Ægir - 2019, Page 17

17
hugsun okkar sjálfra mesta hindrunin í
því hvað við getum gert með þessari
tækni. Það tekur okkur einfaldlega tíma í
byrjun að átta okkur á hvaða möguleik-
ar öll tæknin í salnum býður okkur upp
á,“ segir Rósa.
Óskir kaupenda leiða þróunina
Aukinn fjölbreytileika í bitaskurði og þar
af leiðandi í afurðaflokkum segir Rósa
vera þróun sem fyrst og fremst leiði af
óskum kaupenda sjálfra. „Viðskiptavin-
urinn vill fá fiskinn skorinn fyrir sig á
þennan eða hinn háttinn og þær óskir
reynum við að uppfylla. Þetta er ekki
þannig að við skerum flökin niður á ein-
hvern ákveðinn hátt eftir okkar hug-
myndum heldur eru það viðskiptavinirn-
ir sem hafa ákveðnar þarfir. Þetta geta
verið aðilar sem selja fisk í bökkum í
smásöluverslunum eða til veitingahúsa
og auðvitað skiptir máli að varan sé sé
sem líkust í stærð og þyngd, hvort held-
ur er í kæliborðinu í versluninni eða á
diskum gesta veitingahúsanna. Því það
er nú einu sinni þannig að við borðum
líka með augunum. Þetta snýst því um
vöruvöndun og gæði, númer eitt, tvö og
Fiskvinnslan
■ Rósa Guðmundsdóttir framleiðslustjóri G.Run segir vinnsluna gjörbreytta frá því áður var. „Hér eru allir í öðruvísi starfi
en þeir voru áður.“
■ Unnið við pökkunarlínu fyrir ferskar afurðir.