Fréttablaðið - 27.11.2020, Qupperneq 48

...aldrei að vita
nema ég næli mér
í eitthvað ef ég sé eitt-
hvað sem hugurinn
girnist.
Jóhanna María
Einarsdóttir
johannamaria@frettabladid.is
Því er þó ekki að neita að hægt er að gera frábær kaup með því að nýta sér afslættina
sem verslanir gefa oft eingöngu á
þessum eina degi. Einnig má vænta
þess að margar búðir bjóði upp
á tilboðin á netinu í ár til þess að
koma í veg fyrir raðamyndanir
fyrir framan verslunarhúsnæði,
sem mun koma sér vel fyrir all-
marga sem hyggjast skafa töluverð-
ar fjárhæðir af jólagjafainnkaupum
þetta árið.
Bandaríkjamaðurinn Samuel
Patrick O‘Donnell, eða Sam, hefur
búið á Íslandi í rúmlega tvö ár eða
síðan í ágúst 2018. Eftir að hafa
unnið nær alla svarta föstudaga
á sínum fullorðinsárum segist
hann nú orðið eiga dágott safn af
áhugaverðum sögum úr skot-
gröfum kapítalískrar fríverslunar
af viðskiptavinum sem gengu einu
eða nokkrum skrefum of langt á
þessum svarta föstudegi rétt fyrir
jól. „Sjálfur hef ég aldrei verið neitt
sérstaklega spenntur fyrir Black
Friday í Bandaríkjunum. Ég get
meira að segja fullyrt að ég hef
aldrei fjárfest í neinu dýrara en
Sögur úr skotgröfunum
Ár hvert eftir að útsölum föstudagsins svarta lýkur vestanhafs berast okkur sögur af ótrúlegri
hegðun viðskiptavina sem gera allan fjandann af sér til þess að næla sér í gómsætustu tilboðin.
Sam O’Donn­
ell segist eiga
dágott safn af
sögum sem
gerðust á föstu­
deginum svarta
í Bandaríkj­
unum.
FRÉTTABLAÐIÐ/
VALLI
hádegismat á þessum degi, enda
hef ég yfirleitt staðið vaktina, og í
Bandaríkjunum er oftast þörf á öllu
starfsfólki í vinnu á þessum degi,“
segir Sam sem leggur nú stund á
meistaranám í ensku í Háskóla
Íslands.
Sam ólst upp í Norður-Dakóta
en bjó síðar í Michigan og á Rhode
Island, þar sem hann hitti eigin-
konu sína Hörpu Lind Jónsdóttur
sem dró hann með sér til Íslands. Í
ár segist Sam vera á báðum áttum
hvort hann muni nýta sér útsölurn-
ar. „Ég hef reynt eftir fremsta megni
að versla ekki á svörtum föstudegi,
helst vegna þess hvernig fólk hagar
sér á þessum degi, að minnsta
kosti í Bandaríkjunum. En þar sem
útsölurnar eru að mestu leyti á
netinu núna í ár, þá er aldrei að vita
nema ég næli mér í eitthvað ef ég sé
eitthvað sem hugurinn girnist.“
Kannski það sé nafnleysið
„Ég veit ekki hvað það er við
þennan dag. Kannski eru það
allir afslættirnir, mögulega er
það mannmergðin og nafnleysið
sem hún veitir, hugsanlega er það
blanda af báðu. En það er eitthvað
við Black Friday í Bandaríkjunum
sem fær fólk til þess að haga sér
eins og skepnur. Eitt sinn var ég
að vinna í versluninni Macy‘s og
einhver hafði ákveðið að létta af
sér í einum mátunarklefanum.
Bara beint á bekkinn, skildi eftir
stóran lort. Við fundum aldrei út
hver sökudólgurinn var. Þegar
ég lít til baka þá var þetta frekar
fyndið atvik, en það var það ekki
á þessari stundu. Það er líka mikið
um að fólk taki hluti ófrjálsri hendi
á Black Friday í Bandaríkjunum.
Ég mun aldrei skilja tilganginn
þar sem hlutirnir eru allt að því
ókeypis hvort eð er, afslátturinn
er þvílíkur. Ég hef þó sem betur fer
aldrei orðið vitni að slagsmálum
en hef oft heyrt um slíkt frá sam-
starfsfólki. Kosturinn við svartan
föstudag í Bandaríkjunum er að
dagurinn líður fáránlega hratt ef
þú ert að vinna. Flestir vinnustaðir
borga líka ein og hálf laun fyrir að
vinna á frídegi. Því er þetta góð leið
til þess að vinna sér inn peninga,
svo lengi sem þú hefur unnið hjá
fyrirtækinu í sex mánuði eða
lengur, annars er hætta á því að þú
fáir bara venjuleg laun. Ég hef alveg
brennt mig á því.“
Stema Basic 750
134.900kr.
154.900
Stema Systema 750
270.000kr.
305.900
Ásafl er umboðs- og
þjónustuaðili Stema á Íslandi
Eigum til varahluti á lager sem henta einnig í fleiri gerðir kerra Kíktu við!
ÁSAFLÁsafl ehf.
Hjallahrauni 2 220 Hafnarfirði
Sími: 562 3833
Opið 8:30 - 17 virka daga
asafl@asafl.is asafl.is
Ó T R Ú L E G U R A F S L Á T T U R
Á V Ö L D U M S T E M A K E R R U M

10 KYNNINGARBLAÐ 2 7 . N ÓV E M B E R 2 0 2 0 F Ö S T U DAG U RSVARTUR FÖSTUDAGUR