Lögmannablaðið - 2020, Page 36

36 LÖGMANNABLAÐIÐ TBL 01/20
Leikið var í einum riðli og enduðu leikar þannig að lið Friday
sigraði alla sína andstæðinga og varð Jólasnapsmeistari LMFÍ
árið 2019.
Lokastaðan varð þessi:
Friday 4 0 0 14:2 12
Snaps 3 0 1 11-2 9
Logos 2 0 2 6-9 6
Þrum-Grín 1 0 3 6-9 3
Krimmar 0 0 4 3-19 0
JÓLASNAPSMÓTIÐ
Í FÓTBOLTA
Föstudaginn 20. des. 2019 fór fram hið árlega Jólasnapsmót
lögmanna í fótbolta, að venju í Fram húsinu við Safamýri.
Mótið hefur frá upphafi, eða frá árinu 1995, verið haldið í
þessu húsi Frammara, enda nálægðin við heimavöll LMFÍ
að Álftamýri 9 ákveðin tenging. Félagið hefur einnig staðið
fyrir mótum utanhúss og voru þau haldin reglulega áður
fyrr en hafa lagst af undanfarin ár.
Fyrir 15 árum var undirritaður beðinn um að taka saman
pistil um sögu knattspyrnumótanna en árið 2005 voru rúm
10 ár frá því fyrsta knattspyrnumót lögmanna á vegum
LMFÍ var haldið. Þegar sú samantekt var rifjuð upp var
eins og ár og öld væru frá því fyrsta mótið var haldið árið
1995. Fyrsta mótið var líka haldið á síðustu öld og 24 ár
eru liðin.
Ár og öld
Fróðlegt er að lesa samantektina frá 2005 en þar eru t.d.
taldir upp sigurvegarar frá upphafi. Undirritaður hafði ekki
tækifæri á að taka saman sigurvegara síðustu 14 ára, en ef
ritnefnd lögmannablaðsins veitir styrk til þess verkefnis
væri fróðlegt að leggjast í þá rannsóknarvinnu. Þannig væri
hægt að halda sögu knattspyrnumótanna á lofti og taka
saman alla sigurvegara frá 2005. Til gaman má geta þess
að Lögmannablaðið kom fyrst úr árið 1995, og er blaðið
því tvíburi knattspyrnumótsins svo að segja. Því hefur
verið haldið fram að Lögmannablaðið hafi sérstaklega
verið sett á laggirnar til að halda utan um greinar tengdar
fótboltamótum LMFÍ. Er það sérstakt rannsóknarverkefni.
Næsta jólasnapsmót Lögmannafélagsins, sem haldið verður
þann 18. desember 2020 í Framheimilinu að sjálfsögðu,
verður því mót nr. 25 í röðinni. Stórafmæli á þessu ári og
ljóst að afmæli Lögmannablaðsins gæti fallið í skugga 25
ára afmælismótsins í fótbolta.
Anno 2019
Hvað mótið í desember á síðasta ári varðar þá mættu 5
lið til leiks. Oft hefur þátttaka verið betri en hvert lið var
skipað góðum hópi af báðum kynjum, utan þess að lið
Þrumunnar-Grínarafélagsins var skipað sínum einvala hóp
með 7 leikmönnum að vana og allir af kyni karla.
Besti leikmaðurinn og Alexandra frá Mundiavocat.
Það er ótrúlegt að hugsa til baka þegar ég startaði þessum mótum árið
1995 hvað tíminn líður, og að margir, eins og kjarninn úr Þrumunni hafi
tekið þátt öll árin, kannski ekki fyrstu 1-2.