Dagblaðið Vísir - DV - 18.12.2020, Blaðsíða 27

S tacey Ruth Castor var fædd Stacey Daniels og ólst upp í New York
fylki. Hana dreymdi um að
gerast lögfræðingur og hún
þótti vera vel gefið barn.
Ekkert varð þó úr slíkum
áformum því Stacey varð
kornung ástfangin af Mic-
hael Wallace, þau giftust árið
1985 og eignuðust tvær dætur
á næstu árum.
Michael starfaði sem vél-
virki en Stacey starfaði hjá
sjúkrabílastöð. Hjónin voru
í litlum efnum og Stacey
kvartaði undan drykkju eig-
inmannsins. Er leið að jólum
árið 1999 veiktist Michael illa
af ókunnum ástæðum. Hon-
um versnaði og batnaði á víxl
en gekk illa að hrista af sér
veikindin. Um það leyti sem
hann ætlaði að hafa samband
við lækni andaðist Michael
á stofusófanum á heimilinu.
Það var 11. janúar árið 2000.
Dánarorsökin var hjartaáfall.
Það þótti sérkennilegur dauð-
dagi hjá svo ungum manni
með enga sjúkrasögu, en við
þetta var látið sitja.
Hryllilegur dauðdagi
Árið 2003 giftist Stacey
manni að nafni David Ca-
stor og bar nafn hans upp frá
því. Castor rak eigið fyrir-
tæki sem sérhæfði sig í sölu,
uppsetningu og viðgerðum á
loftræstikerfum. Sambúðin
súrnaði nokkuð fljótt. David
átti sín eigin börn og hafði lít-
inn áhuga á að sinna dætrum
Stacey. Honum þótti yngri
dóttirin hafa truflandi áhrif
á sambandið. Árið 2005 lentu
Stacey og David í löngu og
heiftarlegu rifrildi. Ágrein-
ingurinn snerist um að David
vildi að þau tvö færu burtu
saman í tveggja vikna frí en
Stacey vildi ekki skilja dóttur
sína eftir heima svo lengi.
Fimm dögum eftir þetta
rifrildi hringdi Stacey í
neyðarlínuna og sagðist hafa
áhyggjur af eiginmanni sín-
um sem væri búinn að læsa
sig inni í herbergi og færi
ekki til vinnu. Er lögregla
kom á staðinn svaraði David
Ágúst Borgþór
Sverrisson
agustb@dv.is
ekki kalli og hurðin að her-
berginu var brotin upp.
David lá látinn í rúmi sínu.
Í herberginu fundust leifar
af frostlegi, í glasi á nátt-
borðinu og brúsa undir borð-
inu. Krufning leiddi í ljós að
hann hafði innbyrt frostlög og
látist af þeim sökum. Þetta er
sársaukafullur og hryllilegur
dauðdagi. Það þótti ótrúlegt
að David hefði valið þessa
leið til að binda endi á líf sitt,
fyrir utan að margir sem
þekktu til hans töldu fráleitt
að hann hefði verið í sjálfs-
vígshugleiðingum.
Grunur fellur á Stacey
Ekki fundust nein fingraför
eftir David á glasinu eða brús-
anum sem innihéldu frost-
löginn. Hins vegar fundust
fingraför Stacey á botni glass-
ins. Þetta þótti afar grunsam-
legt, því Stacey sagðist ekkert
hafa farið inn í herbergið til
hans undanfarna fimm daga.
Lögreglan hafði Stacey nú
undir sterkum grun og fékk
heimild til að grafa upp lík
fyrri eiginmannsins, Mic-
haels Wallace. Krufning á
líkamsleifum Michaels Wal-
lace leiddi í ljós að hann hafði
líka innbyrt frostlög. Íbúð
Stacey var hleruð, sem og
sími hennar, og fylgst var
með ferðum hennar. Athygli
lögreglu vakti að um margra
vikna skeið fór hún aldrei að
leiðum eiginmanna sinna, en
þeir voru jarðsettir hlið við
hlið í kirkjugarði í New York.
Stacey varð mjög tauga-
óstyrk vegna grunsemda
lögreglunnar. Hún reyndi að
sækja sér ró og huggun í fé-
lagsskap eldri dóttur sinnar,
Ashley, sem um þetta leyti
SAKAMÁL var 19 ára. Þetta var árið 2007. Stacey bauð dóttur
sinni drykk heima. Það kvöld
reyndist afar örlagaríkt fyrir
Stacey.
Sjálfsmorðsbréfið ótrúlega
Um morguninn hringdi Sta-
cey í Neyðarlínuna og sagði
að dóttir hennar hefði tekið
inn töflur og væri meðvitund-
arlaus. Farið var með Ashley
á bráðadeild. Hún skildi eftir
sig sjálfsmorðsbréf þar sem
hún játaði á sig að hafa myrt
bæði föður sinn og stjúpföður
með því að byrla þeim frost-
lög. Hefði hún nú ákveðið að
binda enda á líf sitt vegna
samviskubits.
Ashley lifði veikindin hins
vegar af og þegar hún komst
til meðvitundar kannaðist
hún ekki við að hafa skrifað
sjálfsmorðsbréf. Það síðasta
sem hún mundi var að hafa
drukkið bragðvondan drykk
sem móðir hennar hafði
blandað og fært henni.
Í tölvu Stacey fundust
mörg uppköst að sjálfs-
morðsbréfinu og því vaknaði
sterkur grunur um að hún
hefði skrifað bréfið en ekki
Ashley. Fleira grunsamlegt
fannst: Erfðaskrá Davids Ca-
stor þar sem hann arfleiddi
Stacey að öllum eigum sínum,
en ekkert rann til barna hans.
Enn fremur hafði komið fram
að eftir dauða fyrri eigin-
mannsins, Michaels Wallace,
gat Stacey leyst út 50 þúsund
dala líftryggingu hans. Enn
fremur þótti ótrúlegt að As-
hley hefði getað myrt föður
sinn, Michael, því hún var
aðeins 12 ára er hann lést.
Stacey Castor var ákærð
fyrir tvö morð, morðtilraun
og fölsun á erfðaskrá. Rétt-
arhöld í máli hennar hófust
í janúar árið 2009 og stóðu
í nokkrar vikur. Hún var
fundin sek um alla ákæruliði.
Kaldrifjaðir glæpir hennar
þykja lýsa ótrúlegu kald-
lyndi og siðleysi. Hún myrti
tvo menn að því er virðist
eingöngu í hagnaðarskyni og
reyndi að myrða dóttur sína
og klína glæpunum á hana.
Stacey Castor var dæmd í
60 ára fangelsi. Hún lét lífið
í fangelsi árið 2016 úr hjarta-
slagi. Rannsókn leiddi hvorki
í ljós sjálfsmorð né morð sem
dánarorsök hennar. Hún var
fædd árið 1967 og var á 49.
ári er hún lést. n
Hún skildi eftir
sig sjálfsmorðs-
bréf þar sem hún
játaði á sig að
hafa myrt bæði
föður sinn og
stjúpföður með
því að byrla þeim
frostlög.
TVEIR LÁTNIR EIGINMENN OG
ÓTRÚLEGT SJÁLFSMORÐSBRÉF
Stacey Castor var tvígift og báðir eiginmenn hennar létust sviplega. Furðulegt
sjálfsmorðsbréf dóttur hennar vakti mikla tortryggni og grunsemdir lögreglu.
Stacey Castor
á leið í réttar-
sal.
MYND/YOUTUBE-
SKJÁSKOT
Stacey og David, seinni maður hennar. MYND/YOUTUBE-SKJÁSKOT
FÓKUS 27DV 18. DESEMBER 2020