Dagblaðið Vísir - DV - 04.12.2020, Blaðsíða 4

MEST LESIÐ
Á DV Í VIKUNNI Í FRÉTTUM ER ÞETTA HELST...
Leikhússtjóri og nauðgari
Jón Páll Eyjólfsson, fyrrverandi leikhússtjóri Leikfélags
Akureyrar, var á mánudag dæmdur í skilorðsbundið fangelsi
fyrir nauðgun. Jóni Páli var gert að hætta hjá leikfélaginu í
janúar 2018 eftir að stjórnin var upplýst um ásökun á hendur
honum. Brotið átti sér stað árið 2008, en Jón Páll segir að í
kjölfar MeToo-byltingarinnar hafi sáttaviðræður hafist milli
hans og brotaþola. Þær viðræður hafa ekki gengið eftir. Jón
Páll ætlar að áfrýja dóminum.

Jákvæð teikn á lofti
Þróun á framgangi COVID-19 hér á landi hélst í skefjum í
vikunni. Ekki bar á veldisvexti og undir lok vikunnar var
mikill meirihluti nýgreindra þegar kominn í sóttkví. Þórólfur
Guðnason sóttvarnalæknir er ánægður með þessa þróun en
minnir þó á að lítið þurfi út af að bregða til að faraldurinn
fari aftur af stað. Því er það undir almenningi komið að fara
varlega og takmarka fjölda þeirra einstaklinga sem fólk um-
gengst um jólin.
Nakinn Bubbi
Bubbi Morthens hefur hafið sölu á listaverkum sem eru unnin
út frá frumtextum á hans þekktustu lögum. Eins og flestir vita
er Bubbi skrifblindur og hefur daglega fengið athugasemdir
vegna skrifa sinna á netinu. Hann vill hvetja fólk til að láta
ekkert stoppa sig og selur því textana sína ó-prófarkalesna,
alveg eins og hann skrifaði þá. Segist hann ekki hefðu farið í
þessa vegferð nema vegna COVID-19. Eins og hann orðaði það
sjálfur: „Neyðin kennir nöktum Bubba að spinna.“
Smiðshöggið á Landsréttarmálið
Yfirdeild Mannréttindadóm-
stóls Evrópu kvað upp niður-
stöðu sína í Landsréttarmálinu
á þriðjudag. Var þar komist að
þeirri niðurstöðu að skipun
Sigríðar Á. Andersen á fjórum
dómurum við Landsrétt þvert á
mat hæfnisnefndar, hafi verið
ólögmæt og því hafi Ísland
brotið gegn ákvæði Mannrétt-
indasáttmálans um sanngjarna
málsmeðferð fyrir dómnum.
Sigríður Á. Andersen gaf lítið fyrir niðurstöðuna og stendur
enn föst á því að henni hafi verið heimilt að breyta röðun um-
sækjenda um dómaraembættin, þrátt fyrir að bæði undirdeild
og yfirdeild Mannréttindadómstóls Evrópu séu á öðru máli.
Kári og Þórólfur tókust á
Kári Stefánsson, forstjóri Íslenskrar erfðagreiningar, og Þór-
ólfur Guðnason sóttvarnalæknir tókust á um síðustu helgi.
Kári hélt því fram að með því að tilkynna um fyrirhugaðar
tilslakanir væri Þórólfur að stuðla að því að faraldur CO-
VID-19 færi aftur af stað. Þórólfur taldi að með þessu væri
Kári ómaklega að veitast að honum. Kári birti þá opið bréf til
Þórólfs þar sem hann hafnaði því að hafa veist að honum. Hins
vegar teldi hann að Þórólfur, þrátt fyrir að hafa staðið sig vel,
mætti huga betur að væntingastjórnun.
EM-draumurinn að raungerast
Íslenska kvennalandsliðið í knattspyrnu sigraði Ungverjaland
í vikunni í undankeppni EM 2022. Staðan í leikslok var 1-0,
Íslandi í vil. Með sigrinum eru stelpurnar búnar að tryggja
sér sæti í umspili og eiga möguleika á að tryggja sér beina
leið á lokakeppni EM og eru líkurnar á því taldar góðar. Ef
það raungerist þá verður þetta fjórða Evrópumótið í röð sem
Ísland keppir á.
1 Þormar Vignir Gunnarsson er látinn Þormar Vignir Gunnars-
son ljósmyndari varð bráðkvaddur
á heimili sínu þann 12. nóvember
síðastliðinn.
2 Gremja í Grafarvogi: Vill að drengirnir verði rassskelltir
opinberlega – „Hættulegir og snar­
geðveikir“ Hrekkjalómar í Grafar-
vogi köstuðu snjóboltum í rúður í
Flétturima, íbúum til lítillar gleði.
3 Brynhildur varar við hárstofu­svikara – „Viljum vara
ykkur við að fá þessa konu í stólinn“
Hárstofusvikari hefur stundað það
um árabil að mæta í lagningu, en
heimta svo endurgreiðslu.
4 Brandari Ómars vekur mikla reiði – „Djöfull á ég eftir að
fá mikið hatur á mig núna“ Ómar
nokkur vakti litla gleði á TikTok eftir
karlrembubrandara þar sem hann
líkti konum við lása og körlum við
lykla.
5 Svanhildur Hólm í klípu – „Hafi einhvern tímann verið
þörf er nú nauðsyn“ Svanhildur
Hólm lenti í stökustu vandræðum
með að finna afmælisgjöf handa
eiginmanni sínum, Loga Bergmanni
Eiðssyni.
6 Eiginmaður Söru Heimis keypti stera fyrir 30 millj­
ónir á mánuði – „Hann faldi seðla
í boxpúðum, ljósakrónum og á
fleiri stöðum um alla íbúð“ Sara
Heimisdóttir vaxtarræktarkona var
gift Rich Piana og segir hann hafa
stundað sölu á sterum.
7 Konunglega hneykslið sem var falið 35 km fá höllinni Frænkur
Englandsdrottningar fæddust með
fötlun og þóttu mikill smánarblettur
á fjölskyldunni.
8 Kröfðust þess að Sölvi myndi eyða út þættinum en vildu
alls ekki skoða öryggismyndavélar
Sölvi Tryggvason var krafinn um
að fjarlægja viðtal sitt við ungu
stúlkurnar tvær sem eyddu nótt
með enskum landsliðsstjörnum fyrr
á þessu ári.
4 FRÉTTIR 4. DESEMBER 2020 DV