Skessuhorn - 24.06.2020, Blaðsíða 14

MIÐVIKUDAGUR 24. JúnÍ 202014
norðurálsmótið í 7. flokki í knattspyrnu fór fram á Akranesi
um helgina. Mótið var að þessu sinni það 35. í röðinni. Alls
tóku um 1.200 iðkendur þátt á mótinu sjálfu og voru leik-
menn á aldrinum 7 til 8 ára. Sú nýjung var auk þess á mótinu
í ár að sérstakt eins dags hraðmót fór fram fyrir 8. aldursflokk
(5 og 6 ára) og var það leikið á fimmtudaginn áður en hið
hefðbundna norðurálsmót hófst. Tóku um 300 iðkendur þátt
og var mikið líf og fjör á keppnissvæðinu þegar margir tóku
þátt í skipulagðri keppni í fyrsta sinn.
Þegar föstudagurinn gekk í garð fjölgaði heldur betur fólki
á Akranesi. Klukkan 11 hélt fríður flokkur af stað í skrúðgön-
gu frá Ráðhúsplaninu á Stillholti og áleiðis í Akraneshöllina
þar sem mótið var sett. Síðan var haldið út á æfingasvæðið
á Jaðarsbökkum. Sem fyrr var skemmtilegt að fylgjast með
þegar á annað þúsund ungir knattspyrnumenn ásamt þjál-
furum og liðsstjórum héldu af stað í skrúðgönguna, merktir
spjöldum með nöfnum sinna félaga, fánum og hrópandi hvat-
ningarorð. norðurálsmótið var nú sem fyrr eitt stærsta pol-
lamót ársins í knattspyrnu hér á landi. Keppendur í 7. flokki
voru um 1200 talsins, auk þeirra 300 sem kepptu daginn áður,
og því má reikna með að ásamt foreldrum hafi að lágmar-
ki 4-5 þúsund manns verið í bænum vegna mótsins. Gestir
voru víðsvegar um bæinn alla helgina; í verslunum og veitin-
gastöðum eða á rölti meðfram fjörunni. Frábært veður var á
Akranesi alla mótsdagana og naut fólk þess.
Fyrirkomulag sjálfrar keppninnar tók mið af leiðbeining-
um vegna sóttvarna. Keppt var á 16 völlum á æfingasvæði
knattspyrnufélags ÍA. Átta vallanna tilheyrðu svokölluðu
suður-austurhólfi og jafnmargir í norður-vesturhólfi. Voru
keppnissvæðin aðgreind með keilum og borða og fólk beðið
að halda sig inni á sínum svæðum. Sökum fjöldatakmarkana
vegna Covid-19 faraldursins máttu að hámarki 500 fullorðnir
vera í hvoru hólfi á hverjum tíma.
Ekki varð ljóst fyrr en í maí að mótið gæti farið fram í ár
en mótshaldið var eins og fyrr segir aðlagað eins og kostur
er leiðbeiningum yfirvalda um sóttvarnir. norðurálsmótið er
skipulagt á forsendum iðkenda með það í huga að allir séu
með í leiknum til þess að skapa jákvæða og skemmtilega up-
plifun barna sem eru að stíga sín fyrstu skref í fótbolta. Það
mátti sannarlega sjá á mótsetningu og á keppnisvöllunum alla
helgina þegar knattspyrnufólk framtíðarinnar sýndi það sem í
því býr. mm/ Ljósm. mm/glh/gbh
Hér er horft eftir skrúðgöngunni eftir Garðabraut áleiðis á
Jaðarsbakka. Ljósm. glh.
Knattspyrnufólk framtíðarinnar steig
sín fyrstu skref á Akranesi
Tekist á í leik ÍA og KR. Ljósm. gbh. Einbeitingin við völd. Ljósm. gbh.
Svipmynd úr leik HK og ÍA.
„Verður mark?“ Ljósm. gbh.
Haldið af stað frá Stillholti og áleiðis á Jaðarsbakka með lögreglu og trommuslátt
í broddi fylkingar. Ljósm. mm.
Það var létt yfir forsvarmönnum ÍA og Akraneskaupstaðar
við upphaf móts. Ljósm. glh.
Skagamenn ganga ákveðnir til mótssetningar. Ljósm. mm.
Ungir Skallagrímsmenn ganga til mótssetningar.
Ljósm. mm.
HK félagar í skrúðgöngunni. Ljósm. mm.