Fréttablaðið - 04.03.2021, Blaðsíða 2

Eftirspurn meira en framboð
„Eina sem kom upp á í dag [í gær] var að það kláraðist hjá okkur bóluefnið,“ segir Ragnheiður Ósk Erlendsdóttir, framkvæmdastjóri hjúkrunar hjá
Heilsugæslunni á höfuðborgarsvæðinu, um bólusetningar eldra fólks síðustu tvo daga. Ragnheiður útskýrir að miðað við hlutfall þeirra sem mættu
á þriðjudag hafi f leiri verið boðaðir í gær en þá hafi hlutfallið hækkað. Bólusetningunni verði framhaldið næsta þriðjudag. FRÉTTABLAÐIÐ/VALLI
SAMFÉLAG „Í grunninn snýst þetta
um að taka sér tíma í það sem
maður er að gera,“ segir Þóra Jóns­
dóttir, formaður Hæglætishreyf­
ingarinnar á Íslandi. Hreyfingin
var nýlega stofnuð hér á landi og
samanstendur af fólki sem hefur
tileinkað sér, eða hefur áhuga á að
tileinka sér, hæglæti.
Þóra segir hæglæti snúa að því
að vera með athygli á núlíðandi
stund. „Að heyra og hlusta, að anda
og njóta, að velja meðvitað að tak­
marka streitu, draga úr neyslu, taka
sér minna fyrir hendur og gera færri
hluti í einu,“ segir hún.
Sjálf kynntist Þóra hugmynd­
inni um hæglæti fyrir um fimmtán
árum. „Ástandið í samfélaginu er
svo rafmagnað af keppni, spennu
og einhvers konar hamfarahyggju,“
segir hún.
„Við erum öll í svo mikilli keppni
um að eiga fínustu húsin, ná að gera
allt sem ætlast er til af okkur og vera
dugleg á öllum sviðum en á sama
tíma sýnum við bara glansmynd af
okkur á samfélagsmiðlum svo við
erum ekki einu sinni að keppa við
sannleikann,“ bætir Þóra við.
Að sögn Þóru breytti það miklu í
hennar lífi þegar hún tileinkaði sér
hæglæti. „Ég hef alla tíð átt erfitt
með hraða samfélagsins og þegar ég
uppgötvaði hæglæti var það mikil
hugarró fyrir mér,“ segir hún.
„Það að láta af eigin hugmyndum
og eigin kröfum um það að ég væri
ekki að standa mig nógu vel heldur
að ég mætti bara lifa sæl og glöð
með það sem ég hefði var frelsandi
fyrir mig.“
Hreyfinguna stofnaði Þóra í hópi
kvenna sem allar halda úti Insta­
gram­reikningum sem snúa að ein­
hverju leyti að hæglæti.
„Mig langaði að stofna hóp utan
um þetta hugðarefni og það er mik­
ill áhugi í samfélaginu,“ segir Þóra.
Markmið hreyfingarinnar er að
skapa umræðu um hæglæti og eru
Þóra og félagar hennar í hreyfing­
unni nú þegar farin af stað með
hlaðvarpsþátt um efnið.
„Það eru margir opnir fyrir þess­
um pælingum,“ segir Þóra. „Það er
heillandi að hugsa um það hvað er
í fyrsta sæti, en ekki bara spenna
bogann og eignast allt á lánum
þannig að þú þurfir að vinna meira
til að geta átt fyrir lánunum, heldur
að láta nægja það sem þú hefur þar
til þú getur bætt við.“
Þóra segir miklvægt að staldra
við og jafnvel vinna minna þó það
þýði að fólk geti þá kannski ekki
leyft sér eins mikið, „En þú nýtur
þess mögulega betur að eiga sam­
fylgd og góðar stundir með þér og
fjölskyldunni þinni,“ segir hún.
birnadrofn@frettabladid.is
Frelsandi að lifa bæði
hægara og rólegra lífi
Stofnuð hefur verið hæglætishreyfing á Íslandi. Formaðurinn segir hugarró
felast í því að tileinka sér einfaldara líf og að hæglæti hafi breytt lífi sínu og
hugsunarhætti. Mikill áhugi virðist vera á hreyfingunni úti í samfélaginu.
Þóra segir því hafa fylgt ró þegar hún flutti úr borg í sveit. MYND/AÐSEND
Það er heillandi
hugsa um það hvað
er í fyrsta sæti en ekki bara
spenna bogann og eignast
allt á lánum þannig að þú
þurfir að vinna meira til að
geta átt fyrir
lánunum.
Þóra Jónsdóttir,
formaður Hæg-
lætishreyfingar-
innar á Íslandi
SKIPULAGSMÁL „Hugmyndin er að
koma fyrir tveimur 235 metra zip­
línum af fjórðu hæð Perlunnar,“
segir í erindi Perlu Norðursins ehf.
til skipulagsyfirvalda í Reykjavík þar
sem óskað er leyfis til að koma fyrir
eins konar aparólu í Öskjuhlíðinni.
Gunnar Gunnarsson, eigandi Perlu
Norðursins, segist ekkert vilja upp­
lýsa um áformin að svo stöddu. Í
erindi félagsins segir að línurnar eigi
að liggja í átt að Fossvogskirkjugarði
og enda í skógarrjóðri.
„Flogið verður yfir tré og yfir
gamla óvirka Strók. Það er draumur
okkar að koma lendingarpallinum
fyrir inni í skógarrjóðrinu en við
höfum fengið heimild til að færa til
nokkur hálfdauð tré frá Skógræktar­
stjóra,“ segir í bréfi Perlu Norðursins.
Lendingarpallurinn verði nær
þrettán metra hár en muni lítið sjást
þar sem tré í kring séu hærri.
„Vegna hæðar línunnar eru engar
líkur á því að hægt sé að rekast á
fólk á göngustígum,“ segir áfram í
bréfinu. Jafnvel þótt „karlkyns gír­
affi væri á gangi“ myndi yfir tveggja
metra maður svífa þrjá metra yfir
þriggja metra háum gíraffanum.
„Fætur Zip­línugests sem er tveggja
metra hár munu vera í tæpum níu
metrum yfir Öskjuhlíðinni.“ – gar
Aparóla í Öskjuhlíð ekki
ógn við karlkyns gíraffa
Fyrirhugað „zip line“ í Öskjuhlíðinni.
Árbæjarstífla. FRÉTTABLAÐIÐ/VALLI
SKIPULAGSMÁL Áður en Skipu­
lagsstofnun getur tekið afstöðu til
breytts deiliskipulags fyrir Elliðaár­
dal þarf Reykjavíkurborg meðal
annars að skýra stöðuna vegna
breytinga á rennsli Elliðaánna.
„Í greinargerð kemur fram að
Árbæjarlón sé eitt helsta sérkenni
svæðisins. Að gefnu tilefni bendir
Skipulagsstofnun á að standi til að
gera varanlega breytingu á lóninu
með varanlegri opnun fyrir rennsli
í gegn um stíf lu þarf að gera grein
fyrir því og umhverfisáhrifum þess
í deiliskipulaginu,“ bendir Skipu­
lagsstofnun á og nefnir nokkur
atriði til viðbótar sem þurfi að lag­
færa áður en hægt sé að afgreiða
málið. „Setja þarf fram nánari skil­
mála um uppbyggingu og útfærslu
vatnsleikjagarðs og tæknirýmis á
svæði A54,“ segir til dæmis um þau
atriði sem eru ófrágengin.
Nýtt skipulag snýst um 250 hekt­
ara borgargarð í Elliðaárdal. – gar
Skýri stöðuna
vegna opnunar
Árbæjarstíflu
4 . M A R S 2 0 2 1 F I M M T U D A G U R2 F R É T T I R ∙ F R É T T A B L A Ð I Ð