Lögmannablaðið - 2020, Síða 31

LÖGMANNABLAÐIÐ TBL 01/20 31
ÁHRIF LAGA NR. 81/2019 UM
ÚRSKURÐARAÐILA Á SVIÐI
NEYTENDAMÁLA
Þann 1. janúar sl. tóku gildi lög nr. 81/2019 um úrskurðar-
aðila á sviði neytendamála, en samkvæmt 1. gr. laganna er
markmið þeirra að tryggja neytendum aðgang að skilvirkri
og faglegri málsmeðferð við lausn deilumála utan dómstóla.
Samkvæmt 1. mgr. 3. gr. taka lögin til ágreinings um
samninga sem neytendur gera við seljendur um kaup á
vöru eða þjónustu.
Samkvæmt 1. mgr. 6. gr. umræddra laga skulu seljendur
veita neytendum upplýsingar um úrskurðaraðila sem
neytendur geta leitað til vegna ágreinings seljanda og
neytanda. Skulu upplýsingarnar innihalda heimilisfang
og vefsetur úrskurðaraðilans og vera látnar í té á skýran,
skiljanlegan og aðgengilegan hátt á vefsetri seljanda og í
almennum samningsskilmálum seljanda ef við á. Þá segir í 2.
mgr. sömu greinar að seljandi skuli án tafar veita neytanda
upplýsingar samkvæmt 1. mgr., skriflega eða á öðrum
varanlegum miðli, hafni hann sem seljandi þjónustukröfum
neytanda í heild eða hluta vegna samnings um kaup á vöru
eða þjónustu.
Þar sem lögin taka til sölu á lögmannsþjónustu er
athygli félagsmanna Lögmannafélagsins vakin á þeim
nýju skyldum sem á þeim hvíla, sem væntanlega þýða
að lögmenn þurfa framvegis að veita aðilum sem kaupa
lögmanns þjónustu af þeim upplýsingar, á heimasíðu
sinni sem og í almennum samningsskilmálum sínum, um
úrskurðarnefnd lögmanna, ásamt upplýsingum um aðsetur
og vefsetur nefndarinnar. Jafnframt þurfa lögmenn að veita
kaupendum lögmannsþjónustu sambærilegar upplýsingar
komi sú staða upp að kröfum þjónustukaupa er hafnað í
heild eða hluta.
Í ljósi framangreinds er rétt að upplýsa að úrskurðarnefnd
lögmanna er hýst af Lögmannafélagi Íslands, Álftamýri 9,
108 Reykjavík og allar nánari upplýsingar um nefndina
má finna á heimasíðu Lögmannafélagsins á slóðinni www.
lmfi.is.
STOFNAÐ 1953
Ertu með allt á
hreinu 2020?
Háaleitisbraut 58–60 • 108 Reykjavík • Sími: 553 1380