Fréttablaðið - 16.12.2020, Blaðsíða 30

Opinbert fé er takmarkað,
öfugt við það sem sumir
virðast halda. Það sem til
ráðstöfunar er byggist í
grunninn eingöngu á
verðmætasköpun lands-
manna til lengri tíma.
Bjarni Benediktsson,
fjármálaráðherra  
11.12.2020
MARKAÐURINN Instagram fréttablaðsins@frettabladidfrettabladid.is
Miðvikudagur 16. desember 2020FYLGIRIT FRÉTTABLAÐSINS UM VIÐSKIPTI OG FJÁRMÁL |
Þórður
Gunnarsson
SKOÐUN
sérverslun með vandaðar gjafavörur
Kringlan · Sími 568 1400 · kunigund.is
Allir fá eitthvað fallegt, úr Kúnígúnd
Stútfullur jólabæklingur af fallegum og vönduðum gjafahugmyndum.
Kíktu á www.kunigund.is og kynntu þér úrvalið.
Verslaðu
jólagjafirnar heima!
Frí heimsending á öllum netpöntunum yfir 10.000 kr.
Fyrir Alþingi liggur nú stjórn­arfrumvarp um stofnun Hálendisþjóðgarðs. Eflaust
munu mest átök snúa að því hvern­
ig fara skuli með orkunýtingar­
kosti innan fyrirhugaðs þjóðgarðs.
Hins vegar vekur líka athygli að
frumvarpið, eins og það lítur út
núna, skapar í besta falli óljósan
ramma utan um þær hömlur sem
settar verða á nýtingu landsvæðis
þjóðgarðsins. Öll raunveruleg
útfærsla verður í höndum ráðherra
og því hætta á að langtímastefnu­
mótun um orkunýtingu og aðrar
framkvæmdir verði fyrir bí.
Einnig verður komið á fót nýrri
stétt embættismanna, þjóðgarðs­
varða, sem munu hafa miklar
heimildir til valdbeitingar. Í 28.
grein frumvarpsins segir að þjóð­
garðsvörðum og landvörðum
sé heimilt að stöðva för fólks og
farartækja um Hálendisþjóðgarð
ef það er nauðsynlegt til að koma í
veg fyrir brot á ákvæðum laga. Í 18.
grein laganna segir svo að gestum
Hálendisþjóðgarðs sé skylt að hlíta
fyrirmælum þjóðgarðsvarða.
Grundvöllur valdbeitingarheim­
ilda þjóðgarðsvarða verður svo
útfærður í reglugerð af ráðherra.
Meðal annars sem verður útfært af
ráðherra verður umferð gangandi
vegfarenda um þjóðgarðinn
og ráðherra mun einnig ákveða
í reglugerð á hvaða vegum er
heimilt að aka. Sem þýðir að allur
akstur um hálendið er bannaður,
nema þar sem hann er sérstaklega
leyfður.
25. grein frumvarpsins er
svohljóðandi: „Þjóðgarðsverði
er heimilt að loka Hálendisþjóð­
garði eða einstökum svæðum
hans fyrirvaralaust telji hann
að dvöl manna eða umferð geti
spillt lífríki, jarðmyndunum,
landslagi eða menningarminjum,
ef hættuástand skapast í þjóð­
garðinum vegna náttúruvár eða
ef lokun er nauðsynleg af öðrum
ástæðum til að tryggja öryggi
gesta.“ Hér yrði einni manneskju
gert kleift að loka hálendinu í heild
sinni, nánast af hvaða ástæðu sem
viðkomandi dettur í hug. En hvað
gerist ef ferðalangar eða aðrir
sinna ekki tilmælum þjóðgarð­
svarðar? 30. grein frumvarpsins
svarar þeirri spurningu – óhlýðni
við fyrirskipanir þjóðgarðsvarðar,
sama á hversu veikum grunni þær
eru byggðar, varðar allt að tveggja
ára fangelsi.
Verndun hálendisins er mikil­
vægt og gott mál. Hins vegar má
setja spurningarmerki við þá
hugmynd að setja á fót stormsveit
þjóðgarðsvarða sem hafa lögreglu­
vald gagnvart þeim sem stíga fæti
inn í þjóðgarðinn, til dæmis með
því að geta gert allar mannaferðir
óheimilar án fyrirvara. Erfitt er að
verjast þeirri hugsun að höfundar
frumvarpsins hafi sótt innblástur í
nýlegar reglugerðir um sóttvarnir.
Stormsveitir
hálendisins
Verðmat Jakobsson Capital á Sím­anum jókst um 1,4 milljarða króna við sölu á upplýsingatæknifyrir­
tækinu Sensa. Samkvæmt verðmatinu
er Síminn metinn á 61,8 milljarða króna
eða 7,3 krónur á hlut. Gengi félagsins var
7,98 við lok markaðar í gær.
Arðsemi Sensa, sem býður meðal annars
upp á skýjalausnir, hefur verið lág. Hlut­
fall rekstrarhagnaðar Sensa var um þrjú til
fjögur prósent á árunum 2018 og 2019. Við
söluna eykst framlegðarhlutfall Símans
„umtalsvert“. Aftur á móti felast meiri
tækifæri til vaxtar hjá Sensa en í grunn­
rekstri Símans. Tekjur fyrirtækisins juk­
ust um tíu prósent á milli áranna 2019 og
2020, að því er segir í verðmatinu.
Heildarvirði Sensa, það er samanlagt
virði hlutafjár og skulda, var 3,3 milljarðar
króna í sölu til Crayon Group Holding. – hvj
Salan eykur virði um 1,4 milljarða
Orri Hauks-
son, forstjóri
Símans.