Heilbrigðisskýrslur - 01.12.1890, Qupperneq 121

119
1890
orðna. Engum fullorðnum varð veikin að bana, en 10 börn, öll 1—3 ára, dóu úr
henni. Stálpuð börn komust af, en þó urðu mörg þungt haldin.
H. læknishérað. Þegar leið að hausti, byrjaði kikhóstinn í börnum og enda
sumu yngra fólki, einkum kvenfólki, en fór þó hægt yfir og var eigi orðinn al-
niennur fyrr en eftir veturnætur. Flest börn, sem dáið hafa, hafa verið á 1. ári,
og hafa þau flest dáið á 3. eða 4. vikunni, eftir að þau veiktust. Að því er ég veit
bezt til, munu dáin um 30 börn á þessum tíma, sjálfsagt flest úr kikhósta. Misjafn
hefur barnadauðinn verið í sveitunum, minnstur þar sem húsakynni hafa verið
skást og aðbúð að sjúklingunum bezt.
2. aukalæknishérað. Kikhóstinn byrjaði fyrst í október, og sýktust flest börn
af honum meira og minna og' nokkrar þungaðar konur. 10 börn hafa dáið úr veik-
inni, eftir því sem ég veit, flest á aldrinum 1—4 ára.
15. læknishérað. I september byrjaði þungt kvef með feber, höfuðverk og bein-
verkjum, og áleit ég, að inflúenza væri komin hér aftur, eins og víðar í Norður-
álfunni. Fór þá að bera á tussis eonvulsiva mikið, þannig að hóstinn fór að líkjast
t. c. með hörðum hviðum og sogi. í meira partinum hefur hreint ekki hin reglulega
t. c. komið fram, og á flestum heimilum, þar sem ég hef sjálfur skoðað sjúklingana,
hafa 1 eða 2 haft reglulegan soghósta, hinir bronchitis capillaris eða pneumonia.
Þessi veiki hefur lagzt miklu þyngra á en inflúenza og deytt margfalt fleiri, allt börn.
Hér í nánd, þar sem ég þekki bezt til, hefur veikin hagað sér þannig í mörgum, að
sjúklingurinn, eftir að hafa haft þunga bronchitis með remissionum 2 eða 3 vikur,
hefur þá, ef veikin hefur ekki hætt alveg, annaðhvort fengið pneumonia eða tussis
convulsiva. Veikin hefur því verið mjög langvinn og eytt alveg kröftum hinna litlu
sjúklinga. Skást hefur verið, þar sem veikin frá upphafi líktist meira t. c., jafnvel
þótt hóstinn á endanum yrði svo mikill, að blóð spýttist fram úr vitum barnanna,
augun yrðu bólgin og blóðhlaupin og mestöll næring færi upp úr þeim. Veikin hefur
frá því í september alltaf aukizt og var í desember svo almenn hér um sveitir, að
varla nokkurt heimili hafði farið varhluta af henni. — 20 taldir dánir úr kikhósta
og bronchitis.
17. læknishérað. Byrjaði í desember.
19. læknishérað. Kikhósti var mjög almennur síðara hluta ársins. — 15 taldir
dánir.
6. Taugaveiki (febris typhoidea).
Á skrá í 8 héruðum, alls 44 tilfelli.
11. læknishérað. Hefur komið fyrir á nokkrum bæjum. Leituðu sumir til mín,
en sumir til skottulækna. — 1 talinn dáinn.
19. læknishérað. 1 talinn dáinn.
2. aukalæknishérað. 1 tilfelli, mors.
7. Blóðsótt og iðrakvef (dysenteria, cholerina v. catarrhus intestinalis acutus).
Á skrá eru aðeins 5 tilfelli af dysenteria í 3 héruðum, en af iðrakvefi alls 298
tilfelli í 10 héruðum. — 4 eru taldir dánir.