Framblaðið - 01.02.1958, Qupperneq 9

Þegar fyrsta 3. flokks mótið var háð í
Reykjavík, átti Fram engan unglingaflokk
og gat því ekki tekið þátt í mótinu, en þá gat
Víkingur, K.R. og Valur (yngri flokkarnir
hétu Væringjar) sent flokka á mótið. Ung-
lingafélag, er hét Fálkinn, tók einnig þátt í
mótinu og varð neðst.
Næsta ár tók Fálkinn ekki þátt í mótinu
meðal annars vegna þess, að margir liðs-
menn frá árinu áður voru of gamlir fyrir
3. flokk og nýliðar engir til að fylla í skarð-
ið. Meiri hluti Fálkans ákvað þá að halda
hópinn áfram og ganga í Fram og gerðist
þetta 1919. Næsta ár tók Fram þátt í vor-
móti 3. flokks. Má segja að Fálkarnir hafi
myndað kjarnann í yngri flokkunum næstu
árin og séu raunverulegir stofnendur yngri
deilda félagsins. Saga Fálkans var rakinn í
35 ára afmælisriti félagsins, svo óþarfi er að
ræða meira þar um.
Sá, sem þetta ritar, átti nokkurn hlut að
því, að Fálkarnir gengu í Fram og var af
stjórn félagsins fenginn til forstöðu 3. flokks.
Honum er því vel kunnugt um alla starfsemi
þessi fyrstu ár og gæti sagt frá mörgum
erfiðleikum, sem flokkurinn átti við að stríða.
Félagar voru í byrjun það fáir, að við borð
lá, að oft væri ekki hægt að taka þátt í mót-
um, og þurfti nær alltaf að smala leikmönn-
um saman, svo fullt lið gæti mætt til leiks.
Aftur á móti urðum við ríkir af reynslu og
mörg voru mörkin, sem tína þurfti úr neti
okkar. Á árunum 1920—’29 voru háð 20 3.
ilokksmót og tókum við þátt í 17 þeirra og
unnum eitt mót., vormótið 1923.
Lík þessu var saga 2. flokks á þessum ár-
um. Frá 1917—’30 tók Fram aðeins þátt í
13 af 22 mótum og vann ekkert.
Eins og þetta stutta yfirlit ber með sér,
var hagur félagsins ekki glæsilegur 1926, þegar
1. flokks liðið lagði upp laupana.
Árið 1927 tók 1. flokkur þátt í íslands-
mótinu, aðallega til að sýna lit, en ekki var
tekið þátt í Reykjavíkurmótinu. Einnig tókst
III. jlokkur 1933. Standandi: Ölafur K. Þorvarðsson, Guð-
laugur Guðmundsson, Þórir Runólfsson, Kristleifur Guð-
mundsson, Svavar Olsen, Samúel M. Ketilsson. A hnján-
um: Magnús Kristjánsson, Kristján Jónsson. Sitjandi:
Jakob Jónsson, Þorvarður Þorvarðsson Jón Jóhannesson.
Sigurð Halldórsson, vantar á myndina.
að láta 2. flokk taka þátt í báðum mótum
og 3. flokk einnig.
Árið 1928 tók 1. flokkur ekki þátt í mót-
unum, en lék móti Skotum, með styrktu liði.
2. flokkur tók þátt í Haustmótinu, en 3. flokk-
ur í vormótinu.
Árin 1927—’28 var félagið að mestu dautt
og starfsemi þess engin, enda þótt tekist hefði
að reyta saman liðum til að taka þátt í fyrr-
nefndum mótum. Menn voru almennt von-
litlir að takast mætti að reisa félagið við aft-
ur, og þar sem Víkingur var í öldudal á
sama tíma, voru margir úr báðum félögunum
með bollaleggingar um sameiningu þeirra í
eitt félag. Til allra hamingju áttu þessar til-
lögur ekki þann hljómgrunn hjá félögum
FRAMBLAÐIÐ 7