Ægir - 2019, Side 15

15
við höfum ekki sálf yfir að ráða nema
um 60% af því magni sem við ætlum okk-
ur að vinna í húsinu. Við teljum góðan
grundvöll fyrir því þar sem hér er á nes-
inu er verið að selja árlega 20-25 þúsund
tonn af fiski á mörkuðum. Og í heild er
verið að selja um 100 þúsund tonn á inn-
lendum fiskmörkuðum sem við höfum lítt
eða ekkert tekið þátt í. Við væntum þess
að þetta nýja hús verði samkeppnifært
til kaupa hráefni á fiskmörkuðunum til
vinnslu,“ segir Guðmundur Smári en í
heild er stefnt að því að vinna um 8000
tonn af fiski í nýja húsinu á ári.
Mjög góð veiði
G.Run nýtir þjónustu 5-6 fyrirtækja í
sölumálum og segir Guðmundur Smári
að megin þungi vinnslunnar færist nú
yfir í ferskar afurðir. Stærsti markaður
fyrirtækisins í þeim afurðum er Frakk-
land sem hann segir að hafi stöðugt ver-
ið að sækja í sig veðrið.
G.Run gerir út togbátana Helga SH-
135 og Hring SH-153 sem hafa landað
vikulega í Grundarfirði en Guðmundur
Smári reiknar með að útgerð þeirra
breytist þannig að annað þeirra landi
tvisvar í viku og hitt einu sinni. „Við
sækjum eingöngu hér fyrir vesturhluta
landsins og fiskiríið er og hefur verið
ótrúlega gott. Okkur hefur greinilega
tekist vel að byggja helstu fiskistofna
upp og sjáum til dæmis góða aukningu í
ýsuaflanum á nýjan leik, fyrr en við átt-
um von á. Sveiflur verða auðvitað alltaf
í veiðinni eins og verið hefur í gegnum
tíðina og fiskifræðingar tala um litla ný-
liðun í karfa sem er okkur áhyggjuefni
þar sem við vinnum mikið af honum. En
heilt yfir þá er staðan hvað veiðarnar
varðar mjög góð.“
Glæsilegur vinnustaður og allir
fullir tilhlökkunar
Guðmundur Smári segir að tíminn muni
leiða í ljós hvort hægt verði að auka við
vaktir í húsinu. „Þetta er mikil fjárfest-
ing og framtíðin í fiskivinnslutækninni.
Megin markmiðið er að nýta húsið sem
mest og best til að það skili góðri afkomu
árið um kring og við ætlum að skoða
hvort mögulegt verði að bæta við hálfri
vakt eða gera einhverjar breytingar sem
nýta húsið enn betur. Inn í það spila
ýmsir þættir, t.d. það sem rætt er við
kjarasamningaborð um vinnutíma-
ramma en fyrst þurfum við að læra inn
á þessa nýju tækni og gera okkur grein
fyrir hvaða tækifæri hún opnar okkur.
Fyrstu vikurnar í húsinu lofa mjög góðu
og allir eru fullir tilhlökkunar að fá
þennan glæsilega vinnustað.“
■ Í vinnslunni er sérstakur kælir fyrir ferskfiskafurðir. Kæling í gegnum allan
vinnsluferilinn er lykilatriði.
■ Gæðaeftirlit og snyrting eftir flökun.