Ægir - 2019, Síða 9

9
þátt í. Ég get nefnt sem dæmi að faðir
minn var fréttaritari Ríkisútvarpsins í
meira en fjörutíu ár og ég man vel eftir
því þegar hann var að lesa upp aflatölur
síldarbátanna. Hver einasti bátur var
lesinn upp. Í nútímanum er meira um
hörmungarfréttir.
Rekstrarumhverfið var mjög óstöðugt
í þá tíð og menn mjög háðir gengisfell­
ingum og endalausum heimsóknum til
Reykjavíkur að hitta bankastjóra og
aðra ráðamenn. Þá var ekki slæmt að
hafa Lúðvík Jósepsson sem sjávarút­
vegsráðherra. Í dag virðist rekstrarum­
hverfið stöðugra. Og það virðist sem
sjávarútvegurinn sé að þróast í átt til
hátækniiðnaðar og þess sér stað í fjöl­
breytni sýningarinnar.“
Vettvangur þar sem allir í
greininni hittast
Samhliða sýningunni verða veittar við­
urkenningar til þeirra sem skarað hafa
framúr í sjávarútvegi að undanförnu og
þá er einnig vert að nefna myndlistar­
sýningar listamannsins Tolla sem sýnir
sjávartengdar myndir sem Ólafur segir
gott dæmi um hversu duglegir íslenskir
lisamenn hafi verið að fanga sjóinn og
sjómennskuna í sinni listsköpun. Ólafur
segir að einnig verði rekinn glæsilegur
matsölustaður á sýningarsvæðinu. Að­
spurður segir hann að sýningarhaldið
hafi mikla þýðingu fyrir sjávarútveginn
hér á landi. „Þarna hittast allir í geiran­
um og svo á almenningur fullt erindi á
sýninguna,“ segir hann.
Fyrirtæki Ólafs hefur sett upp fjöl­
margar sýningar hér á landi á undan­
förnum tveimur áratugum.
„Við höfum orðið varir við aukinn
áhuga á okkar sýningum enda höfum
við verið með fjölda sýninga í rúm 24 ár.
Þær hafa stækkað enda mjög óhagkvæmt
að vera með litlar sýningar sem oft skila
tapi eða nánast engum launum en al­
vöru sýning tekur eitt og hálft ár í und­
irbúningi. Landbúnaðarsýningin í Laug­
ardalshöll í fyrra er dæmi um sýningu
með metaðsókn en hana sóttu um 90
þúsund manns.
Sýnendur tala um að gott sé hversu
mikil festa sé í okkar sýningarhaldi og
hafa sumir verið hjá okkur með bása í
áratugi sem er vissulega afar ánægju­
legt. Fyrirtækin telja mikilvægt að hitta
viðskiptavinina og rifja upp gömul kynni
og skapa ný tengsl en við leggjum mikla
áherslu á að sýnendur fái eins marga
frímiða og hentar hverjum og einum.
Þetta virðist ekki síst mikilvægt á tímum
rafpóstsamskipta,“ segir Ólafur.
■ Skjáveggur frá Brimrún vakti mikla athygli á sýningunni árið 2016 og er þessi
tæknilausn komin í nokkur af nýjustu skipum flotans.
■ Ólafur M. Jóhannesson, fram-
kvæmdastjóri sýningarinnar
Sjávarútvegur 2016, setur sýning-
una. Nú í lok september er komið að
sýningu í Laugardalshöll á nýjan
leik, ennþá stærri og glæsilegri.
■ Aðalsmerki sýningarinnar Sjávarútvegur 2019 verður fjölbreytileikinn. Um 120
fyrirtæki taka þátt í sýningunni að þessu sinni.
Sjávarútvegssýning