Víðförli - 15.09.1993, Blaðsíða 5

0 Safnaðaruppbygging
Tækifæri kirkjunnar
Starfshópar um safnaðaruppbyggingu
Prestakall/sókn Ár Prestakall/sókn Ár
Árbæjai-prestakall, R-ey 1991-1992 Egilsstaðasókn 1992-1993
Breiðholtsprestakall, R-ey 1991-1992 Akureyrarprestakall 1993
Digranesprestakall, R-ey 1991-1992 Glerárprestakall 1993
Seljaprestakall, R-ey 1991-1992 Möðruvailaprestakall 1992-1993
Dómkirkjuprestakall, R-ve 1990 Hríseyjarprestakall 1992-1993
Grensásprestakall, R-ve 1991-1992 Dalvikur- og Ólafsfj. pr. köll 1992-1993
Hallgrímsprestakall, R-ve 1991-1992 Fella- og Hólabrekkupr.köll 1992-1993
Háteigsprestakall, R-ve 1991-1992 Hafnarfjarðarprestakall 1993
Laugamesprestakall, R-ve 1991-1992 Utskálasókn 1993
Nesprestakall, R-ve 1991-1992 Vestmannaeyjaprestakall 1993
Seltjarnamesprestakail, R-ve ísafjarðarsókn 1991- 1992 1992- 1993 Fjöldi hópa 22
Nú haustar og þjóðlífið skiptir um
takt. Skólar hefja störf að nýju og
fræðslutilboðin handa almenningi eru
auglýst á markaðstorgum. I marg-
brotnu samfélagi samtímans eru þarf-
irnar ólíkar og tilboðin mörg. Margs-
konar hugmyndafræði er boðuð, ýmis
afbrigði kristinnar trúar og jafnvel
önnur framandi trúarbrögð. Hver er
tilgangur lífsins? Hvar er hamingjuna
að finna? Hvernig get ég náð betri
tökum á lífi mínu? Hvar finn ég frið?
Þessar spurningar og margar aðrar
brenna á einstaklingum og fólk hópast
á námskeið og greiðir í sumum tilfell-
um stórfé fyrir.
Á vegum Þjóðkirkjunnar fer fram
mikil fræðsla um land allt, eins og
reyndar hefur verið um aldir, en um
leið er hún öll að færast í aukana á
sviði námskeiða og fræðslu fyrir full-
orðna. Leikmannaskóli kirkjunnar
hefur verið vel sóttur s.l. tvö ár og í
vetur verður þar boðið upp á enn
meiri fjölbreytni en áður. Fræðslu-
fundir og ráðstefnur verða haldin í
prófastsdæmum og söfnuðum í vet-
ur.
Á vegum safnaðaruppbyggingar
hafa verið haldnir fjölmargir fundir s.l.
þrjú ár og margir hópar fræðst um
grundvöll og markmið safnaðarupp-
byggingar eins og sjá má á meðfylgj-
andi töflu:
V idhorfskannanir
Áðumefndir hópar hafa sumir
framkvæmt kannanir meðal kirkju-
gesta og foreldra fermingarbarna og
fer úrvinnsla nú fram á vegum Guð-
fræðistofnunar. Verður án efa fróð-
legt að skoða niðurstöður og bera
þær saman við könnun stofnunarinn-
ar frá 1986.
Á námskeiðum með hópunum hafa
viðhorf fólks til kirkjunnar og safnað-
aruppbyggingar verið könnuð. Alls
svömðu 64 einstaklingar. Á meðfylgj-
andi töflum gefur að líta, annars vegar
helstu hindranir, sem fólk telur vera í
vegi safnaðaruppbyggingar og hins
vegar það sem fólk lætur sig dreyma
um.
Kallað er eftir meiri fræðslu og
þjálfun safnaðarfólks og meiri virkni
almennings í kirkjunni. Svör þessa
fólks sem lætur sig varða eflingu
kirkjunnar ættu að vera öllum starfs-
mönnum safnaða hvatning til að vinna
markvissar að því að ná til almennings
með boðskap Jesú Krists. Safnaðar-
uppbygging er ekki valkostur sem
söfnuðir taka afstöðu til, með eða á
móti og hún er ekki heldur einstakt
gæluverkefni starfsfólks á Biskups-
stofu. Safnaðaruppbygging er ein af
frumskyldum hvers kristins safnaðar.
Starfsfólkið og nefndin sem móta
stefnuna er til þjónustu við söfnuði
kirkjunnar svo að þeir geti enn betur
sinnt þessari frumskyldu sinni. Nú
hafa yfir tuttugu söfnuðir tekið þátt í
þessu átaksverkefni kirkjunnar og
ber að þakka þann áhuga en um leið er
þess vænst að fleiri söfnuðir gefi
þessari frumskyldu vaxandi gaum í
náinni framtið.
5