Fréttablaðið - 16.12.2020, Blaðsíða 36

Við Beethoven eigum báðir merkisafmæli, ég 80 ára og hann 250!“ segir Egill Rúnar Friðleifsson tón­listarkennari glaðlega. Hann segir áratuginn
milli sjötugs og áttræðs hafa verið sér
gjöfulan, enda standi heilsan með
honum. Hann vill miðla góðu ráði til
þeirra sem horfa fram á starfslok en eru
í fullu fjöri.
„Þegar ég hætti að vinna settist ég
niður og hugsaði: Hvað hefur mig alltaf
langað að gera en aldrei komið í verk eða
haft tök á? – og ég skrifaði lista. Síðan
eru liðin tíu ár. Eitt það fyrsta og besta
sem ég gerði var að ganga Jakobsveginn
til Santiago de Compostela, ekki bara
einu sinni heldur tvisvar með tveggja
ára millibili og um ólíkar leiðir. Það var
stórkostlegt ævintýri. Stórt X við það á
listanum. Ég hafði aldrei farið í Metro­
politanóperuna í New York og aldrei séð
Berlínarsinfóníuna á heimavelli, hvoru
tveggja er afgreitt og margt f leira.“
Ekta Gaflari
Egill er Hafnfirðingur í húð og hár og
kveðst nú búa í Skipalóni með konunni,
Sigríði Hildi Björnsdóttur. Enginn garð­
ur, ekkert viðhald, engar áhyggjur. „Ég er
búinn að eiga heima á sjö stöðum í Suð­
urbænum, aldrei f lutt vestur fyrir Læk
og er svo heppinn að kirkjugarðurinn
er í rétta bæjarhlutanum!“ segir hann
léttur en er þó langt í frá að leggja upp
laupana. Kveðst byrja daginn klukkan
sex á morgnana. „Ég hangi á snerlinum
í Suðurbæjarlaug hálf sjö, fer í útiklefa,
kalda pottinn, heita og kalda sturtu og
er svo hress allan daginn!“ Hann kveðst
elska tónlist og alltaf spila á hljóðfæri,
auk þess að fara oft á tónleika – nema
núna. „Ég hef sótt tónleika Sinfóníunnar
reglulega frá átján ára aldri.“
Öll tjöldin voru eins
Fyrsta minning Egils er frá Þingvöllum
17. júní 1944, þegar hann var þriggja og
hálfs árs. Eftir að hafa sofið í tjaldi með
foreldrum sínum fór hann einn á stjá en
rataði ekki til baka. Öll tjöldin voru eins,
hvít. „Ég man enn þessa ónotatilfinn­
ingu. En þar sem ég var þarna vælandi
stóð allt í einu hjá mér unglingsstúlka,
sem með fallegri framkomu vann traust
mitt á stundinni og hönd í hönd hættum
við ekki fyrr en við fundum mömmu
og pabba. Þá hljóp ég beint í fangið á
mömmu en stúlkan hvarf í fjöldann. Ef
hún er á lífi og rekst á þessar línur þá bið
ég hana að hafa samband, mig langar svo
að þakka henni, þó að seint sé.“
Ævistarf Egils var að kenna börnum
tónlist og hann stjórnaði barnakór í
næstum hálfa öld. Stofnaði kór Öldu­
túnsskóla í Hafnarfirði 22. nóvember
1965, sem er nú elsti grunnskólakór
landsins. „Ég vissi það ekki þá en 22.
nóvember er einmitt dagur heilagrar
Sesselju, verndardýrlings tónlistar,“
segir Egill og bætir því við að fyrsta lagið
sem kórinn æfði hafi verið Frá ljósanna
hásal og það lag hafi fylgt kórnum.
Í strangri gæslu
Ekki kveðst hann geta gert sér mikinn
dagamun í dag, enda í áhættuhópi vegna
COVID og í strangri gæslu af fóstur­
dóttur sinni sem er hjúkrunarkona og
tengdadóttur sem er læknir, báðar vinna
á COVID­deildum. Hann á þó von á að
börnin, sem eru sex talsins, reki inn
nefið, hvert í sínu lagi. gun@frettabladid.is
Stórt X við Jakobsveginn
Egill Friðleifsson kórstjóri er áttræður í dag. Þegar hann fór á eftirlaun fyrir áratug
gerði hann lista yfir hvað hann langaði að gera og hefur notið hvers dags.
Egill grúskar í tónlist heima og spilar. Sækir líka tónleika þegar þeir eru í boði, meðal annars hjá Sinfó. FRÉTTABLAÐIÐ/VALLI
1916 Framsóknarflokkurinn er stofnaður.
1963 Kópavogskirkja er vígð af Sigurbirni Einarssyni biskupi.
1991 Kasakstan fær sjálfstæði frá Sovétríkjunum.
1992 Þjóðarráð Tékklands samþykkir nýja stjórnarskrá Tékklands.
2006 Fjölmenn mótmæli eiga sér stað á Nørrebro í Kaupmanna-
höfn eftir að lögregla hyggst ryðja félagsmiðstöðina Ungdoms-
huset.
2008 Jarðskjálfti upp á 4,2 á Richter ríður yfir Eyrarsund.
2009 Stjörnufræðingar uppgötva GJ 1214 b, fyrstu fjarreikistjörn-
una þar sem vatn gæti fundist.
Merkisatburðir
Ástkær eiginmaður minn, faðir,
tengdafaðir, afi, bróðir og mágur,
Kjartan Jóhannsson
fv. sendiherra,
lést á heimili sínu í Reykjavík
þann 13. nóvember síðastliðinn.
Útförin mun fara fram frá
Hafnarfjarðarkirkju laugardaginn 19. desember kl. 15.00.
Blóm og kransar vinsamlegast afþakkaðir en þeim sem
vilja minnast hans er bent á að láta líknarfélög njóta þess.
Í ljósi aðstæðna verður fjöldi í kirkjunni takmarkaður en
nálgast má streymi frá útförinni á slóðinni
promynd.is/kjartan.
Irma Karlsdóttir
María Kjartansdóttir Þorkell Guðmundsson
Kári Þorkelsson
Atli Þorkelsson Colby Rapson
Sunna Þorkelsdóttir
Ingigerður M. Jóhannsdóttir Reynir Guðnason
Ástkær eiginkona, móðir,
tengdamóðir, amma og langamma,
Níelsa Magnúsdóttir
Hjallabraut 33, Hafnarfirði,
lést þriðjudaginn 8. desember í
faðmi fjölskyldunnar á Hrafnistu í
Hafnarfirði. Útförin fer fram frá Garðakirkju
föstudaginn 18. desember kl. 13. Vegna aðstæðna verða
eingöngu nánustu aðstandendur viðstaddir en hægt
verður að nálgast streymi á mbl.is/andlat
Þeim sem vildu minnast hennar er bent á
Parkinsonsamtökin.
Jón Lárus Bergsveinsson
Bergþóra Jónsdóttir Þórir Gíslason
Vilborg Jónsdóttir Daði Hilmar Ragnarsson
Bergsveinn Jónsson Þórleif Sigurðardóttir
barnabörn, langömmubörn og fjölskyldur.
Ragnheiður Dóra Árnadóttir
hjúkrunarfræðingur,
lengst af til heimilis að
Suðurbyggð 3, Akureyri,
lést á hjúkrunarheimilinu
Lögmannshlíð á Akureyri
sunnudaginn 13. desember sl.
Útförin fer fram frá Akureyrarkirkju föstudaginn
18. desember kl. 10.30.
Fyrir hönd aðstandenda,
Guðlaug Pétursdóttir Press
Okkar ástkæri sambýlismaður, faðir,
stjúpfaðir, sonur, barnabarn og bróðir,
Elvar Örn Hjaltalín
Einarsson
lést á sjúkrahúsinu á Akureyri
þriðjudaginn 8. desember.
Útförin fer fram frá Akureyrarkirkju
föstudaginn 18. desember kl. 13.30.
Vegna aðstæðna verða aðeins nánustu aðstandendur
og vinir viðstaddir. Útförinni verður streymt á
Facebook-síðunni Jarðarfarir í Akureyrarkirkju.
Ingibjörg Jóhannsdóttir
Emelía Hrönn Hjaltalín Elvarsdóttir
Margrét Fjóla Stefánsdóttir
Þórlaug Einarsdóttir
Sigurður Magnússon Aníta Jónsdóttir
Einar Þ. Hjaltalín Árnason
Sandra, Borgþór, Gabríel og Starkaður
Elsku besti faðir okkar, tengdafaðir,
afi, bróðir og mágur,
Bjarni Kristjánsson
fyrrverandi bóndi
Þorláksstöðum í Kjós,
lést 13. desember á Landspítalanum.
Kristján Bjarnason
Jón Bjarnason
Runólfur Bjarnason Þórunn Björk Jónsdóttir
Guðrún Bjarnadóttir
Ágúst Bjarnason Christina Miller
Inga Rún og Runólfur
Kristófer Logi og Kolbrún Lind
systkini og fjölskyldur.
Kópavogskirkja í morgunroðanum.
1 6 . D E S E M B E R 2 0 2 0 M I Ð V I K U D A G U R16 T Í M A M Ó T ∙ F R É T T A B L A Ð I Ð
TÍMAMÓT