Árbók Hins íslenzka fornleifafélags - 2015, Qupperneq 173

ÁRBÓK FORNLEIFAFÉLAGSINS172
hennar Godfrey Blount fluttust til Haslemere tveimur árum síðar. Þar unnu þau
öll á einhvern hátt að því að endurvekja handverk hverfandi sveitasamfélags.
Maude King hafði numið spuna og vefnað í Svíþjóð. Joseph King var umbóta-
maður í félags- og skólamálum og kom sjónarmiðum sínum á framfæri í ræðu
og riti og sat til að mynda á þingi fyrir frjálslynda í Norður-Somerset á árunum
1910‒1918.12 Godfrey Blount var menntaður myndlistarmaður. Hann taldist
til hugmynda smiða innan bresku list iðnaðar hreyf ing arinnar, stofnaði félög og
starfaði í félögum sem studdu listiðnað og heimilisiðnað. Meðal aðgerða King
og Blount hjónanna var að koma upp námskeiðum og vinnustofum í spuna og
vefnaði fyrir konur og unglings stúlkur í Haslemere. En Maude King og Ethel
Blount munu hafa verið megin drifkraftar í þeirri starfsemi.13 Fyrir tilhlutan
umræddra hjóna var einnig stofnað til ýmiss konar félagsskapar um list- og
hand iðnað í Haslemere. Það sem skiptir máli í því samhengi sem hér um
ræðir er félagsskapur sem stofnaður var árið 1897 undir heitinu „The Peasant
Arts Society.“ Það félag safnaði fyrirmyndum til að örva handverkskennsluna
í Haslemere og myndaði þannig með tíð og tíma stofn að safni sem nefnt var
„The Peasant Art Collection.“14
Fyrir milligöngu efnaðs læknis að nafni Greville MacDonald (1856-
1944) sem jafnframt var gjaldkeri „The Peasant Arts Society“ fékk gripasafn
skólastjórans Davies árið 1909 heimilisfesti í Haslemere en það ár keypti
MacDonald safn Davies að uppfylltum tveimur skilyrðum. Í fyrsta lagi skyldi
safninu ekki tvístrað og í öðru lagi skyldi það hýst fjarri höfuðborginni London.
Með kaupum MacDonald á safni Davies varð að samkomulagi að það rynni
saman við það safn sem komið hafði verið upp í Haslemere fyrir tilhlutan
King og Blount hjónanna –„The Peasant Art Collection.“ Úr þessum samruna
varð til í Haslemere álitlegt safn gripa sem upprunnir voru í sveitasamfélagi
ýmissa landa í Evrópu, eins og fyrr var nefnt. Safnið var opnað í apríl 1910
undir heitinu „The Peasant Handicraft Museum.“15 Fyrstu árin hafði safnið
ekki fast húsnæði og var því á nokkru flakki en árið 1926 fékk „The Peasant
Handicraft Museum“ fast aðsetur sem sérsafn í litlu minjasafni sem fyrir var í
Haslemere –„The Haslemere Educational Museum“ – sem stendur við eina
af aðalgötum bæjarins, High Street. Þar er núverandi aðsetur sérsafnsins sem
kynnt er á heimasíðu safnsins sem „The European Peasant Art Collection.“16
12 Haslemere Educational Museum C. Sótt 16. mars af http://www.haslemeremuseum.co.uk/
humanhistory_files/peasant-arts/-King.html
13 Shepley 2000, bls. 3-7.
14 Shepley 2000, 4-5.
15 Shepley 2000, 8-9.
16 Haslemere Educational Museum A. Sótt 27. febrúar 2015 af http://www.haslemeremuseum.co.uk/
humanhistory_files/peasant-arts/Peasant-Art-Collection.html