Víðförli - 15.12.1989, Page 32

Frá
Hjálparstofnun
kirkjunnar
Styðj um
skólana í N amibíu
Namibía er strjálbýlt Iand sunnar-
Iega í Afríku. Um þessar mundir eru
miklir atburðir að gerast þar. Nami-
bíumenn eru loks að öðlast sjálf-
stæði, eftir langa og blóðuga sjálf-
stæðisbaráttu. í 74 ár hefur landið
verið hernumið af hinu volduga ná-
grannaríki, S-Afríku, en stjórnvöld
þar hafa loksins samþykkt að gefa
völdin eftir í Namibíu. í byrjun nóv-
ember voru haldnar fyrstu frjálsu
kosningarnar í sögu Namibíu og síð-
ar í vetur mun landið endanlega fá
sjálfstæði.
Það er mikið uppbyggingarstarf
framundan í landinu. Þar á meðal er
uppbygging skólakerfisins, en mikill
skortur er á skólum. Hingað til hefur
hvítum og svörtum börnum verið
bannað að ganga í sömu skóla. Það
hafa því verið tvö ólík skólakerfi í
Namibíu. Annars vegar góðir skólar
fyrir hvíta og hins vegar yfirfullir og
lélegir skólar fyrir svarta. Þetta hef-
ur verið ein af mörgum afleiðingum
kynþáttaaðskilnaðarstefnu s-afr-
ískra stjórnvalda, en samkvæmt
þeirri stefnu á fólk af mismunandi
kynþáttum að hafa sem allra minnst
saman að sælda og það nýtur ekki
sömu réttinda.
Kirkjan í Namibíu hefur um árabil
barist gegn aðskilnaðarstefnunni og
hefur raunar verið einn sterkasti
málsvari hinna fátæku í Namibíu.
A.m.k. 70% íbúanna eru meðlimir
kirkjunnar og hefur hún mikil áhrif
í landinu. Kirkjan starfar á mörgum
sviðum þjóðlífsins, m.a. hefur hún
beitt sér mikið í baráttunni gegn
mannréttindabrotum og hún hefur
rekið öflugt starf til aðstoðar fórnar-
lömbum mannréttindabrota. Auk
þess rekur kirkjan barnaheimili,
heilsugæslustöðvar, þjónustu við
aldraða og lestrarkennslu fyrir full-
orðna.
Kirkjan er einnig áhrifamikil á
sviði skólamála í Namibíu. Þeir
skólar sem kirkjan styður eða rekur
sjálf eru meðal þeirra fáu í landinu,
sem hafa afneitað aðskilnaðarstefn-
unni og verið reknir á jafnréttis-
grundvelli.
Þessir skólar búa því yfir reynslu,
bæði hvað varðar kennsluhætti og
innihald námsefnis, sem getur orðið
skólakerfinu í heild að miklu gagni
nú þegar landið fær sjálfstæði.
Kirkjan tók einnig að sér það
verkefni að sjá um móttöku tugþús-
unda namibískra flóttamanna, sem
hafa verið að snúa aftur heim á und-
anförnum mánuðum, eftir langa
dvöl í nágrannalöndunum. Meðal
þessara flóttamanna er fjöldi barna
og þeim þarf að koma fyrir í skólum.
En skólarnir eru yfirfullir og skortur
er á öllum kennslugögnum. Það er
þvi knýjandi þörf á að útvega skóla-
stofur og láta gera við gamalt hús-
næði svo að hægt sé að nota það.
Hjálparstofnanir kirknanna á
Norðurlöndunum hafa tekið hönd-
um saman um að aðstoða við upp-
byggingu skólanna og móttöku
flóttamannabarnanna, með því að
reisa skólastofur í Namibíu, ásamt
því að kaupa skrifföng, pappír, stóla
og fleiri nauðsynlega hluti í skólana.
Þetta er eitt af þeim verkefnum sem
við söfnum fyrir núna í landssöfnun
okkar „Brauð handa hungruðum
heimi“.
32 — VÍÐFÖRLI