Fréttablaðið - 09.10.2020, Qupperneq 56

Iðunn og afi pönk er ný barna-bók eftir Gerði Kristnýju. Spurð um söguþráðinn segir Gerður: „Iðunn er ellefu ára stelpa sem verður fyrir þeirri ógæfu að nýja hjólið hennar
hverfur. Foreldrar hennar eru farin
í ferðalag og afinn á að gæta hennar
á meðan. Hann hefur hins vegar
meiri áhuga á lúsmýi og pönki en
týndum reiðhjólum svo það er erf-
itt að virkja hann í leitinni. Síðan
kemur limbódrottning við sögu og
pönkhljómsveitin Brigsl.“
Gerður segir að líklegt sé að fleiri
sögur um Iðunni verði til. „Ég vona
að mér takist að skrifa framhald.
Það er gaman að fást við sögu fyrir
íslensk börn úr rammíslenskum
samtíma. Nú þegar pönkararnir
eru komnir á miðjan aldur er líka
gaman að velta því fyrir sér hvernig
ömmur og afar þeir eru, hvort þeir
spili eitthvað annað en Ramones
fyrir barnabörnin. Mér fannst það
aðkallandi spurning sem nauðsyn-
legt væri að kryfja í skáldsögu.“
Aðrar hliðar
Gerður hlaut á sínum tíma Bóka-
verðlaun barnanna fyrir Mörtu
smörtu, Bóksalaverðlaunin fyrir
Garðinn sem og Vestnorrænu
barnabókaverðlaunin og leikrit
var gert eftir bókaf lokki hennar
um forsetann á Bessastöðum. Spurð
hvort þessi barnabók sé öðruvísi
en þær sem hún hefur skrifað áður
segir hún: „Barnabækurnar mínar
eru af ýmsum toga. Draugasagan
Garðurinn og Dúkka voru í alvar-
legri kantinum en meiri fíf lalæti í
þríleiknum um Ballið á Bessastöð-
um. Iðunn og afi pönk eru meira í
Bessastaðaandanum. Mér finnst
ég geta sýnt aðrar hliðar á mér sem
rithöfundur í barnabókunum en í
fullorðinsbókunum og stundum hef
ég þörf fyrir það.“
Rétti maðurinn í verkið
Halldór Baldursson gerir mynd-
irnar en þetta er ekki í fyrsta sinn
sem hann myndskreytir barna-
bækur Gerðar. „Ég er mjög hrifin
af teikningum Halldórs. Hann
myndskreytti líka Ballið á Bessa-
s t ö ð u m og fyrstu barnabókina
mína Mörtu smörtu. Þar sem
Halldór er af íslensku pönk-
kynslóðinni var hann rétti
maðurinn í verkið. Ég vissi að
hann næði fram þeim innri
djöflum sem ólmast innra með
öllum sönnum pönkurum.“
Gerður á tvo syni en segist ekki
prófa barnabækur sínar á þeim.
„Ég hef markvisst reynt að blanda
ekki sonum mínum í mín störf,
ekki frekar en ég elti pabba minn í
uppskurði þegar ég var krakki.“
Skáldsaga og ljóðabálkur
Á þessum árstíma eru barnabóka-
höfundar venjulega á útopnu við að
lesa úr verkum sínum. „Ég er bókuð
í alls kyns fyrirlestra og upplestra
í haust, á bókasöfnum, í skólum
og á vinnustöðum. Hvort af þeim
verður veit ég hins vegar ekki fyrr
en á hólminn er kominn. Ég hef, eins
og aðrir, tippexað heilu hátíðirnar,
veislurnar og upplestrana af daga-
talinu þetta árið,“ segir Gerður.
Spurð að hverju hún sé að vinna
núna segir Gerður: „Ég er komin
nokkuð áleiðis í skáldsögu fyrir full-
orðna en er líka að semja ljóðabálk
sem gerist norður á Ströndum. Þess
vegna dvaldi ég á Hólmavík í sumar
í leit að minni innri urtu. Það gekk
betur en ég átti von á.“
Meira pönk! Meiri fíflalæti!
Gerður Kristný sendir frá sér nýja barnabók, Iðunn og afi pönk. Hún segir líklegt að
framhaldsbók verði til. Er núna að vinna í skáldsögu fyrir fullorðna og ljóðabálki.
Hópur gjörningalistamanna sem kallar sig Sunday Seven verður með gjörningadag-
skrá á netinu, sem verður meðal
annars streymt á artzine.is vefrit-
inu. Dagskrána kalla þau 10 10 2020.
Meðlimir Sunday Seven eru:
Ásdís Sif Gunnarsdóttir, Ásta Fann-
ey Sigurðardóttir, Darri Lorenzen,
Ingibjörg Magnadóttir, Magnús
Logi Kristinsson, Sigtryggur Berg
Sigmarsson, Snorri Ásmundsson og
Styrmir Örn Guðmundsson.
Laugardagskvöldið 10. október
klukkan 20.00 að íslenskum tíma
verður gjörningunum streymt frá
Berlín, Hannover, Helsinki, Reykja-
vík og sænsku og frönsku sveitinni
á vegg hópsins á Facebook og á list-
veftímaritið artzine.is.
Gjörningar á netinu
Snorri Ásmundsson er meðal lista-
manna sem verða með gjörning á
netinu. FRÉTTABLAÐIÐ/ERNIR
Útskriftarsýning meistara-nema í myndlist frá Lista-háskóla Íslands árið 2020
verður opnuð í Nýlistasafninu
laugardaginn 10. október undir
yfirskriftinni Forðabúr – Supply.
Sýnendur eru Guðrún Sigurðar-
dóttir, Hugo Llanes, Lukas Bury,
Mari Bø, María Sjöfn, Nína Óskars-
dóttir, Sabine Fischer og Sísí Ing-
ólfsdóttir. Sýningarstjóri er Hanna
Styrmisdóttir
Sýningin sem stendur til sunnu-
dagsins 22. nóvember er jafnframt
lokaviðburður Útskriftarhátíðar
Listaháskóla Íslands 2020 sem
teygir sig að þessu sinni yfir sex
mánuði.
Útskriftarsýning
í Nýlistasafninu
Hanna Styrmisdóttir sér um
sýningarstjórn. FRÉTTABLAÐIÐ/ERNIR
Dagskráin er eftirfarandi:
20.00 - Snorri Ásmundsson
20.20 - Magnús Logi
Kristinsson
20.40 - Sigtryggur Berg
Sigmarsson
21.00 - Darri Lorenzen
21.20 - Ásta Fanney
Sigurðardóttir
21.40 - Ingibjörg Magnadóttir
22.00 - Styrmir Örn
Guðmundsson
Kolbrún
Bergþórsdóttir
kolbrunb@frettabladid.is
„Ég vona að mér takist að skrifa framhald,“ segir Gerður. FRÉTTABLAÐIÐ/SIGTRYGGUR ARI
ÞAÐ ER GAMAN AÐ
FÁST VIÐ SÖGU FYRIR
ÍSLENSK BÖRN ÚR RAMM­
ÍSLENSKUM SAMTÍMA.
9 . O K T Ó B E R 2 0 2 0 F Ö S T U D A G U R20 M E N N I N G ∙ F R É T T A B L A Ð I Ð
MENNING