Dagblaðið Vísir - DV - 18.12.2020, Blaðsíða 26

HEILSURÁÐ SEM LÉTTA
LUND UM HÁTÍÐIRNAR
Alheimsfegurðardrottningin, frumkvöðullinn og lífsþjálfinn Linda
Pétursdóttir, betur þekkt sem Linda Pé, gefur nokkur góð ráð til að
bæta líðan um hátíðirnar. Hún segir mikilvægt að hlusta á líkam-
ann og gera greinarmun á líkamlegu og tilfinningalegu hungri.
H átíðirnar nálgast óðum ásamt góm-sætum mat og drykk,
sem á það til að fara illa í
marga, gæti fólk ekki hófs.
Of mikil saltneysla getur leitt
til óþæginda, eins og höfuð-
verkjar og bjúgs.
Það besta sem er hægt að
gera til að draga úr bjúg að
mati Lindu er að sleppa mikið
unnum mat og drekka vel af
vatni.
„Besta ráðið er að drekka
mikið vatn, helst tvo lítra á
dag fyrir konur og þrjá lítra
fyrir karla,“ segir hún. „Það
er líka gott að standa upp úr
sófanum og fara út í göngutúr
og koma blóðrásinni af stað.“
Linda mælir með að borða
sem náttúrulegasta fæðu.
„Mikið grænmeti og enn og
aftur, drekka mikið vatn,“
segir hún og bendir á vatns-
losandi drykk sem hún deilir
uppskrift að. Drykkurinn er
tilvalinn til að losna við þrota
eftir neyslu á reyktu og sölt-
uðu kjöti.
Hinn gullni meðalvegur
Linda segir að það þurfi ekki
að gilda boð og bönn yfir há-
tíðirnar og allt sé gott í hófi.
„En eins og ég sagði, þá er
það mikið unnin fæða sem
gerir fæstum okkar gott. Per-
sónulega finnst mér mjög
gott að skipta út einni máltíð,
til dæmis hádegisverði, fyrir
einn súperdrykk úr 28 daga
Heilsuáskoruninni minni. Þá
veit ég að ég er að fá alla þá
næringu sem ég þarf og get
þá leyft mér aðeins meira með
kvöldverðinn,“ segir hún.
Besta heilsuráðið?
„Það er mikilvægt að þekkja
muninn á líkamlegu og til-
finningalegu hungri. Það eru
svo margir sem þekkja það
ekki og mörg okkar eru sí-
fellt að borða þegar við erum
„tilfinningalega svöng“. Sem
hefur ekkert með raunveru-
legt, líkamlegt hungur að
gera,“ segir Linda og heldur
áfram.
„Við erum að svara löng-
unum, sem koma frá frum-
heilanum en hann vill alltaf
fá umbun strax. Það er orðinn
ómeðvitaður vani að borða út
frá einhverjum tilfinningum
með því að stinga mat upp
í okkur, sem dæmi: Af því
við erum svo þreytt, pirruð,
glöð eða af því okkur finnst
við eiga það skilið. Það hefur
í raun og veru ekkert með
líkamlegt hungur að gera.“
Linda þjálfar konur og er
með nokkur heilsuprógrömm
í boði á lindape.com. „Ég
kenni konunum mínum með-
al annars á það sem ég kalla
„hungurkvarðann“. Með því
að tileinka sér hann, þá förum
við að hlusta betur á eigin lík-
ama og vera meðvitaðar um
matarvenjur okkar. Við lær-
um að hlusta á framheilann,
hann kann vel að gera plön,
skapa rútínu og velja fyrir
framtíðarsjálfið okkar. Það
Linda segir góðan göngutúr geta bjargað miklu. MYND/AÐSEND
er mikilvægt að þekkja mun-
inn á framheila og frumheila
og vera við stjórnvölinn sjálf
í eigin lífi, en ekki alltaf á
harðahlaupum að svara tíma-
bundnum löngunum. Hver
löngun varir í hámark tíu
mínútur, oftar þó nær níutíu
sekúndum. Ég vil hvetja fólk
til að bíða þegar það finnur
fyrir löngun að borða, fá sér
heldur bara eitt glas af vatni
og bíða í fimmtán mínútur.
Ef þú ert enn þá svöng þá, þá
færðu þér að borða. Annars
ekki.“
Bestu heilsuráð Lindu eru
að „borða þegar þú ert líkam-
lega svöng, og hætta áður en
þú verður pakksödd. Sofa í
sjö til níu klukkustundir og
drekka tvo lítra af vatni á
dag.“ Hún gefur einnig annað
ráð: „Ekki troða diskinn út af
mat. Hafðu pláss á diskinum
svo þú sjáir í hann.“
Jólabarn
Linda er mikið jólabarn og
sérstaklega hrifin af Nóa
konfekti. Á aðfangadag er
hún oftast með hnetusteik og
einhvern ljúffengan fiskrétt.
„Svo útbý ég heimalagaðan ís
í eftirrétt, eftir uppskrift frá
mömmu. Og klassíski möndlu-
grauturinn er á sínum stað,“
segir hún.
„Við mæðgur borðum ekk-
ert kjöt þannig að það er ekki
á boðstólum á mínu heimili. Í
fyrra pantaði ég jólamatinn
og fékk tilbúna ljúffenga veg-
an-veislu, forréttur, aðalrétt-
ur, eftirréttur og allt meðlæti,
frá Whole Foods í Kanada. Ég
myndi panta þannig aftur ef
það væri í boði hér heima.“
Linda Pé er með fleiri ráð
tengd heilsu í formi stuttra
myndbanda á Instagram-síðu
sinni, @lindape. n
Vatnslosandi
drykkur
Drekktu 1 glas af þessum vatns-
losandi drykk á dag til að losa þig
við bjúg. Drykkurinn hefur sem
dæmi jákvæð áhrif á hjarta- og
æðakerfið, nýru og útlit,“ segir
Linda og ráðleggur fólki að vera
ekki langt frá salerni eftir að það
hefur drukkið drykkinn.
Vatnslosandi í eitt glas
½ glas eplasafi
2 tappar aloe vera
1 tsk. grænt te
1-2 cm engifer
Myntulauf
Klakar
Vatnslosandi í heila könnu
6 lítil glös eplasafi
12 tappar aloe vera
10 mæliskeiðar engifer
12 mæliskeiðar grænt te
10-12 myntulauf
Klakar, heil skeið
Allt hrært saman þangað til drykk-
urinn er vel blandaður.
Verði þér að góðu!
Guðrún Ósk
Guðjónsdóttir
gudrunosk@dv.is
26 FÓKUS 18. DESEMBER 2020 DV