Skessuhorn - 29.04.2020, Qupperneq 17

MIÐVIKUDAGUR 29. ApRÍL 2020 17
Afar mikið hefur mætt á lögreglu-
mönnum á undanförnum vikum.
Þeir hafa skipt liði þannig að vaktir
eru aðskildar og hittast ekki, hvorki
í né utan vinnu. Það er gert til að
lágmarka hættu á smiti til að hægt
sé áfram að halda uppi lögum og
reglu í landinu. Lögreglumenn til-
heyra örfáum stéttum vinnandi
fólks sem taldar eru svo þjófélags-
lega mikilvægar að verkfall telst
ekki til réttinda þeirra. Þá eru lög-
regla sömuleiðis ein fárra stétta sem
hægt er að skikka til vinnu, sveigja
og beygja vinnutíma og hvíldar-
ákvæði, vegna samfélagslegra mikil-
vægra hagsmuna. Engu að síður má
flokka laun lögreglu undir láglauna-
störf. Nú hafa lögreglumenn ver-
ið án kjarasamnings í fjórtán mán-
uði. Lítið sem ekkert hefur þokast
í samkomulagsátt í kjaraviðræð-
um þeirra við samninganefnd ríkis-
ins og segjast lögreglumenn mæta
algjöru fálæti. Áfram eru þeir þó
starfsmenn í framlínu þjóðfélags-
ins, ekkert síður en starfsfólk inn-
an heilbrigðisgeirans. Skessuhorn
tók Sigurð Jónasson, lögreglumann
hjá Lögreglunni á Vesturlandi, tali
undir lok síðustu viku. Rætt var
um kjör lögreglumanna og þær að-
stæður sem þeir eru nú í. Sigurður
á langan starfsferil að baki hjá lög-
reglunni, hóf störf 1991. Eiginkona
hans er Bjarnþóra pálsdóttir sem
sömuleiðis starfar hjá lögreglunni
en hennar starfssvæði er á Strönd-
um, lögreglumaður hjá embætti
Lögreglunnar á Vestfjörðum.
Grunnlaunin
óásættanleg
Fram kemur í spjallinu við Sigurð
að á lögreglumönnum mæði mest
þegar ástand er á einhvern hátt var-
hugavert í þjóðfélaginu, eldfimt
eða hættulegt. Rifjað er upp hlut-
verk þeirra í búsáhaldabylting-
unni eftir bankahrunið 2008 þeg-
ar lögreglumönnum var gert að
standa í framlínunni til dæmis við
að verja stjórnmálamenn við Aust-
urvöll. „En þrátt fyrir þetta hlut-
verk og skyldur okkar sömdu lög-
reglumenn fyrir áratugum síð-
an frá sér verkfallréttinn. Það var
gert gegn því að við myndum fylgja
launaþróun annarra háskólamennt-
aðra stétta í framlínu þjóðfélags-
ins, svo sem hjúkrunarfræðinga. En
það var svikið og svo virðist sem
ríkisvaldið hafi tekið okkur á löpp
því kjaralega sitjum við sem starfs-
stétt eftir í samanburði við flestar
ef ekki allar aðrar stéttir opinberra
starfsmanna. Byrjunarlaun mennt-
aðs lögreglumanns, með 120 ein-
inga tveggja ára háskólanám, eru
í dag 359 þúsund krónur. Vaxandi
urgur er því í röðum okkar lög-
reglumanna og sumir okkar farnir
að efast um það sé rétt taktík fyr-
ir stéttina að fara hljótt með launa-
kröfur okkar. Nú þarf umræðan
að færast upp á yfirborðið og út af
lokuðum spjallsvæðum lögreglu-
manna eingöngu,“ segir Sigurður.
Aðspurður útilokar hann ekki að
menn séu farnir að íhuga uppsagn-
ir. „Ef ekki á til uppsagna að koma
þarf ríkið einfaldlega að semja við
okkur og það strax,“ áréttar hann.
Launin duga ekki
til framfærslu
„Grunnlaun okkar eru sorglega lág.
Flestir lögreglumenn taka því mik-
ið af vöktum til að reyna að hysja
launin upp. En ég vil ítreka að
vaktaálag er ekki og á aldrei að vera
hluti af almennum launakjörum.
Allar aðrar stéttir vinnandi fólks
fá greitt fyrir yfirvinnu eða vaktaá-
lag, en grunnlaun þeirra flestra eru
miklu hærri en það sem okkur lög-
reglumönnum býðst. Til að skrimta
er okkur því nauðugur sá kostur að
taka annað hvort mikla yfirvinnu
og fjöldan allann af bakvöktum, eða
sinna annarri vinnu samhliða störf-
um við lögregluna, því launin ein-
faldlega duga ekki til framfærslu,“
segir Sigurður.
Metnir að verðleikum
Hann segir það afleitt að nú þeg-
ar kóvidfaraldurinn gangi yfir skuli
sú staða vera uppi að lögreglumenn
séu uppteknir af óánægju með eig-
in kjör. Það eitt og sér skapi erg-
elsi og hættu. „Við sem störfum að
löggæslu þurfum sífellt að vera með
hugann 100%, vera á varðbergi og
minna okkur á þá hættu sem fylgir
því að mæta á vakt; að umgang-
ast fólk, hvort sem það er við um-
ferðareftirlit, við komu á vettvang
afbrots, handtaka fólk eða sinna
öðrum þeim verkefnum sem starf-
inu fylgja. Það er þekkt að afbrota-
menn hafa í gegnum tíðina ögrað
með því að ógna okkur með spraut-
unálum og slíku, en nú segjast þeir
bara vera í sóttkví eða jafnvel smit-
aðir, til að við nálgumst þá síður.
Við horfum fram á að nú eru glæpir
að verða alvarlegri og ofbeldisfyllri
en áður. Við lögreglumenn erum
einfaldlega alltaf í framlínunni við
aðstæður sem aðrir forðast, en það
er einhvern veginn ekki mikið talað
um okkur sem starfsfólk í framlínu.
Aðrar stéttir fá hins vegar hrósið
fyrir það og jafnvel launalega umb-
un eins og ríkisstjórnin kynnti í síð-
ustu viku. Þessu hugarfari stjórn-
valda í okkar garð verður að breyta.
Nú er það okkar lögreglumanna
að hefja áróðursstríð fyrir bættum
kjörum okkar og að almennt verði
metið að verðleikum það sem við
erum að gera sem máttarstoð í sam-
félaginu,“ segir Sigurður.
Kerfið gaf eftir
Aðspurður segir Sigurður að mið-
að við málaskrá lögreglu sé ofbeld-
isbrotum á síðustu vikum að fjölga
og almennt fjölda mála sem koma
til kasta lögreglu. Hann tekur sem
dæmi sumardaginn fyrsta, síðastlið-
inn fimmtudag. Þá var hann sjálf-
ur við vettvangsstjórn þegar fram
fór fjölmenn leit að týndu barni
við Hreðavatn í Borgarfirði. „Með-
an á leitinni stóð var nær útilokað
að ná sambandi við Fjarskiptamið-
stöð lögreglu. Það helgaðist af því
að kollegar mínir á höfuðborgar-
svæðinu voru í svo miklum önnum
vegna fjölda afbrota sem þá voru í
gangi, að kerfið einfaldlega lét und-
an. Það ástand sýndi svo ekki verður
um villst vaxandi tíðni afbrota sem
er fylgifiskur ástandsins í þjóðfélag-
inu sem rekja má til Covid-19.“
Vaxandi þreyta
og vonbrigði
Sigurður segir að aðstæður undan-
farna daga hafi ýtt undir vaxandi
gremju lögreglumanna í garð samn-
inganefndar ríksins og fjármála-
ráðuneytis sem fer með samnings-
umboðið í viðræðum við Lands-
samband lögreglumanna. „Nú höf-
um við lögreglumenn einfaldlega
ákveðið að vekja máls á ástandinu
með öllum tiltækum ráðum en þó
með jákvæðum hætti. Í kjarabar-
áttu sem við stóðum í árið 2015 var
gengið lengra en fram að því hafði
verið gert, meðal annars með því
að dregið var úr frumkvæðisvinnu
lögreglu. Við jukum þá umferðar-
eftirlit og stöðvuðum alla bíla. Það
kallaði á ergelsi borgaranna fyrir
að tefja umferð. Ríkislögreglustjóri
brást auk þess illa við og bannaði
að tæki lögreglunnar væru nýtt í
kjarabaráttu, eins og það var kall-
að. Í ljósi þess að ekki er verkfalls-
réttur til staðar eru okkur því all-
ar bjargir bannaðar. Okkur hefur
gengið illa að fá áheyrn stóru fjöl-
miðlanna á veikri samningsstöðu
okkar og óviðunandi launum. Því
hefur pressan verið afar lítil á að við
okkur væri samið. Af því leiðir að
það er vaxandi óánægja innan stétt-
arinnar, þreyta og vonbrigði með
afstöðu stjórnvalda. Það er hættu-
legt ástand, þegar lögreglumenn
eiga í hlut,“ segir Sigurður Jónas-
son lögreglumaður með þunga.
mm
Fjöldamörk samkomubanns hækka
úr 20 í 50 manns mánudaginn 4.
maí næstkomandi. Unnt verð-
ur að opna framhalds- og háskóla
og ýmsir þjónustuveitendur geta
á ný tekið á móti viðskiptavin-
um. Frá sama tíma falla alveg nið-
ur takmarkanir á fjölda nemenda
í leik- og grunnskólum og einnig
fjöldatakmarkanir við íþróttaiðk-
un og æskulýðsstarf barna á leik-
og grunnskólaaldri. Þetta er með-
al þess sem leiðir af nýrri auglýs-
ingu heilbrigðisráðherra um tak-
mörkun á samkomum vegna far-
sóttar. Rýmkun á reglum um tak-
markanir á skólahaldi og samkom-
um er í samræmi við tillögur sótt-
varnalæknis.
Í auglýsingunni felst að reglur
um fjöldatakmörk og um tveggja
metra nálægðarmörk munu frá
gildistöku hennar ekki eiga við
um nemendur í starfsemi leik- og
grunnskóla. Þannig verður því unnt
að halda óskertri kennslu og vistun
barna. Sama á við varðandi börnin
í starfsemi dagforeldra, frístunda-
heimila, félagsmiðstöðva og ann-
arri lögbundinni þjónustu á leik-
og grunnskólastigi. Sundlaugar og
líkamsræktarstöðvar verða áfram
lokaðar almenningi en skólasund-
kennsla verður heimil.
Sóttvarnalæknir leggur til við
heilbrigðisráðherra að þegar líð-
ur að lokum maí verði skoðaðir
möguleikar á að aflétta enn frek-
ar takmörkunum á samkomum.
Að því gefnu að ekkert standi slík-
um breytingum fyrir þrifum verði
stefnt að því að færa fjöldatakmark-
anir úr 50 í 100 manns, opna sund-
laugar og líkamsræktarstöðvar og
fleira. mm
Börn að leik í Grunnskóla Snæfellsbæjar á Hellissandi.
Ljósm. úr safni Skessuhorns.
Skólahald kemst að mestu í eðlilegt horf eftir 4. maí
Lögreglumenn hafa nú verið samningslausir í 14 mánuði
„Ekki er litið á lögreglumenn
sem framlínustarfsmenn“
Sigurður Jónasson lögregluþjónn.
SK
ES
SU
H
O
R
N
2
02
0
Sumarvinna fyrir 17 ára
ungmenni hjá
Vinnuskóla Akraness
Akraneskaupstaður og Vinnuskóli Akraness
bjóða unglingum f. 2003 með lögheimili á
Akranesi vinnu við Vinnuskólann.
Um er að ræða almenna garðvinnu og önnur tilfallandi störf er
heyra undir starfsemi vinnuskólans.
Vinnan hefst í lok maí og unnið er 35 klst. á viku, en fjöldi
vinnuvikna mun ráðast af fjölda umsækjenda. Haldinn verður
fundur með umsækjendum áður en vinnan hefst og farið yfir
stöðuna.
Umsóknarfrestur er til og með 11. maí 2020. Aðeins þeir sem
skila inn umsókn fyrir tiltekinn tíma verður veitt vinna.
Allar nánari upplýsingar veitir Ása Katrín Bjarnadóttir í síma
433 1056 eða á netfangið asa.bjarnadottir@akranes.is
S
K
E
S
S
U
H
O
R
N
2
02
0
Hvalfjarðarsveit óskar eftir tilboðum í verkið:
Melahverfi í
Hvalfjarðarsveit
Háimelur - yfirborðsfrágangur
Verkið felur m.a. í sér gerð jöfnunarlags undir malbik,
malbikun götu og gangstétta, gerð kantsteina, ídrátt
götuljósastrengs og uppsetningu ljósastaura við
götuna Háamel og að hluta Brekkumel í Melahverfi í
Hvalfjarðarsveit. Lengd götunnar er um 262 m.

Helstu magntölur eru:
Uppsetning götuljósastaura 10 stk
Ídráttur götuljósastrengs 260 m
Mulningur undir malbik 2.610 m²
Malbik 2.408 m²
Vélsteyptur kantsteinn 543 m
Fylling og jöfnun undir þökur og þökulögn 80 m²

Skiladagur verksins er 1. september 2020.
Útboðsgögn verða afhent rafrænt og án endurgjalds.
Hægt er að óska eftir gögnum hjá Hvalfjarðarsveit á
netfangið bygging@hvalfjardarsveit.is eða í síma 433-8500.
Tilboð verða opnuð 13. maí 2020, kl. 10:00 á skrifstofu
Hvalfjarðarsveitar, Innrimel 3, 301 Akranes. Áskilinn er
réttur til að taka hvaða tilboði sem er eða hafna öllum.
Stefán Jónsson er nýr garðyrkju-
fræðingur hjá Snæfellsbæ. Stefán
er fæddur og uppalinn í Deildar-
tungu í Reykholtsdal. Hann flutt-
ist úr Reykjavík í Snæfellsbæ til að
taka við nýja starfinu nú í vor. Stef-
án hefur lokið BS gráðu í lands-
lagsarkitektúr frá Landbúnaðarhá-
skóla Íslands en eftir það fór hann
til Kaupmannahafnar þar sem hann
lauk meistaragráðu í sama fagi. Nú
stundar hann nám í skrúðgarð-
yrkjufræðum við LbhÍ og stefnir á
útskrift nú í vor. „Ég fór eiginlega
öfuga leið að þessu. Byrjaði á að
ná mér í meistaragráðu á háskóla-
stigi áður en ég fór í iðnnám, flest-
ir taka þetta á hinn veginn,“ segir
Stefán og hlær. Síðast vann hann
hjá EFLU verkfræðistofu. „Þar
vann ég mest fyrir Reykjavíkur-
borg, var með umsjón á ástandi og
viðhaldi stofnanalóða og leiksvæða
í Reykjavík, sá um rekstrarskoðan-
ir og að fá verktaka að sjá um við-
gerðir og viðhald,“ útskýrir Stef-
án. Hann vann áður um tveggja ára
skeið sem garðyrkjustjóri hjá Golf-
klúbbi Reykjavíkur.
Líkar betur í minni
samfélögum
En hvað varð til þess að Stef-
án ákvað að sækja um starf í Snæ-
fellsbæ? „Atvinnuástandið í Reykja-
vík núna er ekkert spennandi og svo
er þetta nákvæmlega það sem mig
langar mest að gera, vera umhverf-
is- og garðyrkjustjóri eða eitthvað
í þá áttina. Ég kem líka af lands-
byggðinni og líður betur í minna
samfélagi en í Reykjavík. Svo var
þetta starf bara auglýst til sex mán-
aða og mér fannst fínt að fara í
þetta svona yfir eitt sumar,“ seg-
ir Stefán en bætir því við að þó sé
búið að ákveða að hann verði eitt-
hvað lengur á Snæfellsnesi en áætl-
að var í fyrstu. „Það er búið að
bjóða mér starf á skrifstofunni í vet-
ur, að leysa af aðstoðarmann skipu-
lags- og byggingafulltrúa, og svo
verð ég aftur í garðyrkjunni hér
næsta sumar,“ segir hann. „Ég verð
þó að viðurkenna að ég hefði lík-
lega ekki sótt um þetta ef ég hefði
vitað að það væri til svona langs
tíma, svo það var gott að aðeins var
auglýst eftir starfsmanna í hálft ár,“
segir hann hlæjandi og bætir við að
hann sé þó mjög jákvæður fyrir því
að vera lengur í Snæfellsbæ en áætl-
að var í fyrstu. „Ég á bara börn sem
búa í Reykjavík og þess vegna hafði
ég ekki hugsað mér að fara í langan
tíma. En ég kem til með að sjá þau
flestar helgar,“ bætir hann við. Að-
spurður segir Stefán að hans starf
snúist um umhirðu á öllum gróðri
Snæfellsbæjar, fyrir utan grasið.
„Ég mun þó mögulega líka eitthvað
hugsa um grasið. En fyrst og fremst
eru þetta trjárunnar, fjölæringar,
sumarblóm og slíkt sem ég mun
annast. Ég mun vinna mjög náið
samhliða umsjónarmanni í vinnu-
skólanum. Við munum sjá um þetta
saman, að hugsa um beðin, slátt og
allan umhirðu með gróðri,“ svarar
hann. arg
Úthlutað hefur verið úr Sprotasjóði
fyrir skólaárið 2020-2021. Sprota-
sjóður hefur það hlustverk að styðja
við þróun og nýjungar í skólastarfi
leik, grunn- og framhaldsskóla í
samræmi við stefnu stjórnvalda og
aðalnámskrá viðkomandi skóla-
stiga. Samtals bárust 46 umsóknir
og að þessu sinni hljóta 26 verkefni
styrki og er heildarupphæð þeirra
rúmlega 56 milljónir króna.
Að þessu sinni voru tvö verkefni
á Vesturlandi sem fengu styrk.
Grunnskólinn í Stykkishólmi hlaut
1.650.000 kr. fyrir verkefnið „Heilsa
og vellíðan“. Brekkubæjarskóli á
Akranesi hlaut 1.300.000 kr. fyrir
verkefnið „Þátttaka er samvinna –
valdefling barna,“ sem unnið er í
samvinnu við Frístundamiðstöðina
Þorpið og Menntavísindasvið
Háskóla Íslands.
arg
Tveir skólar á Vesturlandi fá úthlutun úr Sprotasjóði
Nemendur í Grunnskólanum í Stykkishólmi að prjóna. Ljósm. úr safni.
Frá morgunstund í Brekkubæjarskóla síðasta haust. Ljósm. úr safni.
Stefán Jónsson er nýr garðyrkjufræðingur í Snæfellsbæ. Ljósm. snb.
Stefán ráðinn garðyrkjufræð-
ingur í Snæfellsbæ