Fréttablaðið - 24.10.2020, Page 30

Elín
Albertsdóttir
elin@frettabladid.is
MEIRI ORKA OG MINNI STREITA
“Þegar ég tek Adapt Energy Boost
kem ég meiru í verk og er
full af orku í vinnunni og til
að stunda áhugamálin af krafti”.
- Ragnheiður Brynjólfsdóttir -
Ú
ts
öl
us
ta
ði
r:

A
pó
te
ka
ri
nn
, A
pó
te
k
H
af
na
r
ar
ða
r,
A
pó
te
k
Ve
st
ur
la
nd
s,

A
pó
te
k
Su
ðu
rn
es
ja
, L
yf
o
g
he
ils
a,
L
y
av
al
, L
y
av
er
,
Ly
fs
al
in
n,
H
ei
ls
uv
er
o
g
á
w
w
w
.r
ar
it
et
.is
Adapt Energy Boost er sérhannað fæðubótarefni fyrir þá sem þurfa á auka orku að halda
í dagsins önn. Það bætir svefn og dregur úr streitu, eykur framtakssemi
og kemur jafnvægi á hugann. Sönnuð virkni í klínískum rannsóknum.
Frosti skyr er ný vara sem samanstendur af íslenskum skyrflögum og spírulínu.
Varan er hugarfóstur þeirra
Anítu Þórunnar Þráinsdóttur,
sem útskrifast með BS-gráðu úr
matvælafræði um jólin, og Guð-
rúnar Ölfu Einarsdóttur, en hún
útskrifaðist með BS-gráðu úr
matvælafræði síðastliðið sumar.
Hugmynd þeirra varð í þriðja sæti
í bæði frumkvöðlakeppninni Gull-
egginu og Ecotrophelia, evrópskri
samkeppni háskólanema um
vistvæna nýsköpun matvæla, sem
er jafnframt besti árangur Íslands í
keppninni frá upphafi.
Aníta og Guðrún Alfa kynntust
á fyrsta ári sínu í matvælafræði við
Háskóla Íslands árið 2017 og tóku
þá við viðburðarík og skemmtileg
ár. „Á þriðja árinu okkar í náminu
tók alvaran við, en þá hófst þró-
unin á vörunni okkar, Frosta skyri.
Við höfum báðar mjög mikinn
áhuga á nýsköpun og gæðum
matvæla og sameinuðum þennan
áhuga í Frosta skyri,“ segir Guðrún
Alfa, þegar hún er spurð um upp-
hafið að samstarfi þeirra.
Hágæða próteinduft
„Frosti skyr er hágæða íslenskt
próteinduft sem einnig er hægt að
nota sem hefðbundið skyr. Varan
samanstendur af frostþurrkuðum,
laktósafríum skyrflögum með
blárri spírulínu, en spírulína er
næringarmikill þörungur og talinn
til svokallaðrar ofurfæðu. Frosta
skyr er mjög einfalt í notkun.
Aðeins þarf að blanda vatni saman
við skyrflögurnar og hræra hressi-
lega og þá fær maður skyr í sinni
upprunalegu mynd. Varan þarf
ekki að vera geymd í kæli og getur
geymst í mörg ár án viðkomu rot-
varnarefna,“ útskýrir Aníta Þórunn
og bætir við að einnig megi bæta
Frosta skyr í holla þeytinga fyrir
aukið próteinmagn.
Þegar þær eru spurðar hvernig
hugmyndin hafi kviknað, svarar
Aníta Þórunn.
„Hugmyndin að Frosta skyri
kviknaði í byrjun þessa árs í
áfanganum vöruþróun matvæla
í Háskóla Íslands, þar sem mark-
miðið var að þróa ný matvæli sem
innihéldu blágræna smáþörunginn
spírulína. Bláa spírulínan sem
við notum í Frosta skyr er mjög
næringarrík, en jafnframt laus við
fiskbragðið sem margir tengja við
þörunga og hentar því einstaklega
vel sem viðbót í matvæli.“
Guðrún Alfa bætir við að þær
hafi unnið dag og nótt að vöru-
þróun. „Eftir sex vikur vorum við
komnar með fyrstu frumgerð af
vörunni í hendurnar. Við fengum
styrk frá Nýsköpunarsjóði náms-
manna í framhaldinu til áfram-
haldandi þróunar á vörunni. Í
sumar bauðst okkur svo vinna
hjá fyrirtæki sem sérhæfir sig í
þörungaræktun, en þar sóttum
við okkur reynslu við ræktun á
þörungum spírulínu. Frosti skyr
er í stöðugri þróun og mun þeirri
vinnu líklega aldrei ljúka, en varan
er þó nánast söluhæf eins og er,“
segir hún.
Tvenn verðlaun
Vinkonurnar létu ekki þar við sitja
heldur skráðu sig í frumkvöðla-
keppnina Gulleggið og síðan
Ecotropheliu. „Aníta hringdi í
mig eitt kvöldið og sagði mér frá
auglýsingu um umsóknarfrest í
frumkvöðlakeppnina Gulleggið,
sem hafði þá lent í ruslpóstinum
hjá okkur báðum. Við tókum
skyndiákvörðun um að skrá okkur
20 mínútum fyrir lokun skrán-
ingar og helgina eftir vorum við
mættar í fyrstu vinnusmiðjuna.
Áður en við vissum af höfðum við
verið valdar af 170 hugmyndum
í topp tíu og lönduðum síðan
þriðja sætinu í úrslitunum. Allt
ferlið var ótrúlega skemmtilegt
og reynsluríkt og erum við mjög
fegnar að Aníta ákvað að skoða
ruslpóstinn sinn þetta umrædda
kvöld,“ segir Guðrún Alfa og Aníta
bætir við. „Á fyrsta árinu okkar
í matvælafræði heyrðum við af
keppninni Ecotropheliu, evrópskri
keppni háskólanema um vistvæna
nýsköpun matvæla. Keppninni
svipar að mörgu leyti til Eurovis-
ion en þar taka þátt fulltrúar frá
hverju Evrópulandi. Á bak við
keppnina standa nokkrir risar í
matvælageiranum, meðal annars
Nestlé. Við vorum staðfastar í
því að fara erlendis og taka þátt
fyrir Íslands hönd. Það varð svo
að veruleika núna síðastliðinn
sunnudag, þegar við lentum í
þriðja sætinu, sem er jafnframt
besti árangur Íslands frá upphafi.“
Væntanlegt á næsta ári
Þegar þær eru spurðar hvort
verðlaunin geti hjálpað þeim að
markaðssetja vöruna, svarar Aníta
Þórunn. „Já, heldur betur. Jákvæð
umfjöllun hefur skapast í kjöl-
farið, en það sýnir okkur að það er
markaður fyrir Frosta skyr og að
við séum á réttri leið. Einnig hafa
fyrstu viðskiptavinirnir nú þegar
haft samband og bíða í röðum eftir
að Frosti skyr líti dagsins ljós í versl-
unum,“ segir Aníta Þórunn.
Guðrún Alfa segir að stefnan sé
sett á að koma vörunni á markað á
næsta ári. „Áhugasamir geta fylgst
með okkur á samfélagsmiðlum
fyrir upplýsingar þegar nær dreg-
ur,“ segir hún. Þær segja að Frosti
skyr þurfi ekki að geymast í kæli
og geti geymst í langan tíma án rot-
varnarefna. Einnig verður kostur
á því að selja marga skammta af
skyri saman í einni pakkningu og
jafnvel að selja skyrið umbúða-
laust, en með því sparast hellingur
af umbúðum. „Með Frosta skyri er
hægt að sporna gegn matarsóun
með því að þurrka skyr sem komið
er á síðasta söludag og gefa því
þannig nýtt líf. Frosti skyr sem
íslenskt próteinduft, getur líka
verið staðgengill innflutts pró-
teindufts að einhverju leyti, en
þannig mætti spara gjaldeyri og
stuðla að bættri nýtingu innlendra
auðlinda,“ segja þær.
Guðrún Alfa og Aníta stefna á
að setja vöruna á markað og benda
á að með auknum ferðamanna-
straumi hingað til lands hafi vin-
sældir skyrs dreifst um heiminn.
Þær eru með margþætt framtíðar-
áform fyrir Frosta skyr „Fyrst á dag-
skrá er að koma vörunni á markað.
Stefnan er að auðvelda útflutning
á íslensku skyri, að selja umbúða-
laust skyr í fyrsta sinn, minnka
matarsóun og halda áfram þróun
á vörulínunni Frosti skyr. Okkar
helsta markmið er að framleiða
hágæða og bragðgóða vöru sem
neytendur þekkja og treysta.“
Hægt er að fylgjast með Frosta
Skyr á frostiskyr.net eða á insta-
gram @frostiskyr eða hafa sam-
band frostiskyr@gmail.com.
Íslenskt skyr í nýjum búningi
Aníta Þórunn Þráinsdóttir og Guðrún Alfa Einarsdóttir hlutu á dögunum evrópsk frumkvöðla-
verðlaun fyrir sköpun sína Frosti skyr sem er ný vara sem unnin er úr íslensku skyri.
Gulleggið góða sem þær Guðrún Alfa og Aníta Þórunn
fengu í viðurkenningarskyni fyrir Frosta skyr.
Frosti skyr kemur á íslenskan markað á næsta ári. Varan samanstendur af frostþurrkuðum,
laktósafríum skyrflögum með blárri spírulínu, sem gefur skemmtilegan lit. MYNDIR/AÐSENDAR
4 KYNNINGARBLAÐ FÓLK 2 4 . O K TÓ B E R 2 0 2 0 L AU G A R DAG U R