Skessuhorn - 07.04.2020, Blaðsíða 2

MIÐVIKUDAGUR 7. ApRíl 20202
Hlýðum Víði og ferðumst innanhúss
um páskana og verum tímanlega að
kaupa páskamatinn og páskaeggin.
Svo minnum við fólk á að sækja nýja
rakningarforritið Rakning C-19 í sím-
ana sína.
Á morgun, miðvikudag, er spáð
norðlægri átt 3-8 m/s og dálítil él
verða norðlaustanland framan af
degi. Frost 1-6 stig en frostlaust syðst
á landinu yfir daginn. Á fimmtudag,
skírdag, er útlit fyrir fremur hæga
suðlæga eða breytilega átt, skýjað
verður með köflum en vægt frost.
8-13 m/s og lítilsáttar skúrir við suð-
urströndina og hiti að fimm stig-
um þar. Á föstudaginn langa er
spáð suðaustanátt og rigningu eða
slyddu, hiti 1-5 stig. Bjartvirði og
hiti um frostmark á Norðurlandi. Á
laugardag er útlit fyrir suðaustan-
og austanátt, dálitla rigningu eða
slyddu austast á landinu en ann-
ars skýjað með köflum en þurrt. Hiti
0-8 stig og mildast syðst á landinu.
Á páskadag verður hæg suðvestlæg
átt og skýjað en bjartviðri norðaust-
anlands. Áfram milt í veðri.
Í síðustu viku spurðum við á vef
Skessuhorns hvort lesendur lækki í
útvarpinu í bílnum þegar þeir leggja
honum í stæði. Flestir, eða 57% svör-
uðu: „Nei, til hvers!“ en 32% sögð-
ust þó alltaf lækka í útvarpinu þegar
þeir leggja bílnum. 8% svarenda eiga
bíla sem lækka sjálfir í útvarpinu og
3% aka ekki bíl.
Í næstu viku er spurt:
Hvað áttu mörg sokkapör?
Fjölmargir hafa skráð sig í bakvarða-
sveitir og eru því tilbúnir að ganga
inn í störf framvaraðarsveitarinnar
sé þörf á því. Allir þeir Vestlendingar
sem hafa skráð sig í bakvarðarsveit
eru Vestlendingar vikunnar.
Spurning
vikunnar
Til minnis
Vestlendingur
vikunnar
Smit nú alls
staðar nema í
Dölum
VESTURLAND: Alls höfðu
37 smit Covid-19 verið greind
á Vesturlandi í gær, samkvæmt
tölum sem lögreglan á Vest-
urlandi birti rétt fyrir hádegi.
í einangrun voru 37 manns og
261 í sóttkví. Smitum fjölgaði
um tvö í landshlutanum í gær
frá sólarhringnum á undan.
Eitt nýtt smit greindist á Akra-
nesi og fyrsta smitið greindist
í Snæfellsbæ. Hafa því greinst
smit út frá öllum heilsugæslu-
stöðvum landshlutans nema í
Búðardal. í gær voru flest smit
greind út frá frá heilsugæslu-
stöðinni í Borgarnesi, eða 21
en næstflest á Akranesi, eða
tíu. Fjögur smit höfðu greinst
í Stykkishólmi, eitt í Grundar-
firði og eitt í Ólafsvík. -kgk
Lagt til að
samkomubann
var til 4. maí
LANDIÐ: í síðustu viku
lagði Þórólfur Guðnason sótt-
varnarlæknir það til við Svan-
dísi Svavarsdóttur heilbrigð-
isráðherra að samkomubann-
ið sem nú er í gildi, og átti
að taka enda 13. apríl, verði
framlengt í óbreyttri mynd til
4. maí næstkomandi eða fyrsta
mánudag í maí. Heilbrigðis-
ráðherra staðfesti þá ákvörð-
un með að auglýsa í Stjórn-
artíðindum. Samkomub-
ann þýðir m.a. að starf fram-
halds- og háskóla verður ekki
með þeim hætti að nemend-
ur mæti í skóla sína. Bannaðar
eru samkomur þar sem fleiri
en tuttugu koma saman og
ýmsar hömlur eru auk þess á
aðra atvinnustarfsemi þar sem
nánd er mikil milli fólks eins
og landsmenn ættu að þekkja.
-mm
Samþykktu
nýjan samning
LANDIÐ: Nýr kjarasamn-
ingur landssambands slökkvi-
liðs- og sjúkraflutningamanna
við Samband íslenskra sveit-
arfélaga var samþykktur í gær
hjá lSS með 79,7% greiddra
atkvæða.
-mm
Veðurhorfur
lögreglan á Vesturlandi stöðvaði
ökumann fyrir of hraðan akstur á
fimmtudaginn. Maðurinn ók bif-
reið sinni um Vesturlandsveg und-
ir Hafnarfjalli á 151 km hraða á
klst., þar sem leyfilegur hámarks-
hraði er 90 km/klst. Strokpróf, sem
framkvæmt var á staðnum, gaf enn
fremur jákvæða svörun við neyslu
kannabisefna. Var maðurinn því
handtekinn, færður á lögreglustöð-
ina í Borgarnesi og gert að gefa
blóðsýni. En þar með er ekki öll
sagan sögð. Þegar komið var á lög-
reglustöðina greinir maðurinn frá
því að hann eigi að vera í sóttkví
vegna Covid-19. Að sögn lög-
Sagði ekki frá sóttkví fyrr en komið var á stöðina
reglu var sú fullyrðing sannreynd
hjá almannavörnum og reyndist
hún eiga við rök að styðjast. Mað-
urinn átti að vera í sóttkví. Vakt-
hafandi læknir á heilsugæslunni í
Borgarnesi var lagður af stað á lög-
reglustöðina til að taka blóðsýni úr
manninum, en náðist að snúa hon-
um við þegar þetta kom í ljós. Kom
læknirinn því á stöðina í viðeigandi
hlífðarbúnaði og tók bæði blóðsýni
og Covid-19 sýni úr manninum.
Tveir lögreglumenn voru sendir til
Reykjavíkur þar sem lögreglubif-
reiðin var sótthreinsuð, fötin þeirra
og allt sem þurfti að hreinsa. Auk
þess þurfti að sótthreinsa lögreglu-
stöðina í Borgarnesi. Síðan tók við
tveggja sólarhringa bið, á meðan
beðið var niðurstöðu úr Covid-19
prófi ökumannsins. Kom þá í ljós
að maðurinn var ekki smitaður og
gátu lögreglumennirnir snúið aft-
ur til vinnu.
Mega illa við
slíkum atvikum
Ásmundur Kr. Ásmundsson, að-
stoðaryfirlögregluþjónn hjá lög-
reglunni á Vesturlandi, segir að
lögregluliðið í landshlutanum
megi illa við atvikum sem þess-
um, þrátt fyrir að gerðar hafi ver-
ið ýmsar ráðstafanir til að reyna
að lágmarka áhrif faraldursins á
starf lögreglu. „Þarna misstum
við tvo menn út í tvo sólarhringa.
Við erum búnir að setja upp ann-
að vaktkerfi og erum með varalið
sem er tilbúið að stíga inn á vaktir
ef menn detta út vegna gruns um
Covid-19 smit, það er að segja lög-
reglumenn sem vinna heima en eru
kallaðir út ef slík staða kemur upp.
Þarna detta skyndilega tveir menn
út sem eiga að vera á vakt og þá eru
tveir kallaðir inn í staðinn. Ef þörf
krefur munu síðan yfirmenn og
rannsóknarlögreglumenn fara inn
á vaktirnar, því við munum aldrei
hætta að gera út lögreglu. En við
erum ekki fjölmennt lögreglulið
og megum ekki við mörgum atvik-
um sem þessum,“ segir Ásmundur
í samtali við Skessuhorn.
Strangara verklag
Hann segir að þetta tiltekna mál,
sem hófst með hraðakstri en end-
aði með tveimur lögreglumönn-
um í tveggja daga sóttkví, hafi orð-
ið til þess að lögregla hafi tekið
upp strangara verklag við allt al-
mennt eftirlit lögreglu. „Héðan í
frá verður það verklag viðhaft að ef
við þurfum að hafa afskipti af fólki,
handtaka það eða færa inn í lög-
reglubíl, þá munu lögreglumenn
alltaf setja upp hanska og grímur,
sem og þeir sem þarf að hafa af-
skipti af. lögregla hefur afskipti af
fólki í alls kyns ástandi og við get-
um ekki verið öruggir um að fólk
segi okkur frá því ef það er smitað
eða á að vera í sóttkví,“ segir Ás-
mundur.
Fólk haldi sig heima
um páskana
Þeim sem eru í sóttkví er heimilt að
skreppa í bíltúr, svo lengi sem þeir
eiga ekki í samskiptum við annað
fólk. Ásmundur segir lögreglu hafa
áhyggjur af komandi páskahátíð í
ljósi þessa. „Við höfum áhyggjur af
því að páskaumferðin fari af stað og
biðlum til fólks að halda sig heima.
Því ef einhver sem ætlar að vera í
sóttkví í sumarbústað um páskana
lendir í bílslysi á leiðinni, þá er það
hið versta mál,“ segir hann. „Ef til
dæmis einhver sem er í sóttkví lend-
ir í árekstri í umferðinni þá leiðir
það til þess að hópur viðbragðsaðila
þarf að fara í tveggja daga sóttkví
að lágmarki, meðan beðið er eftir
niðurstöðum Covid-19 greiningar.
Ég tala nú ekki um ef viðkomandi
reynist síðan smitaður af Covid-19.
Þá er kannski fullt af viðbragðs-
aðilum úr leik í lengri tíma,“ seg-
ir hann. „Þess vegna biðlum við til
fólks að vera heima um páskana,“
segir Ásmundur að endingu.
kgk/ Ljósm. kgk.
Við erum öll barnavernd.
Ef þú hefur áhyggjur af barni
hringdu í 112 og láttu vita.