Morgunblaðið - 27.06.2020, Blaðsíða 16

16 FRÉTTIRInnlent
MORGUNBLAÐIÐ LAUGARDAGUR 27. JÚNÍ 2020
Björn Jóhann Björnsson
bjb@mbl.is
„Það stendur mikið til hjá okkur á
þessu ári og golfið er í mikilli upp-
sveiflu í Skagafirði. Félögum í klúbbn-
um hefur fjölgað og við finnum mikinn
áhuga, ekki bara á Sauðárkróki heldur
ekki síður í sveitunum í kring,“ segir
Kristján Bjarni Halldórsson, formað-
ur Golfklúbbs Skagafjarðar, en klúbb-
urinn fagnar 50 ára afmæli á þessu ári.
Af því tilefni er haldið veglegt afmæl-
ismót í dag að Hlíðarenda, á Nöfunum
fyrir ofan Sauðárkrók, þar sem níu
holu völlur klúbbsins er. Um 70 kylf-
ingar eru skráðir til leiks en keppt
verður í nokkrum forgjafarflokkum.
Golfklúbbur Sauðárkróks var stofn-
aður 9. nóvember árið 1970, að frum-
kvæði nokkurra félaga í Rótarýklúbbi
Sauðárkróks. Þar fóru fremstir Frið-
rik J. Friðriksson læknir og Reynir
Þorgrímsson framkvæmdastjóri.
Reynir var svo kjörinn fyrsti formað-
ur klúbbsins. Nafni klúbbsins var
breytt á síðasta ári í Golfklúbbur
Skagafjarðar og segir Kristján það
hafa staðið til í einhvern tíma, til að
höfða til allra íbúa sveitarfélagsins,
sem varð til árið 1998 við sameiningu
allra hreppa í Skagafirði, utan Akra-
hrepps.
Nafnabreytingin var tímabær,
enda má í raun segja að saga íþrótt-
arinnar í Skagafirði nái lengra aftur
en 50 ár því landsmótið í golfi, hið
þriðja í röðinni hér á landi, fór fram á
Vallabökkum í Skagafirði í júlí árið
1944. Það var jafnframt fyrsta lands-
mótið á landsbyggðinni og búinn til 9
holu völlur. Þar öttu kappi um 30
kylfingar frá Reykjavík, Akureyri og
Vestmannaeyjum.
Fyrsta keppnin 1977
Fyrstu ár Golfklúbbs Sauðárkróks
var starfsemin ekki mikil, búin var til
aðstaða við Tjarnartjörn, við núver-
andi iðnaðarsvæði sunnan Sauðár-
króks, þar sem búnar voru til sex hol-
ur, að því er fram kemur í veglegu 50
ára afmælisriti sem GSS hefur dreift
í öll hús. Við Tjarnartjörn fór fyrsta
keppni klúbbsins fram í september
1977. Um það leyti öðlaðist klúbb-
urinn nýtt líf og forvígismenn farnir
að horfa hýru auga til Hlíðar-
endasvæðisins. Það fékkst þó ekki í
gegn strax og búinn var til bráða-
birgðavöllur í landi Skarðs í suður-
hlíðum Tindastóls. Á meðan íþróttin
var iðkuð á Skarðsvelli var Hlíð-
arendi í undirbúningi. Það var svo
sumarið 1982 að klúbburinn flutti
formlega að Hlíðarenda og síðan þá
hefur þróast veglegur 9 holu völlur,
sem margir kylfingar telja með þeim
bestu á landinu. Kristján segir margt
í gangi á afmælisárinu. Í fyrsta lagi
nefnir hann áform um stækkun vall-
arins, með því að bæta við þremur
brautum. Hefur GSS fengið golf-
vallahönnuðinn Edwin Roald Rögn-
valdsson til liðs við sig. Ekki er búið
að ákveða endanlega hvar brautirnar
munu liggja en Edwin hefur komið
með tillögu um nýjar brautir við mal-
arnámur á bökkum Gönguskarðsár.
Röðun brautanna mun því breytast
en ekki stendur til að endurnýja eða
færa til golfskálann, Kristján segir
það verkefni framtíðarinnar.
Sem fyrr segir hefur félögum GSS
fjölgað á seinni árum. Nú eru yfir 200
manns í klúbbnum en fyrir ári voru
félagar um 160 talsins.
„Það er algjör sprenging í þátttöku
á nýliðanámskeiðin hjá okkur. Yfir-
leitt hafa verið um 15 manns en eru
núna um 40, þar af fjölmargir úr hér-
aðinu. Vel má vera að nafnabreyt-
ingin hafi haft strax áhrif,“ segir
Kristján.
Í tilefni afmælisins er fyrirhuguð
golfferð til Póllands í haust. Þar eru
um 40 skráðir og að sögn Kristjáns
stendur enn til að fara, þrátt fyrir
kórónuveirufaraldur.
Ljósmyndir/GSS
Hlíðarendi Horft upp eftir 9. brautinni á golfvelli GSS og golfskálinn á hægri hönd. Kylfingar Hópur kylfinga að Hlíðarenda, þaðan sem Tindastóll og Skagafjörður blasir við.
Sveiflan á uppleið í Skagafirðinum
 Golfklúbbur Skagafjarðar, áður Sauðárkróks, fagnar 50 ára afmæli í ár  Afmælismót að Hlíð-
arenda í dag  Sprenging í félagafjölda og vaxandi áhugi í sveitunum  Áforma stækkun á vellinum
Eins og kemur fram hér til hliðar í
máli Kristjáns Bjarna Halldórs-
sonar, formanns GSS, þá stendur
margt til á 50 ára afmæli golf-
klúbbsins; afmælisgolfmót, golf-
ferð til Póllands, útgáfa afmælisrits
og áform um stækkun vallarins.
Einnig er verið að endurnýja skilti
við teiga vallarins og endurnýja
húsgögn í golfskálunum.
En þá er ekki allt upptalið. Krist-
ján hefur samið lag, er nefnist
Skagfirska sveiflan, og nýverið fór
hann í upptökur á laginu ásamt Ró-
berti Óttarssyni, bakara, söngvara
og félaga í GSS.
„Þetta er ekki eiginlegur afmæl-
issöngur klúbssins, en ég samdi
lagið og flutti það á 50 ára afmæli
mínu, bara með öðrum texta. Mér
fannst komið nóg af hestamanna-
lögum í Skagafirði þannig að ég
samdi texta fyrir okkur kylfingana.
Lagið er í vinnslu og vonandi náum
við að frumflytja það í afmælishófi
GSS í haust, þetta er sveiflulag í stíl
Geirmundar Valtýssonar,“ segir
Kristján en þess má geta að í 50
ára afmæli formannsins söng Geir-
mundur undir og spilaði með.
„Enda held ég líka inni í viðlaginu
„og Geirmundur með“. Þetta er
golfsveifla og skagfirsk sveifla í
bland,“ segir Kristján og hlær.
Skagfirsk sveifla í anda
Geirmundar Valtýssonar
FORMAÐUR KLÚBBSINS SAMDI LAG MEÐ „GOLFSVEIFLU“
Söngvarar Róbert Óttarsson bakari og
Kristján Bjarni Halldórsson formaður.
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
Heldur hefur hægt á jarðskjálfta-
hrinunni í Eyjafjarðarál. Náttúru-
vársérfræðingur á Veðurstofunni
segir þó ekki hægt að segja til um
það hvort hrinan sé að fjara út eða
hvort hún færist aftur í aukana, jafn-
vel með stærri skjálftum.
Í gær hafði sjálfvirkt jarðskjálfta-
kerfi Veðurstofunnar numið á átt-
unda þúsund jarðskjálfta, frá því
hrinan hófst á föstudaginn fyrir viku.
Stærstu skjálftarnir komu um síð-
ustu helgi og sá stærsti á sunnudags-
kvöldið, 5,8 að stærð.
Um klukkan tvö í gær urðu jarð-
skjálftar af stærðinni 3,5 og 3,2.
Engir skjálftar yfir 4 að stærð höfðu
mælst frá því um hádegið á miðviku-
dag, þegar vefur Veðurstofunnar var
athugaður síðdegis í gær.
Möguleiki á stærri skjálfta
Bryndís Ýr Gísladóttir, náttúru-
vársérfræðingur á Veðurstofu Ís-
lands, sagði að hrinan hefði aðeins
hægt á sér en ekkert væri hægt að
segja til um framhaldið. Hrinan gæti
staðið yfir í vikur, eins og í jarð-
skjálftahrinunni 2012. Spurð hvort
enn væri búist við stærri skjálfta
sem getur orðið 7 að stærð á þessu
jarðskjálftasvæði sagði Bryndís að
sá möguleiki væri fyrir hendi.
helgi@mbl.is
Morgunblaðið/Sigurður Bogi
Eyjafjörður Jörð skelfur á Norðurlandi vegna jarðhræringa á hafsbotni.
Treysta sér ekki til
að spá um þróunina
 Enn skjálftar á botni Eyjafjarðaráls
Alls hafa 315 strandveiðibátar komið
til hafnar og landað afla umfram 650
þorskígildiskíló (ÞÍG kg) í maí sem
er hámarksafli í hverri veiðiferð og
eiga útgerðir þeirra von á sekt sem
nemur 27 þúsund krónum að með-
altali, að því er fram kemur í til-
kynningu sem birt var á vef Fiski-
stofu í gær.
Þar er bent á að hver strand-
veiðibátur hafi aðeins heimild til að
fara í 12 veiðiferðir í mánuði og að
hámarksafli hverrar ferðar sé 650
ÞÍG kg, fyrir utan ufsa sem er land-
að í VS. „Þegar bátur veiðir meira
en 650 ÞÍG kg verður sá afli ólög-
mætur sjávarafli en er engu síður
dreginn frá heildaraflaheimildum á
strandveiðum,“ segir í tilkynning-
unni.
10 bátar með 12,8% af sektinni
Umframaflinn sem um ræðir
nemur 37 tonnum og munu útgerðir
þeirra báta sem lönduðu of miklum
afla vera sektaðar um rúmlega 8,6
milljónir króna sem munu renna í
ríkissjóð. Fiskistofa bendir á að út-
gerðir þeirra tíu báta sem veiddu
mestan umframafla í maí greiða
samtals 1,1 milljón af sektarupp-
hæðinni eða 12,8%.
Bára BA landaði mestum um-
framafla og nam hann 676 kíló og
næst mestum umframafla landaði
Hrólfur AK og nam hann 589 kíló.
Þar á eftir var Unnur ÁR með 514
kíló, Arnar ÁR með 481 kíló, Benni
SF með 407 kíló, Án BA með 372
kíló, Nökkvi ÁR með 360 kíló, Þröst-
ur BA með 363 kíló, Blíðfari ÍS með
361 kíló og Píla BA með 358 kíló.
Töluverður fjöldi báta hefur sótt í
strandveiðarnar í ár og hafa 614
landað sem eru fleiri en undanfarin
ár. Þá hefur verið landað rúmlega
4.900 tonnum og að meðaltali hefur
hver bátur landað átta tonnum frá
upphafi tímabilsins. gso@mbl.is
Sekta strandveiði-
báta um 8,6 milljónir
 Umframaflinn í maí nam 37 tonnum
Morgunblaðið/Alfons
Veiðar Margir bátar hafa sótt í
strandveiðarnar í ár.