Morgunblaðið - 21.11.2020, Blaðsíða 11

FRÉTTIR 11Innlent
MORGUNBLAÐIÐ LAUGARDAGUR 21. NÓVEMBER 2020
Höskuldur Daði Magnússon
hdm@mbl.is
„Það er svo sem ekki búið að væsa
um mann en þetta var orðinn langur
tími og löngu komið gott. Allt í allt
eru þetta þrír mánuðir á árinu sem
við höfum þurft að hafa lokað,“ segir
hárgreiðslumaðurinn Jón Aðalsteinn
Sveinsson, Nonni Quest.
Nonni rekur Quest – Hair, Beer &
Whisky Saloon efst á Laugavegi.
Stríður straumur viðskiptavina hef-
ur verið á stofuna frá því um miðja
viku þegar slakað var á sóttvarna-
reglum og hárgreiðslufólki var leyft
að taka aftur til starfa. Nonni er hins
vegar í þeirri óvenjulegu stöðu að
hárgreiðslustofan hans er síður en
svo hefðbundin. Fram til þessa hefur
gestum boðist að kaupa sér bjór eða
viskí til að dreypa á meðan á heim-
sókn á stofuna stendur. Á tímum
þegar barir eru lokaðir veit Nonni
því ekki í hvorn fótinn hann á að
stíga og furðar sig á því regluverki
sem barir og veitingastaðir búa við.
„Ég rek hársnyrtistofu, heildsölu
og bar hér og er með leyfi fyrir
þessu öllu. Hluti af upplifuninni hér
hefur verið að fá sér bjór eða viskí
meðan þú ert í klippingu. En nú veit
maður ekki hvað má og hvað ekki,“
segir Nonni.
Hann segir að ekki hafi enn reynt
mikið á þetta þar sem reglur um
grímunotkun hafi þegar breytt
stemningunni á staðnum. „Það snar-
fækkaði í þessum hóp um leið og
grímuskyldan var sett á enda ekki
enn búið að finna upp grímu sem
hægt er að drekka í gegnum. Það
gæti reyndar verið arðbært,“ segir
hann í léttum tón.
Þekkir veitingamenn sem þjást
Nonni segir að þó lítið sé að gera á
Quest-barnum í dag hugsi hann til
vina sinna í veitingageiranum og
þeir eigi alla hans samúð.
„Löggjöfin er enn svo rosalega
gamaldags og ég hugsa að það sé
kominn tími til að nútímavæða hana.
Litlir barir eins og RVK Brewing
mega ekki hafa opið í þessu ástandi
en stórir barir sem eru með eldhús
mega hafa opið. Það er fáránlegt
hvað þetta þarf að vera svart og
hvítt. Ég þekki margt fólk í veit-
ingabransanum og það þjáist.“
Morgunblaðið/Kristinn Magnússon
Óvissa Hárgreiðslumaðurinn Nonni Quest mundar græjurnar fyrir framan barinn á hárgreiðslustofu sinni. Miklar
annir hafa verið á stofunni í vikunni en lítil stemning er meðal gesta fyrir viskídrykkju með grímu fyrir andlitinu.
Undrast gamaldags
lög um áfengissölu
 Nonni Quest með óhefðbundna hárgreiðslustofu
Höskuldur Daði Magnússon
hdm@mbl.is
„Við erum mjög ánægð með við-
brögð fólks og það hefur sýnt skiln-
ing á þeirri stöðu sem við vorum í.
Við fengum líka góðar tillögur sem
nýtast til úrbóta,“ segir Jón Axels-
son, framkvæmdastjóri Skólamatar.
Fyrirtækið er stórtækt á veit-
ingamarkaði og segir Jón að Skóla-
matur sjái 12.500 manns fyrir mat í
hverju hádegi á 60 stöðum. Þegar
kynnt var í upphafi mánaðar að
skólastarf yrði skert vegna sótt-
varnareglna þurfti að endurskipu-
leggja allt starf fyrirtækisins. Brös-
uglega gekk í upphafi en Jón segir
að nú sé starfsemin komin í réttan
farveg á ný.
Náðu tökum á ástandinu
„Við fengum að vita á sunnudegi
að ekki væri hægt að skammta mat
í matsal daginn eftir eins og verið
hafði. Þá þurftum við að leggja
hausinn í bleyti með okkar fólki og
redda matarbökkum. Þetta gekk
ekki nógu vel fyrsta daginn en svo
tókum við næsta skref og náðum
hægt og rólega tökum á ástandinu. Í
dag fá nær allir matinn skammt-
aðan á disk en ekki í bakka. Mis-
jafnt er þó eftir skólum hvort borð-
að er í skólastofunni eða í matsal,“
segir framkvæmdastjórinn.
Talsverð umræða spratt upp á
samfélagsmiðlum um máltíðina sem
reidd var fram í bakka þennan
fyrsta dag. Myndir voru birtar af
tómlegum bökkum með þremur
kjötbollum án meðlætis og þótti
mörgum nóg um. Jón kveðst harma
hvernig þetta fór af stað en telur að
fyrirtækinu hafi verið nokkur vor-
kunn enda fyrirvarinn enginn.
„Þetta var kaos-ástand. Sósan fór
ekki með í bakkana. Þetta gekk ekki
vel í upphafi en okkar sérfræðingar
í rekstri mötuneyta og skólastjórn-
endur hafa lagað þetta saman,“ seg-
ir hann.
Barist um matarbakkana
Þessi ófyrirséða staða að
skammta þurfti börnum mat á
bökkum leiddi líka til óþarfa mat-
arsóunar og var ekki í samræmi við
nútímakröfur um umhverfisvernd.
„Það var barátta milli veitinga-
manna um þessa bakka og um tíma
stefndi í að þeir myndu klárast í
landinu,“ segir Jón og lýsir ánægju
með að ekki sé lengur þörf á bökk-
unum.
Börnin fá ekki lengur
matinn á plastbökkum
 Skólamatur með 12.500 í fæði á dag  Erfiðleikar að baki
Morgunblaðið/Eggert
Matur Krakkar fá nú hádegismat í
matsal eða í skólastofunni sinni.
Guðmundur Fylkisson, aðalvarð-
stjóri hjá lögreglunni á höfuðborg-
arsvæðinu, hlaut í gær viðurkenn-
ingu Barnaheilla, Save the
Children á Íslandi, árið 2020 fyrir
störf í þágu barna og ungmenna
sem eru í vanda og þá nálgun sem
hann hefur í samskiptum sínum við
þau.
„Guðmundur leggur sig fram um
að nálgast ungmenni af virðingu og
nærgætni til að auka ekki á vanlíð-
an þeirra og skaða. Þrátt fyrir að
hann starfi fyrir lögregluna á höf-
uðborgarsvæðinu aðstoðar hann
við leit að börnum alls staðar að af
landinu. Guðmundur leggur sig
fram um að var-
ast staðalímyndir
því börnin sem
hann leitar að
eru á ýmsum
aldri og með mis-
munandi bak-
grunn og bak-
land þeirra
missterkt,“ segir
í tilkynningu
Barnaheilla.
Samtökin veita árlega viður-
kenningu fyrir sérstakt framlag í
þágu barna og mannréttinda þeirra
í tengslum við afmæli Barnasátt-
mála SÞ 20. nóvember.
Hlaut viðurkenningu Barnaheilla
Guðmundur
Fylkisson
Skipholti 29b • S. 551 4422
SKOÐIÐ LAXDAL.IS
DRAUMAJÓLAGJÖF
VÖNDUÐ OG HLÝ DÚNÚLPA
Engjateigi 5 // 581 2141 // hjahrafnhildi.isEngjateigi 5 // 581 214 // hjahrafnhildi.is
SKOÐIÐ
hjahrafnhildi.is
SKÓR
Í ÚRVALI
HJÁ HRAFNHILDI
Bæjarlind 6 | sími 554 7030
Við erum á facebook
Teygjubuxurnar
komnar aftur
. . .-
5 liti - Str. s/m-xxL/xxxl
4 99