Morgunblaðið - 23.11.2020, Blaðsíða 32

Myndlistarmaðurinn Ragnar Kjartansson hefur unnið
tvær raðir grafíkverka, 25 ætingar og sjö tréristur, með
hinu þekkta grafíkverkstæði Borch Editions í Kaup-
mannahöfn sem rekið er af prentmeistaranum Niels
Borch Jensen. Tréristurnar sýna eldtungur en æting-
arnar eru unnar upp úr skissubókum listamannsins.
Verkin má sjá í i8 galleríi og einnig á heimasíðu þess.
Áhugaverð heimildarkvikmynd, Kunsten at trykke, var
gerð um samstarf Ragnars og Jensens. Hún er einnig
aðgengileg á heimasíðu gallerísins og er ferlið við gerð
ætinganna útskýrt þar með athyglisverðum hætti.
Ragnar gerði tvær raðir grafíkverka
með kunnum prentmeistara
MÁNUDAGUR 23. NÓVEMBER 328. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
Áfrýjunardómstóll Knattspyrnusambands Íslands vís-
aði málum Fram og KR gegn stjórn KSÍ aftur til aga- og
úrskurðarnefndar og skulu málin fá efnislega meðferð
en áður hafði þeim verið vísað frá. Morgunblaðið ræddi
við Ragnar Baldursson, lögmann og sérfræðing í
íþróttarétti, um málin sem hafa mikið verið í um-
ræðunni. Nú reynir af alvöru á hvort ákvörðun KSÍ um
að hætta keppni í Íslandsmótum sínum hafi verið í
samræmi við lög og reglur sambandsins en bæði félög-
in og stjórnin hafa nokkuð til síns máls. »26
Fagnaðarefni að mál Fram og KR
gegn KSÍ fái efnislega meðferð
ÍÞRÓTTIR MENNING
„Aðallega við eldhússtörfin. Þegar
ég raulaði hástöfum vorkenndi ég
þeim sem áttu heima í sama stiga-
gangi.“
Íþróttir hafa fylgt henni alla tíð.
Hún var mikið í sundi og fimleikum
á yngri árum, byrjaði að spila golf
rúmlega fertug og hélt því áfram
fram á tíræðisaldur, en eiginmað-
urinn gekk í Golfklúbb Reykjavíkur
1942. „Mér krossbrá þegar hann
kom heim með golfkylfur, því mér
fannst þetta svo dýrt, en hann var
mjög góður golfari. Ég skrölti
stundum með honum en gat annars
ekkert farið frá litlu börnunum.
Krakkarnir fóru snemma að spila og
urðu bara nokkuð góðir.“ Þess má
geta að hún var lengi sjálfboðaliði í
GR þar sem hún er ævifélagi, bakaði
til dæmis ásamt öðrum konum
pönnukökur og brúnar kökur með
kremi fyrir mót, þegar fjárhagur
klúbbsins var erfiður vegna bygg-
ingarframkvæmda í Grafarholti.
„Ég hef verið með í ýmsu,“ heldur
Guðrún áfram, en í því sambandi
getur hún þess að fermingarveislur
barnanna hafi gjarnan byrjað á fé-
lagsvist. „Andrúmsloftið var stund-
um svolítið þvingað í svona veislum
og þá hjálpaði félagsvistin til. Ég lét
fólkið spila til að sameina það.“
Þegar börnin voru komin á legg
ferðaðist hún töluvert eftir að hafa
lesið sér til um áhugaverða staði
innanalands og utan. Hún tók
snemma upp á því að ráða kross-
gátur í Morgunblaðinu og gerir enn.
„Ég er bara venjuleg manneskja og
geri allt í hófi,“ segir afmælisbarn
dagsins.
Steinþór Guðbjartsson
steinthor@mbl.is
„Ég segi bara allt ágætt, man eig-
inlega ekki eftir neinu öðru,“ segir
Guðrún Ósk Sigurjónsdóttir Ise-
barn, sem er 100 ára í dag. „En það
er svolítið skrýtið að vera orðin
svona gömul.“
Erfitt var að fá leigt húsnæði í
Reykjavík á æskuárum Guðrúnar og
bjó fjölskyldan á nokkrum stöðum.
Þegar hún var níu ára fór hún í sveit
að Steindórsstöðum í Reykholtsdal í
Borgarfirði og var þar nokkur sum-
ur. Í samtali við Bergdísi Bjarna-
dóttur, dótturdóttur hennar, 2007
kemur fram að eitt sinn hafi hún set-
ið yfir ánum og misst þær frá sér
niður í flóa. Hún hafi óttast að hún
yrði skömmuð, hafi sest niður og
beðið til Guðs að þær kæmu til baka.
„Viti menn! Þær komu aftur.“
Á unglingsárunum fór Guðrún að
vinna í fiski. „Á sólardögum breidd-
um við krakkarnir fiskinn á stakk-
stæðið hinum megin við götuna þar
sem við bjuggum og fengum smá
pening fyrir,“ rifjar hún upp. Eigin-
maður hennar var Ingólfur Hans
Hermann Isebarn, sem andaðist
2001, og eiga þau sex börn. „Ég átti
mjög góða mömmu og hún hjálpaði
mér,“ segir Guðrún, sem var þriðja
elst af sex alsystkinum, dóttir Sig-
urjóns Jónssonar og Ingiríðar Jó-
hannesdóttur. „Hún vildi alltaf vera
kölluð Inga, fannst hitt ekki
skemmtilegt.“
Pavarotti frábær
Guðrún var handlagin, saumaði
föt og prjónaði peysur, vettlinga og
sokka á fjölskylduna. Eftir að hún
varð ekkja varð hún félagi í kvenna-
deild Rauða krossins og þar kom
handlagnin sér vel. Hún var fróð-
leiksfús, las sögur og ljóð og hlustaði
mikið á tónlist. „Þegar börnin voru
að leika sér sat ég með eyrað við út-
varpið og hlustaði á klassíska músík.
Það þótti þeim skrýtið.“ Hún fór
meðal annars á tónleika með Pav-
arotti á Listahátíð í Laugardalshöll
1980. „Við áttum ekki oft peninga til
þess að fara í leikhús eða á tónleika
en Pavarotti var stórkostlegur og
hafði skemmtilega framkomu. Var í
miklu uppáhaldi hjá mér eins og
Plácido Domingo.“ Sjálf segist hún
bara hafa sungið fyrir sig sjálfa.
Söng og skrölti í golf
 Guðrún Ósk Sigurjónsdóttir á Hrafnistu er 100 ára í dag
Morgunblaðið/Árni Sæberg
Á Hrafnistu Guðrún Ósk Sigurjónsdóttir Isebarn er 100 ára í dag.