Ægir - 2019, Qupperneq 28

28
„Með allri þessari tækni, skurðarvél,
gæðaskoðunarlínu og betri stýringu
flæðis erum við búin að losa okkur við
80 til 90% af öllum bökkum úr húsinu
vegna þess að það er hvergi uppsöfn-
un í kerfinu. Það er að segja þegar
ákveðið mörg flök eru komin inn á
skurðarvélina, hægir hún sjálf á
gæðaskoðunarlínunni og sú lína hæg-
ir svo sjálfkrafa á flökunarvélunum.
Ef gæðaskoðunarlínuna vantar svo
meira, eykur hún hraðann á flökunar-
vélunum rólega á ný. Þess vegna er
aldrei uppsöfnun á gæðalínunni, því
hún hægir á flökuninni og það er
aldrei uppsöfnun á skurðarvélina, því
þegar hún er orðin full hægir hún á
gæðalínunni. Þannig er flæðið jafnað
yfir allan daginn og í raun aukum við
afköstin með því að hægja á húsinu.
Áður fyrr, þegar línan var orðin
yfirfull, vorum við að setja flökin í
bakka og ef skurðarvélin hafði ekki
undan settum við flök í bakka. Bakk-
arnir söfnuðust svo upp og svo var
kannski farið í það eftir tvo tíma að
tæma þá inn á skurðarvélarnar, en þá
var búið að tapa vökva og gæðin orð-
in slakari. Nú er markmiðið hjá okkur
að vinna 50 flök á hvorri skurðarvél
og því þjónar ekki neinum tilgangi að
vera að snyrta 70 til 80 flök. Það leiðir
bara til uppsöfnunar. Áður þurfti
kannski að stoppa flökunina korteri
fyrir kaffi og 20 mínútur fyrir mat til
að vinna úr bökkunum. Nú er bara
keyrt þar til klukkan hringir.“
Bökkunum útrýmt
an. Við erum búnir að segja
honum hvað kassinn á að
vera þungur, hver meðal-
þyngdin á að vera og hvað við
ætlum að setja mörg stykki í
kassann. Hann tekur svo bara
á fullu til við að raða í kass-
ann með miklu meiri ná-
kvæmni í vigt og raðar mjög
vel í kassana. Þegar við sjáum
svona góðan árangur með
þessum róbóta endum við lík-
lega í þremur eða fjórum áður
en við vitum af.“
Erum rétt að byrja!
Tækninni fleygir fram. En hve
langt er hægt að fara í þeim
málum? „Við héldum að þegar
við vorum komnir með Flex-
icut skurðarvélarnar yrði ekki
lengra komist. Við byrjuðum á
því verkefni með Marel og
þegar við sáum árangurinn
þá var þetta hugsunin. En svo
sáum við að hægt væri að ná
meiri árangri með því að setja
upp gæðaskoðunarlínu fyrir
framan skurðarvélarnar. Hún
var svo komin inn í vinnslu-
línuna hjá okkur fyrir einu og
hálfu ári og gengur mjög vel.
Svo kom pökkunarróbótinn og
enn jókst árangurinn og nú
held ég að við séum rétt að
byrja. Framfarirnar í fisk-
vinnslu á síðustu fimm til sex
árum eru hreinlega ótrúlegar.
Við erum til dæmis með róbót-
anum að taka út einhæf og
leiðinleg störf en á móti fjölg-
um við í gæðaeftirliti. Með
þessu skapar fiskvinnslan fjöl-
mörg störf í tæknigeiranum
sem framleiðir vinnslubúnað-
inn,“ segir Ómar.
180.000 máltíðir á dag
Vísir afgreiðir 30 til 40 pant-
anir frá sjö á morgnana og
fram að hádegi. Fisk sem fer
utan með flugi frá Keflavíkur-
flugvelli. Venjulega koma
pantanir daginn áður en fisk-
urinn fer utan, en oft kemur
fyrir að pantanir berast að
morgni eða þeim er breytt og
þær afgreiddar fyrir hádegið
sama dag.
Til að setja afköstin í auð-
skiljanlegt samhengi reiknar
Ómar út fjölda máltíða, sem
fást með því að vinna úr um
80 tonnum á einum degi. Af-
urðirnar eru um 40 tonn og
hæfileg máltíð af hreinum
fiski er um 200 grömm. Útkom-
an er ansi merkileg. Á svona
degi eru framleiddar um
180.000 máltíðir. Það tekur því
Vísi um tvo daga að framleiða
fiskmáltíð fyrir hvert manns-
barn á Íslandi og líklega
ferðamennina líka.
■ Séð yfir svæði hausunar og flökunar. Allt að 80 tonn fara í
gegn á einum degi.
■ Á góðum degi fara
fiskmáltíðir fyrir 180.000
manns í gegnum þessa
línu.
■ Séð yfir vinnslusalinn. Þar eru tvær Flexicut skurðar-
vélar, gæðalína og pökkun og róbóti, sem er nýjasta
viðbótin.