Vinnan - 01.04.1994, Blaðsíða 21

21
Skrifstofuhald í lágmarki hjá stærsta landsambandinu:
Áhersla lögð á
félagslegu þættina
— Viö erum daglega í sambandi viö
fólk um allt land og ég held að því
finnist gott að leita hingaö, fái úr-
lausn sinna mála.
Þetta segir Kolbrún Þorkelsdóttir,
starfsmaöur á skrifstofu Verka-
mannasambandsins, í samtali viö
Vinnuna.
Þessi daglegu samskipti fara að mestu
fram um síma og bréfleiðis enda yrði fljótt
þröng á þingi ef umtalsverður hluti hinna
28.000 félaga VMSÍ legði leið sína á skrif-
stofuna við Lindargötu 9 í Reykjavík að ein-
hverju marki. Plássið er nefnilega ekki í
samræmi við þá staðreynd að þar er þjónað
fjölmennasta sambandinu í íslenskri verka-
lýðshreyfingu: þrjár litlar skrifstofur sem
gengið er inn í frá þröngri afgreiðslu.
— Frá upphafi hefur verið lögð áhersla á
að halda rekstri sambandsins í böndum, hafa
starfslið og húsakynni í lágmarki en leggja
þess í stað meiri áherslu á félagslegu þættina
og fundi úti um landið, segir Snær Karlsson,
einn þriggja fastra starfsmanna VMSI.
I upphafi 30 ára ferils síns hafði Verka-
mannasambandið til urnráða eitt skrifstofu-
herbergi á einni af efri hæðum hússins við
Lindargötu þar sem verkamannafélagið
Dagsbrún var þá þegar með sína skrifstofu.
Starfsmaður sambandsins var í upphafi að-
eins einn, Þórir Daníelsson. Hann var
framkvæmdastjóri þess allt þar til núverandi
formaður settist á skrifstofu sambandsins, 1.
mars 1993. Þá var starf framkvæmdastjóra
lagt niður en formaðurinn tók ábyrgð á
rekstri skrifstofunnar samhliða
formennskunni.
— Þórir lét af störfum um síðastliðin
áramót og síðan hef ég lengstan starfsaldur
hér, segir Kolbrún Þorkelsdóttir sem hóf
störf á skrifstofunni árið 1981. Verkefni
hennar eru að sjá um bókhald og fjármál
sambandsins og seinni árin skipulag og
framkvæmd þinga sambandsins og annarra
funda.
Árið 1983 var Lárus Guðjónsson, sem
áður var starfsmaður hjá MFA, ráðinn til að
sinna því sem hefur verið nefnt erindrekstur.
Eftir að hann hætti, árið 1988, urðu
starfsmennirnir tveir á ný þar til Snær
Karlsson var ráðinn til sambandsins, árið
1990. Bjöm Grétar Sveinsson kom inn sem
starfandi formaður í mars árið 1993, og þar
sem framkvæmdastjórinn var hættur var
ákveðið að formaðurinn gegndi því starfi.
Snœr Karlsson og Kolbrún Þorkelsdóttir, tveir afþremur starfsmönnum Verkamannasam-
bandsins. Skrifstofuplássið er lítið en megináhersla lögð áfélagslega starfið og fundahöld liti
á meðal félaganna.
Samband láglaunafólks
- Verkamannasambandið er landsamband
almenns verkafólks, sem telst vera
láglaunafólkið í hreyfingunni. Það hefur ekki
úr miklum fjármunum að spila og hér hefur
alltaf ríkt mikið aðhald í rekstri. Sú stefna
hefur alltaf ríkt hér að leggja megináherslu á
félagslega þætti starfseminnar en halda
eiginlegum skrifstourekstri í lágmarki. Lögð
hefur verið áhersla á það hin síðari ár að
halda fundi úti um land, þar á meðal
sambandsstjómarfundi og einn til tvo fundi
framkvæmdastjómar, jafnvel þótt því fylgi
eitthvað meiri kostnaður en séu þeir haldnir í
Reykjavík. Við teljum að þetta styrki
tengslin við félögin og félagsmenn og því sé
fyllilega verjandi að leggja þau útgjöld á
sambandið sem þessu fylgir.
Þess utan höldurn við úti erindrekstri,
heimsækjum félögin með fundi og alltaf er
farið þegar kallað er, hvort sem það er í
sambandi við kjarasamninga og allt sem að
þeim lýtur eða ýms mál sem upp koma hjá
félögunum og þau þurfa aðstoð við að leysa,
semgir Snær Karlsson.
Og það er ekki svo lítið verk að sinna því
sem upp kemur í aðildarfélögunum; þau em
53 talsins, fækkaði um eitt um áramót vegna
samruna tveggja félaga. Hjá Verkamanna-
sambandinu fá félögin þjónustu vegna samn-
ingagerðar og aðstoð við að túlka kjarasamn-
inga. Einmitt þetta síðastnefnda hefur aukist
mjög vegna vaxandi viðleitni atvinnu-
rekenda og samtaka þeirra til að túlka
samningsákvæði sér í hag og jafnvel breyta
frá túlkunum sem fullt samkomulag hefur
verið um
Þegar við á skrifstofunni emm ekki viss í
okkar sök leitum við til lögfræðings okkar,
Ammundar Backman hrl. sem er sérfræðing-
ur í vinnurétti og hefurrekið mál fyrir VMSI.
Einnig höfum við samband við lögfræðinga
ASÍ. Samband VMSI og
Alþýðusambandsins hefur alla tíð verið
gott.enda er Verkamannasambandið
langstærsta aðildarsamband þess og formað-
ur og ýmsir framkvæmdastjórnarmenn hafa
setið í miðstjóm ASI í gegnum tíðina.
Verkamannasambandið er þannig upp
byggt að þing þess, sem haldin em á tveggja
ára fresti, hefur æðsta vald í málefnum þess.
Þingið kýs 30 manna sambandsstjóm, og 15
til vara, sem hefur æðsta vald í málefnum
sambandsins milli þinga. Síðan kýs það fjóra
menn í framkvæmdastjóm, sambandsstjórn
kýs tvo úr sínum hópi og formenn deilda
sitja í framkvæmdastjórn, sem þannig er
skipuð níu mönnum. Hún er ábyrg fyrir
fjármunum sambandsins og kemur saman til
fundar einu sinni í mánuði að jafnaði.
Verkamannasambandið er deildskipt
samband. í því starfa deild verkafólks hjá
ríki og sveitarfélögum, deild starfsfólks við
bygginga- og mannvirkjagerð og deild
fiskvinnslufólks. Utan þessara deilda er svo
nokkur hópur sem er ekki skipulagður í
sérstakri deild.
VINNAN