Árbók Hins íslenzka fornleifafélags - 2015, Page 174

173GRIPIR ÚR ÍSLENSKA SVEITASAMFÉLAGINU Í HASLEMERE, SURREY
Gripirnir frá Íslandi
Höfundur þessarar greinar heimsótti Haslemere í fyrsta skipti vorið 2006
í framhaldi af misserisnámi við Háskólann í St. Andrews í Skotlandi.
Sérsafnið „The European Peasant Art Collection“ var þá tiltölulega nýlega
komið fram í sviðsljósið í heild en hluti af því hafði legið óhreyfður í
áratugi í munageymslum Haslemere Educational Museum. Á síðasta
áratug 20. aldar voru allir gripirnir sem tilheyrðu sérsafninu teknir úr
geymslum, endurskráðir og í framhaldi stofnað til yfirlitssýningar með
aðstoð textílfræðingsins Lou Taylor og sagnfræðingsins David Crowley
sem bæði störfuðu þá við Háskólann í Brighton. Sýningin var opnuð vorið
2000 í galleríi Háskólans í Brighton og í framhaldi var safninu skilað á
heimaslóðir og sýnt sumarið 2000 í sýningarrými „Haslemere Educational
Museum“. Í tilefni sýninganna var gefið út greinasafn undir heitinu The
Lost Arts of Europe. The Haslemere Museum collection of European Peasant Art.17
Í ferðinni til Haslemere vorið 2006 gafst höfundi tækifæri til að staðfesta
tilvist gripa frá Íslandi í Haslemere Educational Museum og mynda tengsl
við safnvörðinn Robert Neller. En sá tími sem ferðalaginu var markaður
vorið 2006 leyfði ekki skoðun á gripunum.
Árið 2013 gerði höfundur sér ferð til Haslemere á nýjan leik, var betur
undirbúinn og hafði meðferðis skrá yfir gripina frá Íslandi sem Robert Neller
hafði sent höfundi árið 2006.18 Ennfremur hafði fengist heimild til að skoða
hluta af íslensku gripunum og mynda. Í umræddri skrá eru taldir 42 gripir.
Í tilefni af ritun þessarar greinar innti höfundur safnverði í „Haslemere
Educational Museum“ á nýjan leik eftir tölu gripa og gerð. Samkvæmt svari frá
17 The Lost Arts of Europe 2000, titilblað og formáli.
18 Tölvupóstur dags. 19. maí 2006 frá Robert Neller Collections Assistant, Haslemere Museum
Collections til Áslaugar Sverrisdóttur.
Drykkjarhorn HE.5.186.0 Trafaaskja með höfðaletri frá 1867 HE.5.162.a