Morgunblaðið - 21.11.2020, Page 36

36 MINNINGAR
MORGUNBLAÐIÐ LAUGARDAGUR 21. NÓVEMBER 2020
Góður vinur okk-
ar, Magnús Hall-
grímsson, er fallinn í
valinn. Maggi var
kvæntur móðursystur undirrit-
aðrar, Hlíf, eða Deddu eins og hún
var alltaf kölluð af systkinabörn-
unum. Hún var mjög náin móður
minni og var tíður gestur á æsku-
heimili mínu. Það var alltaf líf og
fjör þar sem hún var! Dedda bjó
um tíma í Danmörku og þar
kynntist hún Magga þar sem hann
stundaði nám í verkfræði. Þau
fluttust svo heim og leigðu íbúð í
Breiðagerðinu. Við vorum öll afar
ánægð með þennan ráðahag enda
áttu þau einstaklega vel saman.
Þegar Hörður og Hallgrímur
komu í heiminn með rúmlega árs
millibili færðist heldur betur fjör í
leikinn. Ég var nýbyrjuð í
menntaskóla og var oft að passa
þá bræður næstu árin, bæði í
Breiðagerðinu og síðar í Ljós-
heimunum. Mér er ferð norður til
Akureyrar sumarið 1968 með
þeim sérlega minnisstæð, bæði
vegna þess að þetta var mín fyrsta
ferð norður yfir heiðar og vegna
þess hve félagsskapurinn var
skemmtilegur.
Maggi var einstaklega góður
pabbi og lagði áherslu á að
mennta strákana. Allt frá unga
aldri fengu þeir að hlýða á forn-
sögur og ýmsan þjóðlegan fróðleik
og varla höfðu þeir stigið fyrstu
skrefin er þeir voru hafðir með í
fjallgöngur og á skíði. Það var allt-
af sterkt og fallegt samband á
milli strákanna og foreldranna.
Við hjónin fórum í nám til Wa-
les og Englands (Liverpool) og
dvöldum þar í fimm ár (1975-80).
Dedda og Maggi komu í heimsókn
á báða staðina. Sjö árum eftir að
við komum heim vildi svo
skemmtilega til að við flytjum inn
á neðri hæðina á Bollagötu 3 en
Maggi og Dedda bjuggu þá á efri
hæðinni. Næstu sex árin (1987-
1993) vorum við heimagangar
hvor hjá öðrum. Þarna var margt
brallað einkum er varðaði ferða-
lög. Við fórum í skíðaferð með
þeim árið 1989 til St. Anton og
Montafon í Austurríki. Maggi fór í
allar brekkurnar, elti strákana í
þær svörtu, en fór mun hægar og
varlegar. Dedda þaut á eftir þeim
hvert sem var, alveg óhrædd, sér-
staklega eftir að Maggi hafði
keypt fyrir hana einn bjór kl. 11 í
brekkunni. Þótt hann smakkaði
aldrei vín sá hann ekki eftir því of-
an í aðra og splæsti gjarnan á hóp-
inn. Sameiginlegu skíðaferðirnar
til Austurríkis og Ítalíu urðu alls
sex. Við heimsóttum þau til Ísr-
aels 1993 þegar Maggi starfaði við
friðargæslu á landamærunum við
Líbanon. Að fá að ferðast um
söguslóðir í landinu helga með
Magnús
Hallgrímsson
✝ Magnús Hall-grímsson fædd-
ist 6. nóvember
1932. Hann lést 8.
nóvember 2020.
Magnús var jarð-
sunginn 18. nóv-
ember 2020.
viskubrunninum
Magga er ógleyman-
legt. Síðasta utan-
landsferðin sem við
fórum með þeim var
til Kosta Ríka árið
2005.
Maggi var að
flestu leyti einstakur
maður. Allt hans
ævistarf, hvort sem
var hér heima eða
við alls kyns hjálpar-
störf erlendis, snerist um að finna
lausnir á brýnum vandamálum al-
mennings. Einlægur áhugi hans á
mönnum og málefnum leyndi sér
aldrei. Þó svo hann gæti verið
fastur á sínu var hann ætíð hrókur
alls fagnaðar í góðra vina hópi.
Við kveðjum Magga með sökn-
uði og minningum um góðar sam-
verustundir. Um leið sendum við
innilegar samúðarkveðjur til
Harðar og Hallgríms og fjöl-
skyldna þeirra.
Hrefna og Sigurður.
Magnúsi Hallgrímssyni kynnt-
ist ég fyrst sem eftirminnilegri
sögupersónu þegar Varðeldasög-
ur Tryggva Þorsteinssonar,
skátaforingja á Akureyri, komu út
fyrir liðlega hálfri öld. Þær sögur
las ég hátt sem skátaforingi fyrir
unga skáta á kvöldvökum í skála-
ferðum. Áratugum síðar birtist
hann mér ljóslifandi, bæði í skáta-
starfi og á vegum Rauða krossins.
Enn liðu árin og þá naut ég sem
framkvæmdastjóri Landverndar
stuðnings hans sem starfsams, úr-
ræðagóðs og ötuls lagsmanns í
fagráði samtakanna. Magnús sat
síðar í stjórn Landverndar frá
2007 til 2009.
Engum sem ég hef kynnst um
ævina var Magnúsi líkur. Og
mörgum mannkostum var hann
búinn. Traustur og hjálpsamur
liðsmaður hvert sem viðfangsefn-
ið var. Fastur fyrir og ákveðinn,
jafnvel þver ef svo bar við. Minn-
isgóður, vel lesinn og fljótur að
átta sig. Frumkvöðull í hálendis-
og jöklaferðum og þekkti hvern
krók og kima landsins okkar, sem
kom sér vel í starfi Landverndar.
Hann var einnig heimshorna-
flakkari og verkfræðingur sem
sinnti afar krefjandi störfum í
flóttamannabúðum í fjölmörgum
löndum. Hann þurfti að takast á
við foreldramissi ungur að árum
og leggja hart að sér til að hafa í
sig og á við verkfræðinámið. Allt
þetta mótaði hann sem einstakan
Íslending, góðan og æðrulausan
skáta og náttúruverndarsinna.
Magnús var rökfastur og sann-
færandi, gat verið hvatvís, og
ófeiminn var hann við að láta
skoðanir sínar í ljós. Umfram allt
var hann fórnfús og félagslyndur.
Í huganum geymi ég margar frá-
sagnir hans af ferðum á hálendinu
og um framandi lönd og af verk-
efnum í flóttamannabúðum. Efst
eru mér í minni ferðir sem við fór-
um saman til að kynna okkur að-
stæður á stöðum sem voru til um-
fjöllunar hjá Landvernd. Hann
var í nokkrum erfiðum verkefnum
helsta haldreipi mitt sem fram-
kvæmdastjóri; ómetanleg aðstoð
sem ég fæ seint fullþakkað.
Landvernd kveður traustan og
ráðagóðan félaga og sjálfur kveð
ég skátabróður og vin. Blessuð sé
minning Magnúsar Hallgrímsson-
ar.
Tryggvi Felixson, for-
maður Landverndar.
Með hlýju langar okkur að
minnast Magnúsar Hallgrímsson-
ar sem nú er látinn.
Þegar við systkinin vorum á
menntaskólaaldri bjuggum við í
sama húsi og Maggi og Hlíf, á
Bollagötunni. Heppin vorum við
því þau, sem lifðu erilsömu lífi,
höfðu alltaf nægan tíma fyrir ung-
lingana í spjall og ráðleggingar,
svo ekki sé minnst á matarveisl-
urnar.
Magnús var mikið á ferðinni,
ýmist upp á fjöll eða til fjarlægra
landa, hann var harður af sér og
ósérhlífinn og hafði unun af lífinu
og allskyns brölti. Hann var fjöl-
fróður og kunni skil á ólíklegustu
hlutum sem við nutum góðs af.
Hlíf og Maggi heimsóttu okkur
seinna til Kaupmannahafnar, þar
þekkti Maggi auðvitað hverja
þúfu. Enn seinna nutum við gest-
risni þeirra hjóna í Ísrael, þegar
þau bjuggu þar um árabil. Það var
ótrúleg upplifun að ferðast með
Magga um þetta sögufræga land,
því hann hafði kynnt sér söguna í
þaula og var betri en nokkur leið-
sögumaður sem við höfðum
kynnst. Hann var kátur og hlýr og
hafði gaman af mönnum og mál-
efnum.
Við erum honum ævinlega
þakklát fyrir vináttuna og vottum
Herði, Hallgrími og fjölskyldum
þeirra okkar dýpstu samúð.
Anna Kristín Stefánsdóttir.
Sigurborg Stefánsdóttir.
Sigurkarl Stefánsson.
Fyrstu kynni okkar Magga
Hall voru í Flugbjörgunarsveit-
inni fyrir réttum 40 árum. Það var
í stórri vetraræfingu á Hellisheiði.
Þar var þessi nafntogaði jaxl kom-
inn og hann stóð undir því orði
sem af honum fór. Var fumlaus
foringi sem leiðbeindi okkur nýlið-
unum með blöndu af hlýju og
ákveðni – hann var hvorki yfir
okkur hafinn né þurfti hann að
sýnast. Hjá Magga fóru saman
einbeitni, andlegur styrkur, þol-
gæði og manngæska í stærri
skömmtum en flestum er úthlut-
að. Hann var heill í öllu sem hann
gerði.
Lífið fór ekki alltaf mildum
höndum um Magnús Hallgríms-
son. Hann ólst upp á Akureyri og
var ekki gamall þegar móðir hans
veiktist og fór á spítala í Reykja-
vík þaðan sem hún átti ekki aft-
urkvæmt. Maggi var á unglings-
aldri þegar faðir hans dó og það
féll í hans hlut að bera ábyrgð á
tveimur yngri systkinum sínum.
Því trausti brást hann ekki. Þrátt
fyrir erfiðar aðstæður braust
hann til mennta og lauk verk-
fræðiprófi í Kaupmannahöfn. En
hann var fyrst og fremst útivist-
armaður, fjallagarpur, skáti og
náttúruverndarmaður. Brautryðj-
andi í vetrarferðum á skíðum um
hálendið og jöklana. Stundaði
landmælingar á háfjöllum og jökl-
um. Mældi fyrir höfnum og hann-
aði og lagði háspennulínur. Braut-
ryðjandi í björgunarsveitastarfi
og um áratugi forystumaður í
Flugbjörgunarsveitinni. Hjálpar-
starf var stór hluti af starfi
Magga, m.a. stjórn flóttamanna-
búða á ófriðarsvæðum víða um
heim. Listinn er langur og hér fátt
eitt talið.
Maggi glímdi við heilsubrest,
fékk hjartaáfall 53 ára en náði aft-
ur heilsu og átti þá eftir þrjá ára-
tugi á fjöllum. Það þurfti meira en
tvær hjartaaðgerðir til að stoppa
hann.
En Maggi var ekki bara harð-
jaxl sem ekkert gat bugað. Hann
var líka hlýr og kátur. Skálaði
gjarnan með orðunum „yðar full“.
Í hans glasi var þó aldrei sterkari
drykkur en te. Þannig var það alla
tíð og Maggi og Hlíf kunnu að lifa
lífinu og gleðjast. Njóta stundar-
innar og hafa ekki óþarfa áhyggj-
ur af hlutunum. Maggi var stoltur
af sonum sínum, Herði og Hall-
grími, enda hafa afkomendur hans
erft það jákvæða raunsæi og lífs-
gleði sem einkenndi þau hjónin.
Síðustu 25 ár hafa leiðir okkar
legið saman í Jöklarannsókna-
félaginu. Þegar flestir draga sig í
hlé eftir langt ævistarf gerðist
hann varaformaður og gegndi því
starfi í mörg ár, nýjungagjarn,
frjór í hugsun og jákvæður. Þó á
milli okkar séu næstum þrír ára-
tugir bundumst við sterkum vin-
áttuböndum.
Minnisstæð er stóra vorferðin
sem farin var á Vatnajökul og í
Grímsvötn í júní 1997. Þá tók fé-
lagið forystu um að sinna af mynd-
ugleika rannsóknum eftir Gjálp-
argosið og Grímsvatnahlaupið
mikla haustið áður. Það var mér
ómetanlegur styrkur, ungum far-
arstjóra í stórum leiðangri, að
þessi Nestor íslenskra jöklaferða-
garpa skyldi vera með í för.
Næstu allmörg ár var Maggi lyk-
ilmaður í vorferðum í Grímsvötn.
Síðasta vorferðin hans var 2013.
Þá var hann áttræður og enn á
skíðunum. Magga er sárt saknað
en minningarnar ylja. Ég færi
þeim Herði og Hallgrími og fjöl-
skyldum innilegar samúðarkveðj-
ur.
Magnús Tumi Guðmundsson.
Magnús Hallgrímsson verður
eftirminnilegur þeim mörgu sem
honum kynntust heima og erlend-
is. Fáir Íslendingar hafa skilið eft-
ir sig slík spor sem hann í alþjóð-
legu hjálparstarfi, en
heimavettvangurinn naut hans
líka í fjölmörgu samhengi. Ég
minnist hans og Ólafs yngri bróð-
ur hans frá menntaskólaárum á
Akureyri, en úr MA útskrifuðust
þeir 1952 og 1953. Ég var þá busi í
heimavist og kynni við þá bræður
urðu næsta lítil. Einnig var ég þá
grunlaus um skyldleika okkar
gegnum móðurina Laufeyju og
forföður hennar Stefán Gunnars-
son í Stakkahlíð í Loðmundarfirði
sem var langafabróðir minn.
Magnús er þannig af ætt Þingey-
ingsins Skíða-Gunnars sem uppi
var um 1800, en hann var alþekkt-
ur fyrir vaskleika. Sá þráður skil-
aði sér ósvikið til Magnúsar.
Nánustu kynni mín af Magnúsi
tengjast tveggja daga göngu okk-
ar um Fljótsdalsheiði sumarið
1975 frá Hrafnkelsdal austur í
Bessastaði. Hann vann þá á veg-
um Verkfræðistofunnar Hönnun-
ar hf. að undirbúningi Bessastaða-
árvirkjunar en ég að könnun á
náttúrufari. Við vorum afar
heppnir með veður, gengum á
Þrælaháls og tjölduðum á hrein-
dýraslóð austan Þórisstaðakvísl-
ar. Við slíkar aðstæður ber margt
á góma.
Seinna hittumst við helst á
fundum og ráðstefnum í margvís-
legu samhengi. Þar lét Magnús oft
að sér kveða með skörpum at-
hugasemdum og fyrirspurnum.
Minningarkort á
hjartaheill.is
eða í síma 552 5744
Frímann & hálfdán
Útfararþjónusta
Frímann
897 2468
Hálfdán
898 5765
Ólöf
898 3075
Sími: 565 9775
www.uth.is
uth@uth.is
Cadillac 2017
HJARTAVERND
Minningarkort
535 1800
www.hjarta.is
Ástkær sambýlismaður minn, faðir okkar,
tengdafaðir, afi og langafi,
JÓNATAN KLAUSEN
rafeindavirkjameistari,
lést í Melgerði, hjúkrunarheimilinu
Lögmannshlíð, sunnudaginn 15. nóvember.
Starfsfólki heimilisins er þökkuð ástúðleg umönnun. Útförin fer
fram frá Akureyrarkirkju fimmtudaginn 26. nóvember klukkan
13:30. Vegna aðstæðna verða aðeins nánustu aðstandendur
viðstaddir. Streymt verður frá athöfninni á Facebook-síðunni
Jarðarfarir í Akureyrarkirkju.
Hanna S. Sigurðardóttir
Sigurður Klausen Ingibjörg Haraldsdóttir
Sveinn Klausen Ásdís H. Hafstað
Herdís Klausen Árni Stefánsson
Jóhann Friðrik Klausen Guðbjörg Andrea Jónsdóttir
Ingólfur Klausen Anna Hermannsdóttir
barnabörn og barnabarnabörn
Ástkær eiginmaður minn, faðir, tengdafaðir,
afi og langafi,
HELGI KRISTMANN HARALDSSON,
lést 18. nóvember á Dvalarheimilinu Höfða,
Akranesi. Útför hans fer fram frá
Akraneskirkju föstudaginn 27. nóvember
klukkan 13. Vegna aðstæðna í þjóðfélaginu munu einungis
nánustu aðstandendur verða viðstaddir. Útförinni verður
streymt á vef Akraneskirkju, www.akraneskirkja.is.
Sérstakar þakkir færum við starfsfólki Dvalarheimilisins Höfða
fyrir góða umönnun.
Ásthildur Einarsdóttir
Haraldur Helgason
Einar Baldvin Helgason Sigríður Ása Bjarnadóttir
Gerður Helga Helgadóttir Sævar Jónsson
barnabörn og barnabarnabörn
Ástkær móðir okkar, tengdamóðir
og amma,
BERTHA STEFANÍA
SIGTRYGGSDÓTTIR,
Heiðarási 26, Reykjavík,
lést á heimili sínu aðfaranótt 14. nóvember.
Útför fer fram frá Árbæjarkirkju 26. nóvember klukkan 13 að
viðstöddum nánustu aðstandendum.
Streymt verður frá athöfninni á slóð www.streyma.is/utfor
Helena Hákonardóttir Sveinbjörn Sigurðsson
Harri Hákonarson Lísa Birgisdóttir
Tryggvi Hákonarson Sólveig Árnadóttir
og barnabörn
Ástkær eiginmaður, faðir, tengdafaðir
og afi,
HRAFN JÓHANNSSON,
byggingatæknifræðingur og
skógarbóndi,
lést í faðmi fjölskyldunnar á líknardeild
Landspítalans mánudaginn 16. nóvember.
Útför hans fer fram frá Digraneskirkju miðvikudaginn
25. nóvember klukkan 11. Í ljósi aðstæðna verða einungis
nánustu aðstandendur viðstaddir athöfnina. Útförinni verður
streymt á vef Digraneskirkju.
Arndís Finnsson
Sveinbjörn Hrafnsson Anna Maria Moestrup
Marta Hrafnsdóttir Maxime Poncet
Guðlaug Hrafnsdóttir Jan de Zwaan
Kristín Inga Hrafnsdóttir Þröstur Jónasson
Olga Hrafnsdóttir
og barnabörn
Ástkær móðir okkar, amma og langamma,
MARGARET ROSS SCHEVING
THORSTEINSSON
hjúkrunarfræðingur,
lést á Landspítalanum 13. nóvember.
Útför fer fram frá Lindakirkju
miðvikudaginn 25. nóvember klukkan 11, að nánustu ættingjum
viðstöddum. Athöfninni verður streymt á netinu á
https://youtu.be/l-wKMIncp9Y
Þeim sem vilja minnast hennar er bent á Rauða kross Íslands.
Gunnar Bent Scheving Thorsteinsson
Carol Ann Scheving Thorsteinsson
Guðrún M. Scheving Thorsteinsson
Ósk Scheving Thorsteinsson
Þorsteinn Scheving Thorsteinsson
Ástríður Scheving Thorsteinsson, Karl Trausti Einarsson
barnabörn og barnabarnabörn