Heilbrigðisskýrslur - 01.12.1890, Qupperneq 16

1881
14
Ekki blæddi úr honum til muna, og þurfti ég alls ekki að binda fyrir neina æð. Gekk
svo vel um hrið, og sjúklingurinn fór nokkuð að hressast, svo að ég fór á ný að gera
mér góðar vonir um hann. Hér um bil viku áður en hann dó, fór að bera á dálítilli
collateral blóðrás einu sinni, þegar ég var að gera að sári sjúklingsins, og tókst mér
jafnskjótt að stöðva hana. Þetta endurtók sig í tvö skipti til, og einu sinni var ég
sóttur, því að þá hafði hlætt dálitið gegnum umbúðirnar, en mér tókst í öll þessi skipti
að stöðva blóðrásina fljótlega. Mér þótti þetta ískyggilegt, þvi að enda þó honum ekki
hefði blætt til muna, vissi ég, að hann mundi illa þola blóðmissinn. Loksins, kvöldið
áður en hann dó, var sent skjótlega til mín og sagt, að nú fossaði blóðið úr sárinu. Ég
brá skjótt við og sá þá, að blætt hafði til muna í rúmið. Tókst mér þá eins og áður
að stöðva blóðrásina. Ef ég hefði haft nokkurn mér til aðstoðar og Ijósbirtan hefði
verið nokkurn veginn viðunanleg, hefði ég líklega ráðizt í að rista sundur á honum
lærið til þess að undirbinda eða að öðrum kosti að taka af honum fótinn, en það var
óhugsandi og ekki annað hægt en bíða morguns. En að slíkt alls ekki hefði frelsað
líf sjúklingsins sést berlega af því, að hann dó um nóttina, án þess að blóðdropi hefði
úr sárinu blætt. Ég skal ekki leyfa mér að leiða getur að því, hvort sjúklingur þessi
hefði getað frelsazt, ef fóturinn hefði verið tekinn af honum um mitt læri undir eins
og hann kom (hann lá þar 17 daga), en ég hygg, að flestir hefðu valið þessa mildari
aðferð, er ég viðhafði, enda var sjúklingnum, eins og eðlilegt var, mjög móti skapi
að missa fótinn, ef annað hefði verið hægt.
T annskemmdir.
5. læknishérað. Ég hef eigi bókað caries dentium, sem eigi sýnist heldur al-
menn hér.
18. læknishérað. Caries dentium 18.
III. Fæðingar.
2. læknishérað. Fjórum sinnum hef ég verið kallaður til fæðandi kvenna, en hef
hvorki þurft að nota töng né gera vendingu. Ekkert fósturlát hefur orðið.
4. læknishérað. Ég tók 6 börn með töng, og lifðu mæður og börn.
5. læknishérað. Tangarfæðing /einu sinni (tumor-fibromyoma?) og framdráttur
tvisvar (sitjandafæðing). Ekkert barn hefur fæðzt andvana hér á þessu tímabili, og
er það furða. Engin kona hefur dáið af barnsförum, og má það heita stakt lán, þar
sem ekki ein einasta prófuð yfirsetukona er í öllu héraðinu. Ég hef fleirum sinnum
verið sóttur eingöngu til að sitja yfir, án þess að nokkuð væri að. Meðferð á sængur-
konum og nýfæddum börnum var hér víða mjög óheppileg og það svo, að tjón gat
af hlotizt. Þannig var börnum nýfæddum sums staðar þ'egar gefinn harður fiskur,
tugginn, kjötsúpa og fleira þess háttar, konunni aloe á 2. eða 3. degi. Þetta hef ég nú
bannað, og er það þvi að færast í lag.
7. læknishérað. Engin fæðandi kona dó.
10. læknishérað. Læknir gerði perforatio cranii á dauðu fóstri. Konan lifði.
11. og 12. læknishérað. Læknir var viðstaddur þrjár örðugar fæðingar, eina
vegna placenta praevia, aðra vegna placenta accreta, og eitt barn tók hann með töng.
Allar konurnar lifðu, en tvö börnin fæddust andvana.