Sjómannadagsblaðið - 02.06.2019, Qupperneq 56

56 s j ó m a n n a d a g s b l a ð i ð j ú n í 2 0 1 9
til baka og skrifað á hugaræsing
og sorg heima fyrir og jafnframt
að í Bretlandi væri líka þá að finna
einstaka sem einskis svifust í land-
helgismálinu og málatilbúnaði
vegna þess.
Sjóprófin tóku hins vegar af allan
vafa um hvernig málin voru vaxin,
fyrir lá að frá því að vandræði skip-
anna urðu ljós var allra leiða leitað
til þess að koma þeim til aðstoðar,
sem og við leit í framhaldinu, hvort
sem var af öðrum togurum, útgerð,
stjórnvöldum á Íslandi, flugher
Bandaríkjahers eða hjálparskipi
Hennar hátignar sem hér var breska
flotanum til aðstoðar.
„Þeir héldu aftur út í þetta
lifandi víti sem veðrið var til að
reyna að bjarga félögum sínum,“
segir Ray Coles, talsmaður Hull
Bullnose Heritage Group, í frétt
Hull Daily Mail um uppsetn-
ingu minnismerkisins. Hann
segir að skipverjar Lorellu og
Roderigo hafi verið hetjur og
að heiðra beri minningu þeirra.
„Þessir togarar týndust ekki bara
í hafi, heldur héldu þeir úr ör-
uggu vari til þess að hjálpa öðru
skipi í vanda. Þeir vissu að með
þessu hættu þeir lífinu og guldu
á endanum fyrir hetjudáðina
með lífi sínu.“ Ray Coles segist
vonast til þess að leyfi fáist hjá
borgaryfirvöldum til þess að
setja upp minningarskilti við
Hessle Road í Hull. „Sett hafa
verið upp skilti vegna annarra
skipa og engin spurning er að
sama eigi að gera vegna Roder-
igo og Lorellu.“ - óká
Ísinn þarf að berja af
n Engin almennileg lausn hefur fundist sem komið getur í veg fyrir
ísmyndun á skipum á hafi úti og því er enn notast við handaflið til að
berja ís af skipum. Myndir hér til hliðar eru teknar í febrúarbyrjun á
þessu ári af skipverjum á Kristrúnu RE að berja ís utan af skipinu, en
þær tók Pétur Karlsson skipstjóri. Ís er ekki vandamál sem einskorðast
við fyrri tíð.
marel.is
TIL HAMINGJU
MEÐ DAGINN SJÓMENN
Við þökkum samstarf liðinna ára og
sendum sjómönnum og landsmönnum
öllum heillaóskir í tilefni dagsins.