Ægir - 2019, Síða 18

18
þrjú,“ segir Rósa en ein af nýjum vélum í
húsinu er flökunarvél fyrir stóran fisk
sem mikilvægt þótti að fá inn í vinnsluna
til að mæta þeirri þróun hefur verið
undangengin ár að þorskurinn hefur sí-
fellt orðið vænni.
„Sem betur fer erum við þó farin að
sjá merki um meiri blöndun og smærri
fisk jafnhliða. Það er merki um nýliðun í
þorskstofninum. Og sannarlega jákvætt
merki um þróun stofnsins.“
Góð yfirsýn lykilatriði
Rósa segir það mikið átak fyrir allt
starfsfólk vinnslunnar að takast á við
þessar breytingar í sinni daglegu vinnu.
„Aðdragandinn að þessu var langur en á
meðan á undirbúningi og framkvæmdum
stóð gættum við þess að halda starfs-
fólkinu okkar vel upplýstu, gefa því kost
á að spyrja og fylgjast vel með. Ég held
að þetta hafi átt sinn þátt í hversu vel
okkur hefur gengið að koma nýju vinnsl-
unni í gang en eins og ég sagði áðan þá
erum við sem stjórnum vinnslunni líka í
miklu lærdómsferli. En við förum líka
þannig í þetta að taka skref fyrir skref.
Síðar í ferlinu mun svo starfsfólkið á
gólfinu taka meiri þátt í skráningarferl-
um og slíku í vinnslunni, eins og kerfið
býður upp á. Þannig reikna ég t.d. með
að starfsmaður í móttöku verði með eig-
in spjaldtölvu þar sem hann fylgir eftir
skráningu afurða inn í vinnslunna og
tölvukerfin. Að baki búnaðinum frá Mar-
el erum við með Innova skráningarkerfi
frá þeim og vinnum einnig með WiseFish
kerfið frá Wise þannig að upplýsinga-
kerfin að baki vinnslunni gefa okkur
stöðuga og góða yfirsýn. Og að sjálf-
sögðu færa þessi upplýsingakerfi okkar
rekjanleika á framleiðslunni sem mikil-
vægt er að geta sýnt kaupendum fram á.
Eitt af því sem við höfum lengi gert um-
fram margar aðrar vinnslur af þessari
stærðargráðu er að við höfum framlegð-
arreiknað hvern einasta vinnsludag
jafnóðum og þannig haft mjög góða yfir-
sýn á hvað skilar okkur mestum ávinn-
ingi. Þetta munum við gera áfram og
getum haft enn meiri yfirsýn með þess-
um upplýsingakerfum. Góð yfirsýn er
lykilatriði,“ segir Rósa.
Flutningsleiðirnar mikilvægar
Árið 2015 var fyrsta árið sem ferskar af-
urðir urðu stærri hluti framleiðslu G.Run
og sú vinnsla verður í forgangi í nýja
húsinu. Stærsti markaðurinn er í Frakk-
landi en afurðir fara einnig á Bretland
og frystar afurðir til Bandaríkjanna og
Þýskalands, líkt og áður.
„Við þróuðumst líkt og margar aðrar
vinnslur úr klassísku frystihúsi yfir í
ferskfiskvinnsluna. Sú vinnsla byggir að
stærstum hluta á góðum flutningsleiðum
og t.d. nýtum við mikið flutning með
Mykenes frá Þorlákshöfn á föstudags-
kvöldum. Það þýðir að varan er komin til
kaupenda okkar í Frakklandi á mánu-
degi. Við sendum líka fisk með Norrænu
frá Seyðisfirði, svo dæmi séu tekin.
Flutningsleiðirnar eru grundvöllurinn
fyrir ferkfiskframleiðslunni og skipa-
flutningar ódýrari en flugið,“ segir Rósa.
Hún segir breytinguna á sjávarút-
veginum síðustu árin sýna hversu
spennandi þessi grein er. Því þurfi að
koma betur til skila til ungs fólks.
„Ég held að okkur takist illa að koma
því til ungs fólks hversu áhugaverður
iðnaður er yfir höfuð á Íslandi. Það á við
um fiskvinnsluna sem og aðrar iðn-
greinar. Á tímabili þótti ekkert vit í öðru
en fara í bóknám og upp í háskóla frekar
en í iðngreinar. Við verðum að meta iðn-
menntunina meira og laga þetta sam-
félagsmein í hugsun. Fyrir ungt fólk er
sjávarútvegur áhugaverður starfsvett-
vangur en okkar vandi er sá hversu
fljótt er farið í skotgrafirnar í umræð-
unni þegar talað erum greinina. Um leið
og okkur tekst að komast með greinina
upp úr þessum farvegi þá mun sjávarút-
vegurinn blómstra enn meir.“
■ Séð yfir vinnslusalinn. „Hér er allt nýtt, ef frá eru taldar flökunarvélar sem við
áttum fyrir og svo við sjálf, starfsfólkið,“ segir Rósa framleiðslustjóri.
■ Samvalsbúnaður fyrir pökkun á ferskum afurðum. Tölvukerfið að baki vinnsl-
unni sér til þess að velja saman afurðir af mikilli nákvæmni í þyngdum. Þegar
mikið magn er framleitt á árs grundvelli, líkt og í vinnslu G.Run, þá skiptir þessi
nákvæmni miklu máli.