Fréttablaðið - 27.11.2020, Qupperneq 34

FÓTBOLTI Diego Armando Mara-
dona gladdi fótboltaheiminn gríð-
arlega mikið með snilli sinni innan
vallar. Stjörnuljómi hans skein
skærast frá 1986 til 1990. 
Á þeim tíma leiddi hann Argent-
ínu til sigurs á heimsmeistaramót-
inu í Mexíkó árið 1986 og sankaði
að sér titlum hjá Napoli eftir bikar-
þurrð hjá félaginu.
Þar á eftir fór að halla undan
fæti á ferli hans og segja má að lág-
punkturinn hafi verið þegar Mara-
dona féll á lyfjaprófi á miðju heims-
meistaramóti í Bandaríkjunum árið
1994.
Þjálfaraferill Maradona var
sveif lukenndur en hann f laug
hæst þegar hann stýrði Argentínu
á heimsmeistaramótinu í Suður-
Afríku árið 2010.
Utan vallar var líferni Maradona
skrautlegt þar sem hann var bendl-
aður við mafíuna í Napoli, dálæti
hans á Che Guevara  og vinfengi
hans við Fidel Castro mörkuðu
líf hans. Eftir að hafa háð langa
og harða baráttu við bakkus lét
Maradona lífið sextugur að aldri
á miðvikudagskvöldið síðastliðið.
Fótboltaheimurinn syrgir þessa
dagana einn sinn dáðasta son. – hó
Ferill Maradona í máli og myndum
Diego Armando Maradona er einn frægasti fótboltamaður sögunnar en hann var bæði frábær leikmaður inni á vellinum og vakti
töluverða athygli alls staðar þar sem hann kom á viðburðum utan vallar. Maradona andaðist sextugur að aldri fyrr í þessari viku.
Í átta liða úrslitum HM 1986 skoraði Maradona frábært mark eftir einleik í
sigri á móti Englandi. Markið er eitt það eftirminnilegasta í sögunni.
Maradona var í miklum metum hjá argentínska liðinu Boca Juniors en hann
var heiðraður á heimavelli félagsins í tilefni af sextugsafmæli hans.
Maradona var í guðatölu þegar hann lék með ítalska liðinu Napoli. Þegar hann lék þar varð liðið italskur meistari í
fyrsta sinn í sögunni og alls tvisvar sinnum. Þá vann liðið einnig Evrópukeppni félagsliða með hann innanborðs.
Tími Maradona hjá Barcelona var sveiflukenndur en hann náði ekki að upp-
fylla þær miklu væntingar sem til hans voru gerðar hjá Katalóníufélaginu.
Á heimsmeistaramótinu í Mexíkó árið 1986 lék Maradona stórkostlega. Hann skoraði fimm mörk og lagði upp
fimm á því móti. Enginn leikmaður hefur komið að jafn mörgum mörkum í sögu keppninnar. FRÉTTABLAÐIÐ/GETTY
Frægasta mark Maradona var síðan þegar hann komst upp með að skora með „hendi guðs“ í leiknum gegn Eng-
landi á Azteka-leikvanginum. Margir Englendingar eiga erfitt með að fyrirgefa Maradona þetta uppátæki hans.
2 7 . N Ó V E M B E R 2 0 2 0 F Ö S T U D A G U R32 S P O R T ∙ F R É T T A B L A Ð I Ð