Málfríður - 15.11.1993, Blaðsíða 25
AFSTAÐA NEMENDA
TIL FRÖNSKU OG ÁSTÆÐUR
FYRIR VALI
Stundum heyrist sagt að
franska sé stelpufag, hún sé svo
„kvenlegt mál“. Því mætti ætla
að stelpur veldu frekar frönsku í
framhaldsskóla og strákarnir þá
þýsku, sem stundum er talað um
sem „tæknimál".
I námskeiðinu Þroski og mennt-
un unglinga í HI síðastliðið vor,
unnu undirrituð verkefni sem fjall-
aði um kynferði og frönsku í fram-
haldsskólum. Hluti af verkefninu
var könnun þar sem athuguð var
afstaða nemenda til frönsku og
ástæður þeirra fyrir vali. Til að
kanna ástæður fyrir því af hverju
nemendur hefðu frekar valið
frönsku heldur en þýsku og til að
kanna hugsanlegan kynjamun í
Jjví tilliti, lögðum við spurn-
ingalista fyrir alla nemendur í
frönsku 103 og 203 í áfangaskóla,
þ.e. þeim áföngum sem samsvara
fyrsta ári í hefðbundnum bekkja-
kerfisskóla, og alla nemendur á
fyrsta ári í bekkjaskóla.
Könnunin var lögð fyrir þessa
hópa sama daginn. Af 58 nem-
endum í frönsku 103 og 203 í
áfangaskólanum svöruðu 45. í
bekkjaskólanum tóku samtals 59
nemendur af 68 á fyrsta ári þátt
í könnuninni.
í áfangaskólanum varð fram-
kvæmd úrvinnslunnar aðeins
flóknari en í bekkjaskólanum,
því að nemendur ráða að ein-
hverju leyti sjálfir hvenær þeir
hefja nám í 3. og 4. erlenda
tungumálinu. Einnig er þeim vel
mögulegt að hefja nám í 4. mál-
inu áður en þeir byrja á 3. máli.
Inn í könnunina urðum við því
að koma með spurningu um
hvort nemendur hafi valið
frönsku sem 3. mál, 4. mál eða
hvort það sé ekki enn ákveðið
en þeirri spurningu er sleppt í
bekkjaskólanum þar sem hún á
ekki við. Síðan þurftum við að
taka þá út sem höfðu frönsku
sem 4. mál, því að þeir hafa
auðvitað ekki valið frönsku,
heldur þýsku.
1. Kyn: a) karl, b) kona.
í fyrsta lagi spurðum við auð-
vitað um kyn viðkomandi, því
það var eitt af meginmarkmiðum
þessarar könnunar að kanna
hugsanlegan kynjamun. I áfanga-
skólanum voru strákarnir sem
svöruðu 20 og stelpurnar voru
25, eða alls 45 nemendur, eins
og áður segir. I bekkjaskólanum
svöruðu 16 strákar og 43 stelp-
ur, eða 59 alls.
2. Eg valdi frönsku sem: a) 3. mál,
b) 4. mál, c) ekki ákveðið enn.
Af nemendunum 45 í áfanga-
skólanum völdu 30 frönsku sem
3. mál, 16 stelpur og 14 strákar.
Aðrir, þ.e. þeir sem völdu þýsku
sem 3. mál, voru ekki taldir með
nema í spurningum 7, 8 og 9.
Þannig að í spurningunum sem
hér fara á eftir, spurningum 3 til
6, teljast 30 nemendur úr áfanga-
skólanum.
Hvað varðar spurningar 3, 4 og
5 varð niðurstaðan eftirfarandi:
3. Höfðu foreldrar þínir áhrif á að þú valdir frönsku frekar en þýsku?
Áfangaskólinn: Bekkjaskólinn:
stelpur strákar stelpur strákar
engin: 15 (94%) 12 (86%) 36 (84%) 15 (94%)
lítil: 0 0 4 (9%) 0
nokkur: 1 (6%) 2 (14%) 3 (7%) 1 (6%)
mikil: 0 0 0 0
4. Höfðu félagar þínir áhrif á að þú valdir frönsku frekar en þýsku?
Áfangaskólinn: Bekkjaskólinn:
stelpur strákar stelpur strákar
engin: 13 (81%) 10 (72%) 36 (84%) 12 (76%)
lítil: 1 (6%) 3 (21%) 6 (14%) 2 (12%)
nokkur: 2 (13%) 0 1 (2%) 2 (12%)
mikil: 0 1 (7%) 0 0
25