Dagblaðið Vísir - DV - 04.12.2020, Blaðsíða 16
16 EYJAN 4. DESEMBER 2020 DV
VILL AUKA GLEÐI Í STJÓRNKERFINU
Dóra Björt Guðjónsdóttir vill aukið gagnsæi í stjórnkerfi Reykjavíkurborgar og ein falda
það, rétt eins og hún einfaldaði líf sitt til að minnka streitu og fann gleðina á ný.
Þ egar ég kom inn í stjórnsýslu Reykjavík-ur eftir kosningarnar
2018 fannst mér umhverfið
svo flókið, upplýsingar óað-
gengilegar, ég vissi ekkert
hvernig best væri að snúa mér
til að afla gagna. Þessu vil ég
breyta svo ákvarðanir séu
teknar út frá bestu mögulegu
upplýsingum því það getur
bara bætt gæði ákvarðana
og stjórnsýsluna sem slíka,“
segir Dóra Björt Guðjóns-
dóttir, borgarfulltrúi Pírata
og formaður mannréttinda-,
nýsköpunar- og lýðræðisráðs
Reykjavíkurborgar.
„Ég vil líka hjálpa íbúum
að leita sér upplýsinga og
hafa áhrif á ákvarðanir og
gera þeim og fjölmiðlum auð-
veldara með að veita stjórn-
sýslunni aðhald. Við erum að
fjárfesta veglega í þessu öllu á
næsta ári. Það snýst um traust
og það vantar verulega traust
á stjórnmálum í dag. Þú átt
samt ekki að þurfa að treysta
kjörnum fulltrúum eða emb-
ættismönnum í blindni. Þú
átt bara að geta tékkað á
stöðunni sjálf og haft tækin
og tólin til að hafa áhrif. Með
því að stuðla að auknu trausti
er vonandi hægt að minnka
aðeins streituna í samfélag-
inu, minnka þennan landlæga
pirring sem hefur svolítið leg-
ið í loftinu eftir hrun, eðlilega.
Búa til meira zen með alvöru
aðgerðum,“ segir Dóra.
Viðspyrna vegna Covid
Reykjavíkurborg kynnti í
vikunni fjárhagsáætlun sína
til næstu fimm ára og segir
Dóra hana vera afar metn-
aðarfulla. „Við ætlum að nýta
viðspyrnu vegna Covid sem
stökkpall inn í framtíðina með
því að nútímavæða borgina á
2-3 árum í stað 10. Það þýðir
að við erum að setja í þetta
10 milljarða á þremur árum í
stað þriggja. Viðspyrnan á að
vera græn með minna veseni,
minni tímaeyðslu, minni skrif-
finnsku, minni sóun og minni
mengun. Sem betur fer höfum
við lært af sögunni. Á kreppu-
tímum verður hið opinbera að
fjárfesta kröftuglega. En við
viljum ekki bara fjárfesta
í malbiki og steypu, heldur
fólki. Og við viljum fjárfesta í
því sem þjónar loftslaginu og
framtíðinni og er hagkvæmt
til lengri tíma,“ segir hún.
Betra aðgengi að þjónustu
Dóra segir það skipta sig
miklu að fólki sem þurfi á
þjónustu að halda fallist ekki
hendur þegar það þarf jafn-
vel að fara með skjöl á milli
margra staða, bíða í röðum,
tala við hinn og þennan og
bíða og vona. „Við erum að
taka gamla og gamaldags
þjónustuferla og breyta þeim
frá grunni og laga þá og setja
þá á rafrænt form svo fólkið
sé sett í fyrsta sæti og þæg-
indi þess. Þetta fækkar líka
ferðum milli staða, minnkar
pappírsfarganið, sparar tíma
starfsfólks og íbúa og hefur í
raun mjög umfangsmikil og
jákvæð áhrif.
Með rafvæðingu fjárhagsað-
stoðar fækkaði starfsfólki sem
stóð að baki umsóknarferlinu
um fjölmarga og tíminn sem
umsóknarferlið tók styttist
um marga daga, jafnvel vikur.
Þetta er svo miklu meira en
rafvæðing, þetta er stafræn
umbreyting. Það er nýsköpun.
Í grunninn snýst það um gott
aðgengi að þjónustu sem þú
átt rétt á svo engar hindranir
séu að koma í veg fyrir að þú
hafir þau tækifæri sem þér
eru ætluð. Svo þú getir eytt
tíma þínum í annað en að bíða
í röðum. Þannig er þetta lýð-
ræðisleg þróun,“ segir hún.
Alls konar tilraunir
Það skiptir hana persónulega
máli að einfalda stjórnkerfið
og segist hún hafa reynt á
eigin skinni hvað streita geti
haft neikvæð áhrif. „Ég kom
auðvitað inn og dýfði mér
gjörsamlega í djúpu laugina
þegar ég gegndi á sama tíma
stöðu forseta borgarstjórnar
sem yngsta manneskjan sem
hefur nokkurn tíma gert það,
formanns fagráðs og oddvita
borgarstjórnarflokks fyrsta
árið mitt á þessum nýja vett-
vangi þegar ég var að kynnast
umhverfinu og handbragðinu.
Það er jú álag í sjálfu sér eins
og öll þekkja sem hafið hafa
nýja vinnu. Það tók ekki marga
mánuðina í borgarstjórn áður
en ég var farin að finna fyrir
verulegum heilsufarslegum
afleiðingum af stressinu og
álaginu, bæði andlega og lík-
amlega. Ég þróaði með mér
aukið ofnæmi, hætti að sofa og
leið í raun ömurlega. Ég var að
standa mig vel í vinnunni en
ekkert veitti mér neina gleði
lengur,“ segir hún.
Staðan hafi verið sú að
annaðhvort hafi hún þurft að
pakka saman eða finna nýja
umgjörð um líf sitt. „Ég vil
ekki bara komast í gegnum
daginn, skila mínu dagsverki.
Ég vil geta notið mín, upp-
lifað hamingju, liðið vel. Auk
þess að skila árangri fyrir
fólkið mitt. Við tóku margir
mánuðir af tilraunum. Ég hef
prófað alls konar mataræði,
alls konar rútínur. Ég er loks
búin að finna eitthvert jafn-
vægi sem gefur mér það sem
ég þarf og gengur upp. Flesta
daga,“ segir hún.
Hætta að beita sig hörku
Dóra segist hafa lagt á hill-
una að beita endalausri hörku
og fara frekar yfir í mýktina.
„Sýna sjálfri mér samúð og
skilning. Samhliða breyting-
um á mataræði og að halda
inni reglulegri hreyfingu
reyni ég að passa vel upp á
svefnrútínuna mína, skrifa
tilfinningadagbók til að losa
um það sem er í gangi og svo
hugleiði ég. Þetta hefur breytt
mjög miklu. Ég hef tekið gleði
mína. Auðvitað á ég enn erfiða
daga en núna skila ég árangri
fyrir fólkið mitt sem er ekki
jafn mikið á kostnað minnar
eigin hamingju. Annað er ekki
sjálfbært og þá fellur þetta
allt um sjálft sig. Ég vil ekki
bara lifa af, heldur lifa vel,“
segir hún. n
Dóra Björt tók í taumana þegar streitan í vinnunni var farin að hafa áhrif á hana. MYND/SIGTRYGGUR ARI
Ég þróaði með mér aukið of-
næmi, hætti að sofa og leið í
raun ömurlega.
Erla
Hlynsdóttir
erlahlyns@dv.is