfa til skatta-lækkunar en að deila peningum
úr ríkissjóði og segir: „Það er lífs-
nauðsyn fyrir vöxt og viðgang eðli-
legs atvinnulífs í landinu nú og þeg-
ar þessu fári lýkur, að létta af þeim
sköttum sem eru óréttmætir og sér-
lega íþyngjandi miðað við að-
stæður. Þar kemur þá helst til að
skoða að leggja niður trygging-
argjaldið.“
Styrmir
Gunnarsson
Tvær tillögur
STAKSTEINAR
Jón Magnússon
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Á fundi borgarráðs á fimmtudag var
lagt fram bréf skrifstofu borgar-
stjórnar vegna forsetakosninga sem
fram fara að óbreyttu 27. júní nk. með
tillögu að kjörstöðum í Reykjavíkur-
kjördæmum, þóknunum til kjör-
stjórna, umboði til borgarráðs og
fleira. Lagt er til að kjörstaðir verði
16 talsins, átta í hvoru kjördæmi,
Reykjavík norður og suður.
Í bréfinu er einnig óskað eftir að
heimiluð verði fjölgun kjörstaða ef
nauðsynlegt þykir og eftir atvikum
fækkun kjördeilda á hverjum stað.
Áhugi sé fyrir því að athuga hvort
hægt verði að koma fyrir kjörstað í
Borgarbókasafninu í Kringlunni til að
þjóna Leitahverfi þar sem hefur orðið
mikil fjölgun kjósenda frá síðustu
kosningum. Í Reykjavíkurkjördæmi
suður hefur skrifstofa borgarstjórnar
áhuga á að skoða möguleika á kjör-
stað í Breiðholtsskóla til að þjóna
Bakkahverfi og Stekkjum og í Dal-
skóla til að þjóna Úlfarsárdal. Einnig
möguleika á kjörstað til að þjóna nýju
hverfi við Hlíðarenda. Þá eru í skoðun
mögulegir nýir kjörstaðir til að þjóna
gamla Vesturbænum og Granda-
hverfi.
Loks er lagt til að þóknun verði 98
þúsund fyrir störf í hverfiskjörstjórn
og 60 þúsund fyrir undirkjörstjórn.
sisi@mbl.is
Til skoðunar að fjölga kjörstöðum
 Borgin undirbýr forsetakosningar
 Ný og fjölmenn hverfi í borginni
Morgunblaðið/Ernir
Forsetakjör Að öllu óbreyttu fara
kosningar fram 27. júní í sumar.
Ragnhildur Þrastardóttir
ragnhildur@mbl.is
Yfirvofandi er að vinnuafl muni
skorta í skógrækt á komandi sumri
vegna heimsfaraldurs kórónuveiru.
Um 15 til 20 erlendir háskólanemar
hafa starfað hjá Skógrækt ríkisins
undanfarin sumur og fengið vinnuna
metna til náms en nú er ekki útlit
fyrir að mögulegt verði að fá erlenda
háskólanema í þessi störf þetta árið
vegna ferðatakmarkana.
Þetta segir Hreinn Óskarsson,
sviðsstjóri samhæfingarsviðs Skóg-
ræktarinnar. Erlendu nemarnir
hafa unnið allt frá tveimur vikum og
upp í þrjá mánuði hjá Skógræktinni
en vinnuna fá þeir metna til eininga
fyrir nám sitt. Þeir koma hingað í
gegnum Erasmus-styrki Evrópu-
sambandsins en þeim hefur fjölgað á
síðustu árum þar sem fjármagn
Skógræktarinnar til að ráða til sín
starfsmenn hefur verið af skornum
skammti.
„Það koma líklega engir í ár, það
bara gengur ekki upp að fá fólk sem
þarf að fara í sóttkví,“ segir Hreinn.
Samtal um aukið fjármagn er haf-
ið á milli Skógræktarinnar og
stjórnvalda.
„Ef við fáum fjármagn fáum við
sömuleiðis tækifæri á að bæta við
störfum fyrir íslenska háskólanema
og aðra sem vantar atvinnu,“ segir
Hreinn.
Eins og áður hefur komið fram
hefur atvinnuleysi hérlendis aukist
mikið undanfarið en Vinnumála-
stofnun spáir nú um 17% atvinnu-
leysi í aprílmánuði.
„Það er nauðsynlegt að fá meira
vinnuafl þar sem við höfum nóg af
verkefnum,“ segir Hreinn.
Vinnuafl skortir
vegna kórónuveiru
 Skógræktin vill
aukið fjármagn til að
skapa launuð störf
Ljósmynd/Hreinn Óskarsson
Skógarhögg Samtal við stjórnvöld
um aukið fjármagn er hafið.