Víkurfréttir - 29.07.2020, Blaðsíða 48

Þróttarar náðu góðu stigi
gegn Kórdrengjum
Þróttur Vogum sótti Kórdrengi, topplið 2. deildar karla, heim í áttundu
umferð 2. deildar karla í knattspyrnu, fyrir leikinn voru Þróttarar í
sjötta sæti en Kórdrengir sátu í því efsta.
Eftir góðan sigur á Selfossi í sjöttu
umferð hafa Þróttarar gert tvö
jafntefli, gegn Fjarðabyggð og Kór-
drengjum. Kórdrengir hafa á að
skipa mjög sterku liði og eru taldir
líklegir til að vinna sig upp um eftir
þetta tímabil, Þróttarar báru enga
virðingu fyrir þeim þegar liðin
mættust á heimaveilli Kórdrengja
og hefðu hæglega getað staðið uppi
sem sigurvegarar.
Hiti í leikmönnum
Það voru Kórdrengir sem byrjuðu
leikinn af krafti og sköpuðu sér
hættuleg færi snemma í leiknum.
Kórdrengir vildu fá dæmt víti eftir
um 25 mínútna leik en fengu ekki.
Eitthvað virðist það hafa hlaupið í
skapið á þeim og í kjölfarið fengu
tveir leikmenn þeirra gul spjöld
eftir harkalegar tæklingar.
Einar Orri Einarsson, fyrrverandi
leikmaður Keflavíkur, braut illa á
leikmanni Þróttar á 41. mínútu upp
við varamannabekk Þróttar og var
stálheppinn að uppskera aðeins
gult spjald fyrir brotið. Liðsstjóri
Þróttar var alls ekki sáttur við
niðurstöðuna og fékk að líta rautt
í kjölfarið.
Ekkert var skorað í fyrri hálfleik
þó bæði lið hafi fengið færi til þess
og staðan því markalaus þegar
gengið var til búningsklefa.
Þróttur kemst yfir
Ekki var langt liðið á seinni hálf-
leik þegar Kórdrengir töpuðu bolt-
anum klaufalega, Þróttarar nýttu
sér mistökin og þökkuðu fyrir sig
með marki, þar var að verki Viktor
Smári Segatta (53').
Kórdrengir gáfust ekki upp og
sköpuðu sér færi en inn vildi boltinn
ekki, ekki fyrr en á 73. mínútu þegar
þeir fengu aukaspyrnu upp við enda-
mörk Þróttara. Aukaspyrnan kom
inn í teiginn það sem leikmaður Kór-
drengja náði að skalla í mark Þróttar
og jafna leikinn. Staðan orðin 1:1 og
stundarfjórðungur eftir.
Liðin skiptust á að skapa sér
dauðafæri það sem eftir lifði af
þessum fjöruga leik og eiginlega
ótrúlegt að fleiri mörk skuli ekki
hafa verið skoruð en jafntefli nið-
urstaðan.
Hermann byrjar vel
Fyrsti heimaleikur Hemma í Vogum
Á Vogaídýfuvellinum mættu
Þróttarar Selfossi í 2. deild karla
í sjöttu umferð. Þróttur hefur
verið á fínni siglingu í síðustu
leikjum eftir smá gangtruflanir
í byrjun Íslandsmótsins. Þetta
var fyrsti heimaleikur Her-
manns Hreiðarssonar eftir að
hann tók við liðinu og það vakti
athygli að fyrrum landsliðs-
markvörður Englands, David
James, var í þjálfarateymi
Þróttar en hann og Hermann
eru miklir mátar.
Snemma í leiknum (20’) urðu
Selfyssingar fyrir blóðtöku
þegar þeir misstu mann af velli
með rautt spjald og fengu þeir
að sjá þrjú gul spjöld til við-
bótar fyrir leikhlé. Ekkert mark
var skorað í fyrri hálfleik en á
53. mínútu kom Andri Jónasson
heimamönnum yfir. Leikurinn
reyndist erfiður gestunum
manni færri og þeir héldu áfram
að safna spjöldum, fengu þrjú
gul til viðbótar í seinni hálfleik.
Á 70. mínútu skipti Hermann
Erni Rúnari Magnússyni inn
á fyrir Alexander Helgason en
Örn átti eftir að stoppa stutt við,
fékk að líta rautt spjald átta mín-
útum eftir að hann kom inn á og
því jafnt í liðum út leikinn. Ekki
náðu Selfyssingar að nýta sér
það og með góðum sigri hafði
Þróttur sætaskipti við Selfoss,
eru komnir í fjórða sæti með
jafnmörg stig og Fjarðabyggð
sem er í því þriðja.
2. deild karla:
Viktor Smári Segatta skoraði mark Þróttar gegn Kórdrengjum,
hér er hann við það að koma sér í færi gegn Kára í annari umferð.
Miðvikudagur 29. júlí 2020 // 29. tbl. // 41. árg.
48 // víkurFrÉttir á SuðurNESjuM í 40 ár