Vinnan - 01.05.1948, Blaðsíða 18

Þegar vinnandi stéttir íslands tóku einnig að bera
fram kröfur sínar 1. maí stóð heldur ekki á kapitalist-
unum hér að fjandskapast við verkamenn og spotta
samtök þeirra. I þá daga stóðu eignamennirnir á gang-
stéttunum, æptu hrakyrði og hentu skít á hina fáliðuðu
verkamannasveit fyrstu kröfugangnanna. Auðmanna-
stéttin íslenzka hefur nú fyrir löngu séð að krafa vinn-
andi fólks um réttlæti verður ekki stöðvuð með hæðn-
isópum og skítkasti. Fylkingar verkalýðsins 1. maí hafa
ár hvert verið stærri en þær voru árið næst á undan.
Þess vegna hefur auðmannastéttin á síðustu árum jafn-
vel smjaðrað fyrir verkamönnum þenna dag — fylk-
ingar vinnandi stéttanna eru orðnar svo fjölmennar 1.
maí, samtök þeirra eru orðin vald, vald sem auðmanna-
stéttin óttast.
Hugur auðmannastéttarinnar til verkalýðsins hefur
samt ekki breytzt. Fjandskapurinn er enn til staðar.
Það er einungis óttinn við fylkingar fólksins sem hefur
neytt kapitalistana til að breyta um bardagaaðferðir.
Nú standa þeir ekki lengur á gangstéttunum 1. maí og
æpa ókvæðisorð. Þeir eru hættir að henda skít í verka-
menn þenna dag. I þess stað er nú kominn fagurgali. I
stað ókvæðisópa beita þeir nú fortölum. Ef þú lest blöð
yfirstéttarinnar frá liðnum árum, þá sérðu að fyrst
reyndu þau að skopast að þér og hræða þig frá því að
fara út á götuna 1. maí, en að í réttu hlutfalli við það
sem fylkingar verkalýðsins á götunni stækkuðu, minnk-
aði hótunartónn auðvaldsblaðanna og fortölurnar uxu
að sama skapi. Þau sögðu þér að ef þú krefðist þess að
fá hærra kaup, 8 stunda vinnudag, mannsæmandi húsa-
kynni o. s. frv., þá værir þú „óþjóðlegur“, þetta væru
ekki íslenzkar kröfur, þér væri stjórnað af erlendu
valdi. — Þú hefðir jafnvel mátt halda að enginn gæti
verið „sannur Islendingur“, nema hann sæti heima 1.
maí. En þó fór svo að engar fortölur gátu haldið þér
kyrrum 1. maí. Þú skipaðir þér við hlið stéttarbræðr-
anna á götunni. Var þetta rétt af þér? Hefði ekki verið
betra fyrir þig að sitja heima? Hafa samtök stéttar
þinnar fengið nokkru áorkað? Þér þykir furðu barna-
lega spurt. Atta stunda vinnudagurinn, hækkað kaup
og fjölmargar aðrar réttindakröfur þínar frá fyrstu
kröfugöngunum eru orðinn veruleiki í dag -— vegna
þess, og aðeins vegna þess að þú og stéttarbræður þínir
beittuð mætti samtakanna ykkar til að knýja þær fram.
Það var því ekki einungis rétt af þér að taka þátt í sam-
tökum félaga þinna, bera sameiginlega fram með þeim
kröfur ykkar, — það var skylda þín við stétt þína, vel-
ferð fj ölskyldu þinnar, framtíð barna þinna.
En voru þá blöð auðmannastéttarinnar að ljúga að
þér? Við skulum athuga það nánar. Fannst þér ísland
verða þér framandi þegar þú fékkst viðurkenndan 8
stunda vinnudag? Fannst þér þú ekki lengur vera Is-
lendingur eftir að þú fluttir úr kjallara inn á hæð í
verkamannabústað ? Fannst þér þú verða Rússi eða
Bandaríkjamaður við það að fá kauphækkun. Nei,
ekkert af þessu, nema síður væri. Blöð auðmannastétt-
arinnar voru að ljúga að þér þegar þau sögðu að þetta
væru ekki íslenzkar kröfur. Þú getur ævinlega gengið
að því vísu að þegar blöð auðmannastéttarinnar reyna
að telja þér trú um eitthvað undir yfirskini þess að
vera að ráða þér heilt, þá eru þau að ljúga að þér.
Og enn bjóða blöð auðmannastéttarinnar, blöð heild-
salanna, þér fagurgala og fortölur. Aldrei fyrr hafa þau
lagt sig eins fram um að Ijúga að þér og einmitt nú.
Kannske finnst þér þetta nú fullmikið sagt. Þá skulum
við athuga málið betur. Þú getur sjálfur strax gengið
úr skugga um þetta. Þau segja þér stundum að það sé
eiginlega engin auðmannastétt til á Islandi, auður á
fárra manna höndum sé bara skröksaga Moskvakomm-
únista. Er þetta rétt hjá þeim? Varst það kannske þú
sem árið er leið, allt til síðustu stundar eignakönnun-
ardagsins mikla, varst önnum kafinn við að breyta
bankainnstæðum þínum í hús og jarðir, dregla, skart-
gripi og aðra dýra muni — jafnvel brennivín? Ert það
kannske þú sem klippir arðmiða af hlutabréfum alls-
konar fyrirtækja og tekur allt að 25% í vexti af pen-
ingunum er þú lánaðir manninum sem er að koma sér
upp húsi inni í Kleppsholti? Varst það kannske þú sem
falsaðir faktúrur og lagðir hundruð þúsunda króna inn
í erlenda banka? Nei. En það finnast auðmenn á Is-
landi þótt ekki sé lengi leitað.
Auðmannastéttin leggur í dag mesta áherzlu á að
sundra hinu vinnandi fólki í smáhópa. Hún gerir það
vegna þess að nú hyggst hún að taka af þér aftur ýms-
ar réttarbætur sem þér féllu í skaut á undanförnum
árum. Hvers vegna reyna kapítalistarnir að sundra
samtökum vinnandi stéttanna? Vegna þess að þeir
treysta sér ekki í átökum við sameinaða verkalýðsstétt,
þeir ætla sér að ráða niðurlögum hennar í tvístruðum
hópum. Auðmannastéttin er frek; hún er ekki hugrökk.
Er það rétt að auðmannastéttin reyni að sundra
verkalýðssamtökunum, spyr þú kannske, og hvernig
fer hún að því?
Blöð auðmannastéttarinnar segja þér að verkalýðs-
samtökunum sé stjórnað af kommúnistum, og komm-
únistunum sé stjórnað frá Moskvu eða Belgrad, þess
vegna séu allar kröfur verkalýðssamtakanna kommún-
istiskar, óþjóðlegar, fyrirskipaðar af erlendu ríki. Þau
segja þér að ef þú ert sjálfstæðismaður, framsóknar-
maður eða alþýðuflokksmaður þá megir þú ekki beita
þér fyrir þessum kröfum, því með því sért þú að ganga
erinda erlends einræðisríkis. Þetta er mjög alvarlegt ef
rétt væri. Þess vegna skalt þú íhuga þetta af fullkom-
inni ró og mjög vandlega.
Ert þú að ganga erinda erlends ríkis þegar þú krefst
þess að fjármagni þjóðarinnar verði varið til að auka
76
VINNAN