Fjölrit RALA - 13.09.1980, Side 60

50
JARÐRÆKTARTILRAUNIR.
Starfsemi tilraunastöðvanna í ár var með svipuðu sniði og undanfarið,
nema tilraunúm hefur heldur fækkað. Þær voru síðastliðió sumar 110-120
talsins. Mest hefur tilraununum fækkað á Möóruvöllum.
Áburðartilraunir og tilraxinir með grasstofna eru langstærstu flokkarnir
með um 70 tilraunir. Tilraunir með matjurtir og berjarunna hafa
síóustu ár verið meiri en oftast áður, og var umfang þeirra í ár svipað og
undanfarið. Grænfóðurstilraunir voru ekki margar í ár. Af öðrum tilraunum má
nefna tilraunir með búfjáráburð, illgresiseyðingu, fræ- og kornrækt og fleira.
Helzta nýjung í tilraunastarfseminni var tilraun á Möðruvöllum, er könnuð
voru áhrif svella að vetrinum á uppskeru og gróðurfar.
Áburðartilraunimar eru flestar mjög gamlar, hin elsta frá 1938, og er
hlutverk þeirra einkum að leiða í ljós laragtímaáhrif af notkun til-
búins áburðar.
Grasstofnatilraunirnar standa að jafnaði ekki mörg ár, en reynt er að
fylgjast með gróðurfari í þeim,eftir að uppskerumælingum er hætt.
Á öllum stöðvunum var uppskera tilraunanna mun minni en venja er vegna
kulda í vor og sumar. Kal var þó ekki verulegt, heldur umfram allt minni
spretta. Einnig var fræ- og komuppskera með allra minnsta móti. 10. tafla
sýnir uppskeru í einni tilraun á hverri stöð. Þetta eru allt tilraunir með
ólíkar tegundir N-áburðar, og tölurnar eru meðaltöl b-, d- og e-liða, en
það eru liðir, sem fengu Kjama og kalksaltpétur.
10. tafla. Þe. hkg/ha
1979 Mt. Fjöldi ára
Reykhólar 23.7 56.0 21
Möðruvellir 22.2 46.7 35
Skriðuklaustur 28.8 67.5 25
Sámsstaðir 52.7 57.3 23
Niðurstöður jarðræktartilrauna á stöðvunum birtast í sérstöku fjölriti,
sem nefnist Jarðræktartilraunir 1979.