Lögmannablaðið - 2018, Side 20

20 LÖGMANNABLAÐIÐ TBL 01/18
Samskipti kynjanna á þremur lögmannsstofum var umfjöllunarefni Katrínar Johnson
mannfræðings í meistararitgerð hennar sem hún lauk í febrúar 2017. Ritgerðin fjallar
um vinnustaðasamskipti og kynjapólitík á þremur lögmannsstofum – einni með konur
í miklum meirihluta, annarri með karla í miklum meirihluta og þeirri þriðju með
nokkuð jafnt kynjahlutfall. Katrín framkvæmdi svokallaða þátttökurannsókn sem fólst
í því að hún eyddi þremur vikum á hverri stofu og varð þannig til skamms tíma hluti
af lögmannsstofulífinu þar sem hún gat fylgst með samskiptum, lífi og störfum
starfsfólksins. Lögmannablaðið settist niður með Katrínu og forvitnaðist um
niðurstöðuna.
VINNUSTAÐA­
SAMSKIPTI
OG KYNJAPÓLITÍK
VIÐTAL VIÐ KATRÍNU JOHNSON,
PÓLITÍSKAN MANNFRÆÐING