Fjölrit RALA - 15.04.1996, Blaðsíða 64

Korn 1995
54
Kynbætur á korni og kornræktartilraunir (132-1047,9251 og 185-9246)
Sumarið 1995 var 0,6°C hlýrra en í meðallagi á Korpu og varð þar með fimmta hlýjasta
sumarið frá 1980. Þá er miðað við fjögurra mánaða tímabil frá 15. maí til 15. september. Þrátt
fyrir þessi hlýindi nýttist sumarið fremur illa til kornþroska hér um slóðir. Jarðklaki var með
mesta móti í vor; líklega um 65 sm á dýpt á Korpu og entist fram undir júlílok. Jörð var því
köld og víða varð ekki sáð fyrr en í ótíma vegna bleytu í flögum.
Sunnanlands var vorið sólríkt, en 23. júlí fór að rigna og sá varla til sólar eftir það þá tvo
mánuði, sem eftir voru til kornskurðar. Akrar litu þó nokkuð vel út, en skárust illa og kornið
vigtaði miður en menn áttu von á. Norðanlands var veðri öfugt farið; kuldar miklir framan af
sumri, en síðan hlýindi og sólfar. Þar reyndist korn því víða betur en búist var við.
í haust gerði tvö stórviðri; á suðvestan 16. sept. og á suðaustan 30. sept. Þá lét korn
nokkuð á sjá, einkum sexraðaafbrigði og jafnvel tvíraða í síðara veðrinu. Það gæti hafa komið
niður á uppskerutölum úr Ámessýslu, en þar var ekki skorið fyrr en 2. okt. Frost stöðvaði
kornþroska víðast um land 27. sept., en þangað til hafði frost aðeins valdið skemmdum á
örfáum bæjum.
í ár var korn ræktað á tæplega 600 ha. Eitthvað mun hafa verið slegið sem grænfóður, en
af a.m.k. 500 ha var skorið korn. I þessu verkefni voru uppskornir 444 tilraunareitir og
meðaluppskera úr þeim reyndist vera 2,1 tonn á hektara af korni með 100% þurrrefni. Ætla
má, að það sé meðaluppskera á landinu. Þeir sem vilja bera það saman við kornuppskeru í
grannlöndunum, þurfa að hafa í huga, að þar eru tölur venjulega miðaðar við 85% þurrefni.
Þannig reiknuð yrði meðaluppskera á landinu 2,4 tonn á hektara. Sambærilegar tölur frá árinu
1994 voru 588 reitir, sem gáfu 2,9 tn/ha með 100% þe. eða 3,4 tn/ha með 85% þe.
Tilraun nr. 125-95. Samanburður á byggafbrigðum.
Tilraunir voru í sumar gerðar á tólf stöðum í þremur landshlutum. Tilgangur með þeim var að
minnsta kosti þríþættur. í fyrsta lagi voru borin saman byggafbrigði og þar með taldar
fjölmargar íslenskar kynbótalínur. í öðru lagi voru áburðarliðir í hverri tilraun og með þeim
var reynt að ákvarða áburðarþörf mismunandi jarðvegs. I þriðja lagi fengust svo upplýsingar
um þroskaferil koms á hinum ýmsu stöðum.
Skamm- Áburður Upp-
stöfun Land kg N/ha Sáð skorið
Þorvaldseyri undir Eyjafjöllum Þo vallendi 70 2.5. 28.9.
Voðmúlastöðum í Landeyjum Vo sendin mýri 50 8.5. 28.9.
Lágafelli í Landeyjum Lá mýri 30 8.5. 27.9.
Selparti í Flóa Se sandur 100 11.5. 2.10.
Húsatóftum á Skeiðum Hú vallendi 50 11.5. 2.10.
Birtingaholti í Hreppum Bi sandur 100 11.5. 2.10.
Korpu í Mosfellssveit Ko mýri 50 15.5. 3.10.
Vestri-Reyni á Akranesi Vr mýri 40 12.5. 26.9.
Ósi á Akranesi Ós sandur 100 12.5. 26.9.
Páfastöðum í Skagafirði Pá mýri 60 9.5. 13.9.
Vindheimum í Skagafirði Vi sandur 100 9.5. 13.9.
Miðgerði í Eyjafirði Mi mólendi 105 19.5. 10.10.