Morgunblaðið - 27.06.2020, Blaðsíða 25

UMRÆÐAN 25
MORGUNBLAÐIÐ LAUGARDAGUR 27. JÚNÍ 2020
Brim-mót TaflfélagsReykjavíkur, sem haldiðvar um síðustu helgi og erhluti mótaraðar sem TR
stendur fyrir, er fyrsta opinbera
mótið sem haldið er hér á landi eftir
að COVID-faraldurinn brast á. Þó
að taflmennska á netinu hafi verið
grimmt stunduð og sé góð dægra-
stytting kemur ekkert í stað hefð-
bundinnar taflmennsku. Því var
þetta mótahald kærkomið. Hinn
ungi TR-ingur Gauti Páll Jónsson
bar hitann og þungann af fram-
kvæmdinni en Brim, fyrir tilstilli
Ægis Páls Friðbertssonar, styður
mótaröðina.
Hinn 17 ára gamli Vignir Vatnar
Stefánsson sigraði, en það gekk á
ýmsu. Fyrirkomulagið var þannig að
fyrst voru tefldar fjórar atskákir og
síðan þrjár kappskákir. Efstu menn
urðu: 1. Vignir Vatnar Stefánsson 6
v. (af 7). 2.-3. Davíð Kjartansson og
Guðmundur Kjartansson 5½ vinn-
ing. 4.-8. Héðinn Steingrímsson,
Lenka Ptacnikova, Jóhann Ragn-
arsson, Alexander Oliver Mai og
Elvar Már Sigurðsson 5 v. Kepp-
endur voru 40 talsins.
Þriðja mótið í syrpu Magnúsar
Þar sem ekkert liggur enn fyrir
um það hvenær hefðbundin skákmót
geta hafist aftur úti í hinum stóra
heimi verða skákunnendur að láta
sér lynda baráttuna á netinu og
þriðja mótið í syrpu þeirri sem
kennd er við heimsmeistarann
Magnús Carlsen, að þessu sinni
kostað af vefsíðunni Chess.24 og
heitir Chessable masters, er komið
vel áleiðis þótt keppnisfyrir-
komulagið virki flókið. Í vikunni var
fyrst teflt í tveimur sex manna riðl-
um þar sem barist var um fjögur
sæti í úrslitakeppni sem hófst á
fimmtudaginn. Átta skákmenn, Na-
kamura, Nepomniachtchi, Caruana,
Ding, Artemiev, Giri og Grischuk,
auk Magnúsar, komust áfram og
tefla með útsláttarfyrirkomulagi. Í
fyrstu umferð mættust Magnús
Carlsen og Fabiano Caruana. Það
liggur fyrir að Norðmaðurinn er
fremri í skákum með styttri um-
hugsunartíma en keppnin saman-
stendur af þremur þriggja skáka
einvígjum. Magnús vann fyrstu
hrinu 2½:½. Það var athyglisvert að
fylgjast með fyrstu skák þeirra en
Caruana reyndi þá að tefla áður
sjaldséð afbrigði drottningarbragðs
sem Magnús gerði sjálfur vinsælt í
skákum með styttri umhugsunar-
tíma.
Magnús Carlsen – Fabiano Ca-
ruana
Drottningarbragð
1. d4 Rf6 2. c4 e6 3. Rf3 d5 4. Rc3
a6 5. cxd5 exd5 6. Bg5 Be6 7. e3
Rbd7 8. h3 Bd6 9. Bd3 c6 10. Bf4
Dc7 11. Bxd6 Dxd6 12. 0-0 0-0 13.
Db3 Hab8 14. a4 Hfe8
Til greina kom að laga peðastöð-
una með 14. … a5.
15. Da3 Dc7
Eftir drottningauppskipti fengi
hvítur alltaf eitthvert smáspil á
drottningarvæng.
16. Hfc1 Rb6 17. b4 Ha8 18. a5
Rc8
19. b5!
„Minnihlutaárásin“ hefur oft
reynst svarti þung í skauti í svip-
uðum stöðum.
19. … axb5 20. Rxb5 Dd8 21. Rc3
Rd6 22. Db4 De7 23. a6 bxa6 24.
Hxa6 Hxa6 25. Bxa6 Ha8 26. Bf1
Rc8 27. Db2 Rd7 28. Re2 Hb8 29.
Dc3 Hb6 30. Da5 Dd6 31. Rf4 Re7
32. Rxe6 fxe6 33. Re5!
Erfiður leikur fyrir svartan, sem á
fullt í fangi með c6-veikleikann og
hrókinn á b6.
33. … Hb8 34. Da7 Rxe5 35. dxe5
Dd8 36. Be2 Kh8 37. Bg4 Rg6 38. f4
Ha8 39. Dc5!
Svartur tapar peði og eftirleik-
urinn er auðveldur.
39. … De8 40. Dxc6 Dxc6 41.
Hxc6 d4 42. exd4 Rxf4 43. g3 Rd3
44. Bxe6 Ha1 45. Kg2 g6 46. Bc4
Rb4 47. Hc8 Kg7 48. d5
- og Caruana gafst upp.
Skák
Helgi Ólafsson
helol@simnet.is
Við þökkum þér lif-
andi Guð fyrir náð
þína og miskunn og
fyrir að sleppa ekki
hendinni af okkur,
sama hvað. Veit okkur
að fá að vera farvegir
kærleika þíns, friðar,
fyrirgefningar og
fagnaðarerindis hver
sem við erum, hvar
sem við erum og hvert
sem við förum.
Í dag leyfi ég mér að biðja þig
um að líta í náð þinni til þeirra fjöl-
mörgu sem eru eðlilega í sárum
eftir að hafa misst atvinnu sína á
þessum fordæmalausu tímum. Vilt
þú fylla þetta góða fólk von og
veita því kjark og styrk, úthald og
þolinmæði í krefjandi og jafnvel
bara í mörgum tilfellum erfiðu að-
stæðum. Veittu þeim og okkur öll-
um þína óviðjafnanlegu áfallahjálp.
Þú sem kannt að uppörva og láta
okkur upplifa að við séum einhvers
virði og að við höfum eitthvað al-
veg sérstakt fram að færa hvert og
eitt okkar.
Gefðu að úr mætti rætast sem
fyrst. Hjálpaðu okkur að missa
ekki móðinn. Veit okkur bjartsýni,
þolgæði og þrek og lát okkur
skynja hvar raunveruleg verðmæti
liggja og í hverju raunveruleg
hamingja sé fólgin og hver þau
gildi í lífinu séu sem skipta okkur
mestu máli þegar allt kemur til
alls.
Hjálpaðu okkur að sitja ekki
auðum höndum og leggja ekki árar
í bát. Veit okkur hugrekki og auðg-
aðu hugmyndaflæði okkar og
skerptu á sköpunargleðinni.
Skapaðu með okkur frjóan jarð-
veg til nýsköpunar og tækifæra
þar sem hvert og eitt okkar fær
notið sín.
Hjálpaðu okkur að finna leiðir og
opnaðu okkur víðar og verkmiklar
dyr og að nýta tækifærin sem best
þegar þau gefast. Veittu okkur út-
sjónarsemi og skapaðu með okkur
frjóa hugsun og hjálpaðu okkur að
eiga frumkvæði að
góðum verkum.
Hjálpaðu okkur að
standa saman, lifa í
núinu horfandi fram á
veginn með reynslu
fortíðarinnar í farangr-
inum sem við getum
nýtt okkur og lært af.
Vilt þú leiða okkur
til farsællar framtíðar.
Hættu ekki að blessa
Ísland eða heims-
byggðina yfirleitt.
Haltu áfram að anda á
okkur kærleika þínum og friði svo
við komumst af.
Veittu stjórnvöldum áræði, kjark
og þor til að snúa á ástandið með
nýjum og ferskum hugsunarhætti
svo hjólin geti tekið að snúast með
einhverjum hætti á ný. Að komið
verði þar sem þess gerist þörf til
móts við einstaklinga, heimili og
fyrirtæki svo fólk missi ekki mátt-
inn, þrekið, þorið og áhugann til að
halda áfram og láta gott af sér
leiða.
Hjálpaðu okkur einnig að minn-
ast þess að jafnvel þótt himinn og
jörð líði undir lok munu orð þín og
fyrirheit aldrei undir lok líða og að
ekkert skapað eða áunnið, engin
þrenging eða böl né nokkurt hag-
kerfi getur gert okkur viðskila við
kærleika þinn og tilgang lífsins.
Leyfðu okkur að njóta lífsins með
þér frá degi til dags í ljósi eilífra
fyrirheita þinna og leggja okkur
þannig í þínar hendur í trausti þess
að þú munir vel fyrir sjá.
Þess bið ég í nafni frelsarans
okkar, þíns einkasonar, Jesú Krists
og taki þeir undir bæn mína sem
áhuga hafa og treysta sér til.
Með einlægri friðar- og kærleik-
skveðju.
– Lifi lífið!
Bæn fyrir þeim sem
misst hafa vinnunna
Eftir Sigurbjörn
Þorkelsson
» Skapaðu með okkur
frjóan jarðveg til ný-
sköpunar og tækifæra.
Sigurbjörn
Þorkelsson
Höfundur er ljóðskáld og rithöfundur
og aðdáandi lífsins.
Gissur Hallsson var af ætt
Haukdæla, fæddur um 1125.
Foreldrar hans voru hjónin
Hallur Teitsson biskupsefni, en
lést í Utrecht áður en varð að
því, og Þuríður Þorgeirsdóttir.
Þau bjuggu í Haukadal.
Þorlákur Runólfsson biskup
tók Gissur í fóstur en biskup dó
í ársbyrjun 1133. Sneri Gissur
þá aftur heim í Haukadal. Giss-
ur sigldi ungur utan og varð
fyrst stallari Sigurðar konungs
í Noregi, en fór síðan til Rómar
og víðar. Hann skrifaði um það
ferðasögu þegar hann kom
heim en sú bók hefur glatast.
Gissur tók við búi föður síns í
Haukadal og var lögsögumaður
1181-1200, sem var virðuleg-
asta embætti landsins. Meðal
þess sem Gissur kom í lög var
að taka upp alinmál. Hann lét
rita Hungurvöku, sögu fyrstu
Skálholtsbiskupanna.
Kona Gissurar var Álfheiður
Þorvaldsdóttir. Afkomendur
þeirra urðu margir af helstu
höfðingjum landsins. Gissur
var einbirni og því allir Hauk-
dælir sem á eftir komu niðjar
hans, auk þess sem hann var afi
Kolbeins Tumasonar Ásbirn-
ings. Hann átti líka börn með
frillum sínum.
Gissur dvaldi í Skálholti síð-
ustu ár sín hjá Þorláki biskupi
helga og var hægri hönd hans.
Gissur lést 27. júní 1206.
Merkir Íslendingar
Morgunblaðið/Sigurður Bogi
Gissur
Hallsson
Haukadalskirkja Gissur bjó í
Haukadal en síðast í Skálholti.
Morgunblaðið/TR
Efstu menn Guðmundur Kjartansson og Vignir Vatnar þungt hugsi í ná-
munda við brjóstmynd Friðriks Ólafssonar.
Vignir Vatnar fyrsti
sigurvegari í
Brim-mótaröðinni
Heiðarbraut 10, 245 Sandgerði
Nánari upplýsingar á skrifstofu s. 420 6070 eða eignasala@eignasala.is
Jóhannes Ellertsson
Löggiltur fasteignasali – s. 864 9677
Júlíus M Steinþórsson
Löggiltur fasteignasali – s. 899 0555
Fallegt 4 herbergja raðhús með bílskúr
Opið hús sunndaginn 28. júní kl.14:15-15:00
Verð kr. 37.500.000 143,2 m2