Málfríður - 15.11.1993, Blaðsíða 32
Nýtt kennsluefni í dönsku, frönsku og spænsku:
Brugsdansk
e. Auði Hauksdóttur og Elísabetu Valtýsdóttur
Brugsdansk fjallar um hagnýta málnotkun, eins og nafnið gefur til kynna. Bókin
sameinar það að vera handbók og vinnubók og er ætluð framhaldsskólanemum.
Efnið er sett fram á einkar aðgengilegan hátt og fjölmargar teikningar auðvelda
notendum að skilja málfræðireglur og setja sig inn í margvíslegar aðstæður málnotkunar.
Efninu er í hagræðingarskyni raðað í kafla eftir orðflokkum en höfundarnir leggja þó
mikla áherslu á að orðin séu ekki einangruð fyrirbæri, heldur fá merkingu í því samhengi
sem þau eru notuð hverju sinni.
Auður og Elísabet kenna dönsku í framhaldsskólum. Mál og menning hefur áður gefið
út tvö verk eftir þær: Dansk det er dejligt og Lœrerens trost.
4 propos 1
A propos 1 er frönskukennsluefni handa byrjendum. Efnið er talið henta nemendum í
fyrstu tveimur áföngum frönskunámsins í íslenskum framhaldsskólum.
I lesbókinni er að finna fjölbreytta leskafla, ítarefni af ýmsu tagi, framburðarleiðbein-
ingar, málfræðiágrip og fransk-íslenskan orðaiista. Textarnir í bókinni eru valdir með
það að markmiði að skapa málfarslegan grunn fyrir samskipti við frönskumælandi fólk,
en jafnframt fræða lesendur um Frakkland og vekja áhuga á landi þjóð og tungu.
Vinnubókin geymir fjölbreyttar hlustunaræfingar, verkefni við leskaflana, málfræði-
verkefni, upprifjunarkafla, kaflaskiptan orðalista með framburðarleiðbeiningum og
íslensk-franskan orðalista. Kappkostað er að hafa viðfangsefnin eins fjölskrúðug og
kostur er og jafnframt að hvetja nemendur til þess að nota tungumálið á skapandi hátt
strax frá upphafi.
Jórunn Tómasdóttir íslenskaði.
e. Önnu Katrínu Árnadóttur og Hólmfríði Garðarsdóttur
Myndbandsefnið Viaje alespaholv2.t samið og tekið upp á Spáni. Markmiðið var að færa
spænskan veruleika nær þeim nemendum sem læra spænsku fjarri hinum spænskumæl-
andi löndum.
Islenska vinnubókin var samin til þess að tryggja markvissa notkun á myndbandsefn-
inu, tengja það við annað kennsluefni og hnykkja á þeim atriðum sem reynast íslenskum
nemendum þyngst í skauti.
Þær Anna Katrín og Hólmfríður hafa báðar kennt spænsku í framhaldsskólum.
Viaje al espanol
Mál og menning